अकोट : अकोट शहरातील प्रतिक हेमंत साळुंके याने यूजीसी नेट परीक्षा २०२५ मध्ये उल्लेखनीय यश संपादन करत संपूर्ण देशात एस.टी. (अनुसूचित जमाती) प्रवर्गातून प्रथम क्रमांक पटकावला आहे. मराठी विषयात मिळवलेले हे यश अकोट तालुक्यासाठी अभिमानास्पद ठरले आहे.
विद्यापीठ अनुदान आयोगामार्फत घेण्यात येणाऱ्या नेट परीक्षेचा निकाल नुकताच जाहीर झाला. त्यामध्ये प्रतिक साळुंके याने उत्कृष्ट कामगिरी करत सहाय्यक प्राध्यापक पदासाठी तसेच आचार्य (पीएच.डी) अभ्यासक्रमासाठी आवश्यक शैक्षणिक पात्रता प्राप्त केली आहे. त्याच्या या यशामुळे शैक्षणिक क्षेत्रात त्याचे उज्ज्वल भविष्य निश्चित मानले जात आहे.
प्रतिक साळुंके हा अकोट येथील श्री शिवाजी कला, वाणिज्य व विज्ञान महाविद्यालयाचा एम.ए. मराठी विषयातील माजी विद्यार्थी आहे. अभ्यासातील सातत्य, नियोजनबद्ध तयारी आणि मार्गदर्शन वर्गांचा लाभ यामुळे त्याला हे यश मिळाले. त्याने बी.एड शिक्षण पूर्ण केले असून पीएच.डी.साठी आवश्यक असलेली पीईटी परीक्षा उत्तीर्ण केली आहे. सध्या त्याचे पीएच.डी. संशोधन कार्य सुरू असून कोर्सवर्क परीक्षेतही त्याने चांगले गुण मिळवले आहेत.
Related News
सावरगाव ग्रामसभेत 10 गंभीर मुद्द्यांवर प्रचंड संताप; अपंग निधी, घरकुल आणि 15 व्या वित्त आयोगावर धक्कादायक प्रश्न
“अकोट अकोला नाका ब्रिजवर 5 धक्कादायक समस्या: भीषण तळे, गंभीर अपघाताचा ‘अलर्ट’ रिपोर्ट”
तलावात मासे पकडताना ३७ वर्षीय युवकाचा बुडून मृत्यू
अकोट : चंडिकापूरमध्ये नाली व पेव्हर ब्लॉक कामात गैरव्यवहाराचा आरोप; चौकशीची मागणी
ऑपरेशन ‘प्रहार’ची अकोट ग्रामीण पोलिसांची मोठी कारवाई, जुगार अड्ड्यावर धाड; सहा जण ताब्यात, १.२२ लाखांचा मुद्देमाल जप्त
चोहोट्टा बाजारात विनापरवाना वीट भट्ट्यांवर कडक कारवाई
लाखपुरीच्या शेतकरी पुत्राचे तिहेरी यश ; शुभम इंगळे यांची RRB PO, SBI JA आणि CBI CSA पदांवर निवड
भाजप-एमआयएम युतीनंतर आमदारांवरील कारवाई फक्त चर्चेत !
NMMS राट्रीय स्तरावरील परीक्षेत भाऊसाहब पोटे शाळेचे नेत्र दिपक यश
त्याच्या यशामागे प्राचार्य डॉ. सुनील पांडे, प्राचार्य डॉ. विलास तायडे, डॉ. अशोक इंगळे, डॉ. भास्कर पाटील यांचे मोलाचे मार्गदर्शन लाभले. तसेच आई-वडिलांच्या पाठिंब्यामुळे त्याला यशाच्या शिखरावर पोहोचता आले.
प्रतिक साळुंकेच्या या यशाबद्दल अकोट तालुक्यात सर्वत्र त्याचे अभिनंदन होत असून विविध स्तरातून त्याच्यावर कौतुकाचा वर्षाव केला जात आहे. त्याच्या यशामुळे इतर विद्यार्थ्यांनाही प्रेरणा मिळणार असल्याची भावना व्यक्त होत आहे.
