अवैध उत्खनन व माती वाहतुकीमुळे पर्यावरणाचा समतोल बिघडत असून शासनाच्या महसुलाचेही मोठ्या प्रमाणात नुकसान होत आहे. या पार्श्वभूमीवर महसूल प्रशासनाने अवैध माती वाहतुकीविरोधात कठोर भूमिका घेत आज सकाळी चोहट्टा बाजार परिसरात धडक कारवाई करत एक टिपर जप्त केला आहे. या कारवाईमुळे अवैध व्यवसाय करणाऱ्यांमध्ये खळबळ उडाली आहे.
उपविभागीय अधिकारी मनोज लोणारकर व तहसीलदार सुनील चव्हाण यांच्या मार्गदर्शनाखाली नायब तहसीलदार नरेंद्र सोनवणे यांच्या नेतृत्वात ही कारवाई पार पडली. महसूल प्रशासनाला गोपनीय माहिती मिळाल्यानंतर तत्काळ कारवाईचे आदेश देण्यात आले. त्यानुसार आज सकाळच्या सुमारास चोहट्टा बाजार परिसरात MH 30 BD 6241 क्रमांकाचा टिपर थांबवून तपासणी करण्यात आली.
तपासणीदरम्यान सदर टिपरमध्ये मोठ्या प्रमाणात माती भरलेली असल्याचे आढळून आले. मात्र, वाहन चालकाकडे माती वाहतुकीसाठी आवश्यक असलेली कोणतीही वैध परवानगी, रॉयल्टी पावती किंवा अधिकृत दस्तऐवज उपलब्ध नव्हते. त्यामुळे ही वाहतूक पूर्णपणे अवैध असल्याचे स्पष्ट झाले.
Related News
अकोट जिल्हा परिषद शाळेत घाणीचे साम्राज्य ,आवार भिंत पडली विद्यार्थ्यांच्या आरोग्यावर धोका
स्व. रामकृष्ण कोल्हाळे गुरुजींना पुण्यतिथीनिमित्त संगीतमय आदरांजली
अकोटमध्ये करंट लागून म्हशीचा मृत्यू, धारूर गावातील दुर्दैवी घटना; शेतकऱ्याला मदतीची मागणी
नव्याने निवडून आलेल्या दोन नगरसेवकांच्या जात वैधतेवर आक्षेप; प्रकरण जात पडताळणी समितीकडे!
मान्सूनपूर्व कपाशी लागवडीला वेग; अकोट तालुक्यात शेतकऱ्यांचा कल वाढला
Nagpur News : धावत्या JCB ला लटकून नायब तहसीलदारांची थरारक कारवाई; अवैध उत्खनन माफियांमध्ये भीतीचं वातावरण
नदी घाटावरील गुप्त कारवाईची गरज – टाकळी बु.अवैध रेती राज
चोहोट्टा बाजारात विनापरवाना वीट भट्ट्यांवर कडक कारवाई
रामापूरमध्ये घरकुल योजनेत अन्याय?, 40 वर्षांपासून राहणाऱ्या चामलाटे कुटुंबाला अजूनही घर नाही
वाहन चालक अशोक सोनाजी ओइंबे याच्याविरुद्ध तत्काळ कायदेशीर कारवाई सुरू करण्यात आली. घटनास्थळी पंचनामा करून टिपर जप्त करण्यात आला असून सदर प्रकरणात महाराष्ट्र जमाबंदी अधिनियम १९६६ तसेच पर्यावरण संरक्षण अधिनियम १९८६ अंतर्गत पुढील कार्यवाही करण्यात येत आहे. संध्याकाळपर्यंत संबंधित पोलीस ठाण्यात गुन्हा दाखल करण्याची प्रक्रिया सुरू असल्याची माहिती प्रशासनाकडून देण्यात आली.
या धडक कारवाईत तलाठी एस. एन. दाभाडे व कोतवाल चेतन वडाळ यांनी सक्रिय सहभाग घेतला. त्यांच्या सतर्कतेमुळे व तत्परतेमुळे ही कारवाई यशस्वीरीत्या पार पडली. महसूल विभागाच्या या संयुक्त प्रयत्नांमुळे अवैध माती वाहतुकीवर आळा घालण्यास मदत होत आहे.
या संदर्भात बोलताना नायब तहसीलदार नरेंद्र सोनवणे यांनी सांगितले की,
“अवैध उत्खनन व माती वाहतूक ही केवळ शासनाच्या नियमांचे उल्लंघन नाही, तर पर्यावरण व शेतकऱ्यांच्या हितासाठीही अत्यंत घातक आहे. अशा प्रकारांमुळे जमिनीची सुपीकता कमी होते, नैसर्गिक साधनसंपत्तीचे नुकसान होते आणि पूरस्थितीसारख्या समस्या निर्माण होतात. त्यामुळे अशा अवैध कृत्यांवर कठोर कारवाई सुरूच राहील.”
महसूल प्रशासनाने नागरिकांना देखील महत्त्वाचे आवाहन केले आहे. परिसरात कुठेही अवैध रेती चोरी, माती चोरी किंवा बेकायदेशीर वाहतूक होत असल्याची माहिती मिळाल्यास ती तात्काळ महसूल विभाग किंवा प्रशासनाला कळवावी, जेणेकरून वेळेवर कारवाई करून असे प्रकार रोखता येतील.
“अवैध रेती चोरी, माती चोरी व अवैध वाहतूक बाबत माहिती दिल्यास संबंधित वाहन पकडून कडक कारवाई करण्यात येईल.”
— नरेंद्र सोनवणे, नायब तहसीलदार, अकोट
महसूल प्रशासनाच्या या ठोस भूमिकेमुळे अवैध उत्खनन करणाऱ्यांना चाप बसणार असून, पर्यावरण संरक्षणाच्या दृष्टीने ही कारवाई महत्त्वाची मानली जात आहे.
