महिला आरक्षित व नागरिकांचा मागास प्रवर्ग (सर्वसाधारण) प्रभागातील सदस्यांच्या जात वैधता प्रमाणपत्रां बाबत तक्रारी दाखल;
बाळापूर ताप्र : गेल्या काही महीण्या आगोदर नगर परिषद निवडणुकीनंतर शहराच्या राजकीय वर्तुळात एक महत्त्वपूर्ण आणि चर्चेचा विषय ठरलेला घटनाक्रम समोर येत आहे. नागरिकांचा मागास प्रवर्ग (महिला) आरक्षित प्रभागातून निवडून आलेल्या एका नगरसेविका तसेच नागरिकांचा मागास प्रवर्ग (सर्वसाधारण) मधून निवडून आलेल्या एका सदस्य यांच्या जात वैधता प्रमाणपत्रांबाबत आक्षेप नोंदविण्यात आल्याची माहिती समोर आली आहे.
मिळालेल्या माहितीनुसार, संबंधित प्रभागांमधून निवडणूक लढविणाऱ्या काही प्रतिस्पर्धी उमेदवारांनी नव-निर्वाचित सदस्यांच्या जात वैधता प्रमाणपत्रांबाबत प्रश्न उपस्थित करत संबंधित जात पडताळणी (छाननी) समितीकडे औपचारिक तक्रारी दाखल केल्या आहेत. तक्रारदारांनी सादर करण्यात आलेल्या कागदपत्रांची तसेच प्रमाणपत्र प्राप्त करण्यासाठी अवलंबण्यात आलेल्या प्रक्रियेची सखोल व निष्पक्ष चौकशी करण्याची मागणी केली आहे.
Related News
रामापूरमध्ये घरकुल योजनेत अन्याय?, 40 वर्षांपासून राहणाऱ्या चामलाटे कुटुंबाला अजूनही घर नाही
सुप्रीम कोर्टाचा धक्का: महाराष्ट्रातील 22 जिल्हा परिषद व पंचायत समित्यांच्या निवडणुकांना स्थगिती
मूर्तिजापूरमध्ये अग्निशमन दलाच्या गाडीचे चाक चोरीला; तक्रार नाही, प्रशासनावर प्रश्नचिन्ह
मुदत संपलेल्या ग्रामपंचायतींवर प्रशासकांची नियुक्ती
संध्या डाहेलकर यांना डॉ. सिंधुताई सपकाळ नारी प्रेरणा पुरस्काराने सन्मानित
आसेगाव बाजारच्या दीक्षाची CISF मध्ये भरारी; शेतमजूर कुटुंबातील लेकीने रचला यशाचा नवा इतिहास
मूर्तिजापूर आगारात इंधन बचत मासिक मोहिमेचा उत्साहात शुभारंभ
“मूर्तिजापूर नगरपरिषदेत छुप्या युतीचा वाद: इम्रान शेख यांना सभागृहात प्रवेश नाकारला”
संबंधित प्रभागांपैकी एक प्रभाग नागरिकांचा मागास प्रवर्ग (महिला) या आरक्षित गटासाठी राखीव होता, तर दुसरा प्रभाग नागरिकांचा मागास प्रवर्ग (सर्वसाधारण) या श्रेणीसाठी राखीव होता. त्यामुळे निवडून आलेल्या सदस्यांच्या पात्रतेशी संबंधित बाबींना विशेष महत्त्व प्राप्त झाले असून, या संदर्भातील आक्षेपांमुळे राजकीय चर्चांना उधाण आले आहे.
राजकीय निरीक्षकांच्या मते, जात पडताळणी समितीने या प्रकरणाची सविस्तर सुनावणी व चौकशी हाती घेतल्यास आगामी काळात हा विषय स्थानिक राजकारणातील महत्त्वाचा मुद्दा ठरू शकतो. निवडणुकीनंतर अशा प्रकारच्या तक्रारी समोर आल्याने त्याचे राजकीय परिणामही उमटण्याची शक्यता वर्तविली जात आहे.
दुसरीकडे, संबंधित सदस्यांच्या समर्थकांनी सर्व आरोप फेटाळून लावत हे आरोप राजकीय प्रेरणेतून करण्यात आल्याचा दावा केला आहे. त्यांच्या म्हणण्यानुसार, संबंधित जात वैधता प्रमाणपत्रे सर्व वैधानिक प्रक्रिया व आवश्यक कागदपत्रांच्या आधारे प्राप्त करण्यात आली असून, निवडणुकीतील पराभवानंतर विरोधकांकडून अनावश्यक वाद निर्माण करण्याचा प्रयत्न केला जात आहे.
चौकशीनंतर वस्तुस्थिती स्पष्ट होईल आणि सर्व बाबी समोर येतील, असा विश्वास समर्थकांनी व्यक्त केला आहे.सध्या नागरिक, मतदार तसेच राजकीय कार्यकर्त्यांचे लक्ष जात पडताळणी समितीच्या पुढील कार्यवाहीकडे लागले आहे. समितीच्या चौकशी अहवाल व अंतिम निर्णयानंतरच तक्रारींमधील तथ्यस्थिती आणि प्रकरणाचा निकाल स्पष्ट होणार आहे.दरम्यान, शहरातील कागजीपुरा, खतीब कॉलनी, कासारखेड तसेच विविध चौक, बाजारपेठा आणि चहाच्या टपऱ्यांवर या विषयाची चर्चा रंगताना दिसत आहे. नगर परिषद निवडणुकीनंतर उद्भवलेला हा विषय सध्या बाळापूरच्या स्थानिक राजकारणातील चर्चेचा केंद्रबिंदू ठरला आहे.
टीप : या वृत्तातील माहिती स्थानिक पातळीवर उपलब्ध झालेल्या माहिती, तक्रारी व चर्चांच्या आधारे सादर करण्यात आली आहे. संबंधित व्यक्तींविरुद्ध कोणताही अंतिम निष्कर्ष काढण्यात आलेला नसून, प्रकरणाची सत्यता व कायदेशीर स्थिती ही संबंधित जात पडताळणी समितीच्या चौकशी व अधिकृत निर्णयानंतरच निश्चित होणार आहे.
read also : https://ajinkyabharat.com/citizens-working-on-pimpri-khurd-kari-road-distressed/
