अकोट तालुक्यातील चोहोट्टा बाजार परिसरात अनेक दिवसांपासून विनापरवाना सुरू असलेल्या वीट भट्ट्यांकडे महसूल विभागाने डोळेझाक केल्याचे चित्र समोर आले आहे. मात्र, हा प्रकरण प्रसार माध्यमांत येताच प्रशासन अचानक ॲक्शन मोडमध्ये आले आहे. दि. ९ मार्च २०२६ रोजी अकोट तहसीलदार डॉ. सुनील चव्हाण यांनी स्वतः घटनास्थळी भेट देत, वीट भट्ट्यांची तपासणी व पंचनामा केला.
स्थानिक नागरिकांच्या तक्रारीनुसार, महामार्गालगत सुरू असलेल्या या भट्ट्यांमुळे वाहनधारकांना व परिसरातील नागरिकांना गंभीर त्रास सहन करावा लागत होता. तपासणीत नोंदवले गेले की, अनेक दिवस बिनधास्तपणे हे व्यवसाय सुरू होते, तरीही प्रशासनाने याकडे गांभीर्याने लक्ष दिले नव्हते.
तपासणीनंतर तहसीलदार डॉ. सुनील चव्हाण यांनी आदेश दिले की, संबंधित वीट भट्ट्यांचे पजावाधारक ३१ मार्च २०२६ पूर्वी शासनाकडे रॉयल्टी भरण्याचे आदेश पाळतील. जर निर्धारित मुदतीत रॉयल्टी भरली नाही, तर दंडात्मक कारवाई करून मालमत्तेवर बोजा लादण्यात येईल.
Related News
आखाती तणावात अडकलेल्या भारतीयांना परत आणा – आमदार हरिष पिंपळे यांची मागणी
अशोक हांडे यांना पार्किंग वादातून मारहाण, कार्यालयात बॅट उगारल्याची घटना
NMMS राट्रीय स्तरावरील परीक्षेत भाऊसाहब पोटे शाळेचे नेत्र दिपक यश
आमदार बाळासाहेब मांगुळकर यांचे कामगारांच्या हितासाठी मंत्र्यांना साकडे
अकोट : रोटरी क्लबच्या मोफत नेत्र तपासणी शिबिरात ८०४ रुग्णांची तपासणी
शरद पवार यांची तब्येत पुन्हा बिघडली – पुण्यात रूबी हॉल क्लिनिकमध्ये दाखल
ग्रामीण भागातील विद्यार्थ्यांशी साधला संवाद ; अर्थशास्त्र विभागाची जिल्हा परिषद शाळेला शैक्षणिक भेट
दरम्यान, महसूल विभागाचे अनेक दिवस बिनधास्तपणे दुर्लक्ष केल्याबद्दल नागरिकांमध्ये नाराजी आहे. प्रसार माध्यमांनी प्रश्न उपस्थित केल्यानंतरच प्रशासन जागे झाले, अशी चर्चा परिसरात रंगू लागली आहे. स्थानिक नागरिक आता फक्त पंचनामा न होता, विनापरवाना सुरू असलेल्या वीट भट्ट्यांवर कायमस्वरूपी कारवाई करण्याची मागणी करत आहेत, जेणेकरून भविष्यात अशा प्रकारच्या अतिक्रमणांवर निर्बंध घालता येतील.
