अकोट : अकोट ते अकोला या महत्त्वाच्या मार्गावर रेल्वे पूल ते पैलवान बाबा मंदिर दरम्यान रस्त्याच्या दोन्ही बाजूंचे साईड शोल्डर न भरल्यामुळे ठिकठिकाणी मोठे खड्डे निर्माण झाले आहेत. या खड्ड्यांमुळे वाहनचालकांना मोठ्या अडचणींचा सामना करावा लागत असून अपघाताची शक्यता वाढली आहे. परिणामी नागरिकांच्या जिवितास गंभीर धोका निर्माण झाल्याची चिंता व्यक्त केली जात आहे.
दररोज शेकडो वाहनांची वर्दळ असलेल्या या मार्गाची अवस्था दिवसेंदिवस खराब होत चालली आहे. विशेषतः रात्रीच्या वेळी खड्डे लक्षात न आल्याने दुचाकीस्वार आणि चारचाकी वाहनचालकांना अचानक ब्रेक लावावे लागतात किंवा वाहन वळवावे लागते, त्यामुळे अपघाताचा धोका अधिकच वाढतो. पावसाचे पाणी साचल्याने खड्ड्यांची खोली अंदाजणे कठीण होत असून प्रवाशांमध्ये भीतीचे वातावरण आहे.
स्थानिक नागरिकांच्या मते, संबंधित विभागाकडून या समस्येकडे पूर्णपणे दुर्लक्ष होत आहे. अनेकदा तक्रारी करूनही दुरुस्तीचे कोणतेही ठोस काम हाती घेतले नसल्याचा आरोप करण्यात येत आहे. याउलट काही सुज्ञ नागरिकांनी स्वतः पुढाकार घेत जेसीबीच्या साहाय्याने खड्डे खोदून आपल्या कॉलनीकडे जाण्यासाठी तात्पुरता रस्ता तयार केल्याचे दिसून येते. मात्र अशा अनियोजित कामांमुळे रस्त्याची अवस्था आणखी बिकट होण्याची शक्यता नाकारता येत नाही.
Related News
उद्योगमंत्री उदय सामंत 16 ऑगस्टला घेणार महत्त्वाची बैठक ; चाकणच्या उद्योजकांसाठी मोठी बातमी!
अकोट जिल्हा परिषद शाळेत घाणीचे साम्राज्य ,आवार भिंत पडली विद्यार्थ्यांच्या आरोग्यावर धोका
धक्कादायक! उमरा गावात चवताळलेल्या माकडाचा हैदोस; 10 दिवसांत 3 जण जखमी
5 वर्षांच्या चिमुकलीचा दुर्दैवी मृत्यू! स्कूल व्हॅनच्या धडकेत वाढदिवसाच्या आधीच काळाचा घाला; जाणून घ्या 7 धक्कादायक बाबी
3 किलोमीटर चिखलातून बैलगाडीतून वडिलांना रुग्णालयात! लेकाची जीवाची धडपड; प्रशासनाचा धक्कादायक निष्काळजीपणा उघड
ऑपरेशन प्रहार : अकोटजवळ जुगार अड्ड्यावर पोलिसांचा छापा, ७.८८ लाखांचा मुद्देमाल जप्त
हिदायत पटेल हत्याकांडात मोठी घडामोड; अकोट सत्र न्यायालयाकडून ४ फरार आरोपींविरुद्ध अटक वॉरंट
अकोटमध्ये करंट लागून म्हशीचा मृत्यू, धारूर गावातील दुर्दैवी घटना; शेतकऱ्याला मदतीची मागणी
१० वैशिष्ट्यांसह श्री संत वासुदेव महाराज पालखीचे भव्य प्रस्थान; हरिनामाच्या गजरात आकोटकरांचा अविस्मरणीय आनंदोत्सव
“भीषण उन्हात अकोट-कुटासा बस बंद! प्रवाशांचे 5 धक्कादायक हाल, एसटी प्रशासनावर संतापाचा भडका”
नागरिकांनी प्रशासनाकडे तातडीने लक्ष देण्याची मागणी केली असून रस्त्याच्या दोन्ही बाजूंचे साईड शोल्डर भरून खड्डे बुजवावेत, अशी अपेक्षा व्यक्त केली आहे. अपघात टाळण्यासाठी आणि वाहतूक सुरळीत ठेवण्यासाठी त्वरित दुरुस्ती करणे गरजेचे असल्याचे मतही पुढे येत आहे. आता या गंभीर समस्येची संबंधित विभाग कितपत दखल घेतो, याकडे अकोटकरांचे लक्ष लागले आहे.
