अकोला शहरातील अकोट फाईल पोलीस स्टेशन हद्दीतील बापू नगर परिसरात धुलीवंदनच्या दुसऱ्याच दिवशी एक धक्कादायक घटना घडली. घराच्या मालकीच्या वादातून एका भावाने चुलत भावावर चाकूने हल्ला करून त्याची निर्घृण हत्या केल्याची घटना उघडकीस आली आहे. या घटनेमुळे परिसरात मोठी खळबळ उडाली असून नागरिकांमध्ये भीतीचे वातावरण निर्माण झाले आहे. पोलिसांनी आरोपीला अवघ्या काही तासांत अटक करत पुढील तपास सुरू केला आहे.
पोलिसांनी दिलेल्या माहितीनुसार, रितीक अनिल बिहुणे या तरुणाने त्याचा चुलत भाऊ विनीत विजय बिहुणे याच्यावर चाकूने वार केले. या हल्ल्यात विनीत गंभीर जखमी झाला. त्याला तात्काळ उपचारासाठी शासकीय रुग्णालयात दाखल करण्यात आले होते. मात्र उपचारादरम्यान त्याचा मृत्यू झाला. या घटनेमुळे बिहुणे कुटुंबावर दुःखाचा डोंगर कोसळला आहे.
या प्रकरणी भारती हिरालाल धमेरीया यांनी पोलिसांकडे तक्रार दाखल केली आहे. त्यांनी दिलेल्या जबाबानुसार, आरोपी रितीक बिहुणे हा अनेक दिवसांपासून दारूच्या नशेत विनीतला घर आपल्या नावावर करून देण्याची मागणी करत होता. या कारणावरून दोघांमध्ये वारंवार वाद होत असल्याची माहितीही त्यांनी दिली आहे.
Related News
अकोला धक्कादायक घटना: एमआयडीसी परिसरात तरुणाची चाकूने हत्या, परिसरात भीतीचे वातावरण
अकोला क्राईम न्यूज: कौलखेड परिसरात दिवसाढवळ्या धाकधूक, चाकू हल्ल्यांचा रिअल थरार
अकोला शहरात अल्पवयीनांकडून चाकू हल्ला; दोन आरोपी ताब्यात, तिघांचा शोध सुरू..
Akola Political Clash : अकोट फैलमध्ये काँग्रेस–एमआयएम आमनेसामने, चाकू हल्ल्यात एक गंभीर, परिसरात तणाव
“‘काय पाहतोस?’ म्हणत सुरू झाला वाद… अकोल्यात चहाच्या टपरीवर 17 वर्षीय मुलाचा खून ; पोलिसांची 6 तासांत अचूक कारवाई!”
Akola Crime News : अकोल्यात चोरट्यांचा धुमाकूळ, मलकापूर परिसर दरोडेखोरांच्या टार्गेटवर; सतर्क नागरिकामुळे मोठी चोरी टळली
“ज्ञान मंदिरातच लाजिरवाणी घटना! पातुर तालुक्यात सहाय्यक शिक्षिकेचा विनयभंग; आरोपी शिक्षकावर गुन्हा दाखल”
ऑपरेशन ‘प्रहार’ची अकोट ग्रामीण पोलिसांची मोठी कारवाई, जुगार अड्ड्यावर धाड; सहा जण ताब्यात, १.२२ लाखांचा मुद्देमाल जप्त
अकोल्यातील गंभीर खून प्रकरण: महिलेचा गळा आवळून हत्या, पोलिसांनी तात्काळ आरोपीला अटक
कॅन्टीनवर चहा घेताना वादातून तरुणावर दगडाने हल्ला ; गुन्हा दाखल
मूर्तिजापूरमध्ये बेपत्ता इसमाचा कुजलेल्या अवस्थेतील मृतदेह सापडला
धुलीवंदनानिमित्त बापू नगर परिसरात सायंकाळी रंगांचा कार्यक्रम सुरू होता. त्याचवेळी सायंकाळी सुमारे सहा वाजण्याच्या सुमारास आरोपी रितीकने पुन्हा एकदा घराच्या मुद्द्यावरून विनीतशी वाद घालण्यास सुरुवात केली. सुरुवातीला शाब्दिक वाद झाला. मात्र काही वेळातच हा वाद तीव्र भांडणात बदलला. या दरम्यान संतापाच्या भरात आरोपीने चाकू काढून विनीतच्या डाव्या छातीवर वार केला.
या हल्ल्यानंतर विनीत रक्ताच्या थारोळ्यात कोसळला. परिसरातील नागरिकांनी तातडीने त्याला रुग्णालयात दाखल केले. मात्र गंभीर जखमी झाल्याने डॉक्टरांनी उपचार सुरू असतानाच त्याचा मृत्यू झाल्याचे घोषित केले. या घटनेमुळे बापू नगर परिसरात मोठा तणाव निर्माण झाला.हल्ला केल्यानंतर आरोपी रितीक घटनास्थळावरून फरार झाला होता. या घटनेची माहिती शेजारी राहणारे भारत शुक्लवारे आणि प्रीती शुक्लवारे यांनी पोलिसांना दिली. त्यानंतर अकोट फाईल पोलीस घटनास्थळी दाखल झाले आणि तपासाला सुरुवात केली.
या प्रकरणी पोलिसांनी भारतीय न्याय संहिता (BNS) अंतर्गत कलम 103 (1) आणि 3(5) नुसार गुन्हा दाखल केला आहे. घटनेचे गांभीर्य लक्षात घेता पोलिसांनी आरोपीचा शोध घेण्यासाठी विशेष पथक तयार केले.
अकोल्याचे पोलीस अधीक्षक अर्चित चांडक यांच्या मार्गदर्शनाखाली पोलीस निरीक्षक शेख रहीम यांच्या नेतृत्वाखालील पथकाने आरोपीचा शोध घेण्यासाठी तांत्रिक आणि बौद्धिक कौशल्याचा वापर केला. तपासादरम्यान आरोपी अकोल्यातून पळून जाऊन भोपालला जाण्याच्या तयारीत असल्याची माहिती पोलिसांना मिळाली.
या माहितीनंतर पोलिसांनी अकोला रेल्वे स्थानक परिसरात सापळा रचला. अवघ्या दोन तासांच्या आत पोलिसांनी आरोपीला ताब्यात घेण्यात यश मिळवले. या कारवाईत सहाय्यक उपनिरीक्षक अनिस पठाण आणि इतर पोलीस कर्मचाऱ्यांनी महत्त्वाची भूमिका बजावली.सध्या आरोपी रितीक बिहुणे याला अटक करण्यात आली असून त्याच्यावर पुढील कायदेशीर प्रक्रिया सुरू आहे. या प्रकरणाचा पुढील तपास सहाय्यक पोलीस निरीक्षक जनार्धन खंडेराव करत आहेत.
घराच्या मालकीच्या वादातून एवढ्या टोकाला जाऊन नातेवाईकानेच हत्या केल्याने परिसरात हळहळ व्यक्त केली जात आहे. धुलीवंदनसारख्या आनंदाच्या सणानंतर घडलेल्या या घटनेमुळे बापू नगर परिसरात शोककळा पसरली आहे. पोलिसांनी नागरिकांना शांतता राखण्याचे आवाहन केले असून प्रकरणाचा सखोल तपास सुरू असल्याचे सांगितले आहे.
READ ALSO : https://ajinkyabharat.com/israel-us-iran-war-7-shocking-results/
