अकोला : अकोला शहरातील नवीन तारफैल परिसरात भरदिवसा घडलेल्या निर्घृण हत्येच्या घटनेने परिसरात भीतीचे वातावरण निर्माण झाले आहे. जुन्या वादाच्या पार्श्वभूमीवर 24 वर्षीय अंकुश नंदागवळी याची धारदार शस्त्राने वार करून हत्या करण्यात आली. ही घटना शनिवारी सकाळी सुमारे 11 वाजण्याच्या सुमारास बागडे किराणा दुकानाजवळ घडली.
मिळालेल्या माहितीनुसार, अंकुश नंदागवळी हा परिसरात असताना तीन ते चार जणांनी त्याला अडवून अचानक हल्ला केला. हल्लेखोरांनी त्याच्या मानेवर, डोक्यावर, छातीवर आणि पोटावर धारदार शस्त्राने सपासप वार केले. हा हल्ला इतका भीषण होता की अंकुश गंभीर जखमी झाला आणि त्याचा घटनास्थळीच मृत्यू झाला. भरचौकात घडलेल्या या घटनेमुळे नागरिकांमध्ये एकच खळबळ उडाली.
हल्ल्यानंतर आरोपी घटनास्थळावरून पसार झाले. घटनेची माहिती मिळताच रामदास पेठ पोलीस ठाण्याचे पोलीस निरीक्षक शिरीष खंडारे यांनी सहकाऱ्यांसह घटनास्थळी धाव घेत पंचनामा केला. त्यानंतर मृतदेह शवविच्छेदनासाठी शासकीय वैद्यकीय महाविद्यालय व रुग्णालयात पाठविण्यात आला.
Related News
मुक्ताईनगरमध्ये जुगार अड्ड्यावर पोलिसांचा छापा! आठ जण ताब्यात, रोख रकमेसह साहित्य जप्त
‘साहेब नाही, माझे वडील गेलेत!’ राम पूर्णेकर यांना अश्रू अनावर; ठाण्यातील VIDEO चर्चेत
Tiger Shroff गोळीबार प्रकरणात मोठी अपडेट; 17 तासांत दोन संशयित पोलिसांच्या ताब्यात!
महाराष्ट्र पुन्हा हादरला! शाळेच्या बस चालकाकडून ३ वर्षांच्या चिमुकलीवर अत्याचार
अखेर भाजप नेत्याविरोधात गुन्हा दाखल; चाळीसगावातील अपघातानंतर ग्रामस्थांचा संताप
Chief Minister Devendra Fadnavis ऑक्टोबरच्या दुसऱ्या आठवड्यात अकोल्यात; 1 हजार कोटींच्या विकासकामांचे लोकार्पण!
कल्याणमध्ये डॉक्टरवर रुग्णाच्या मुलाचा हल्ला; केबिनबाहेर काढलं, तरी पुन्हा आत येऊन मारहाण
“तुझ्या पप्पांना सोडून देते रे…” कुणालच्या आईची आर्त विनवणी; खवड्या डोंगर प्रकरणाला नवा ट्विस्ट!
Khavdya Dongar Case: आधी एक मुलगा गमावला, आता कुणालसह आई-वडिलांचाही मृत्यू; चांदगुडे कुटुंबाची काळीज पिळवटून टाकणारी कहाणी
खवड्या डोंगरावर हात जोडून आईची विनवणी; कुणालला वाचवण्याचे अखेरपर्यंत प्रयत्न, थरारक व्हिडिओ समोर
अकोल्यात विवाहितेचा संशयास्पद मृत्यू; धमकीच्या फोननंतर घडली धक्कादायक घटना , 5 मिनिटांत संपलं आयुष्य!
अकोला शिक्षक बदली घोटाळा: 33 शिक्षक निलंबित, 65 जणांची वेतनवाढ रोखली | 136 दोषींवर मोठी कारवाई
प्राथमिक तपासात हा खून जुन्या वैमनस्यातून झाल्याचा संशय पोलिसांनी व्यक्त केला आहे. फरार आरोपींचा शोध घेण्यासाठी विशेष पथके रवाना करण्यात आली असून शहरातील विविध भागांतील सीसीटीव्ही फुटेजचीही तपासणी सुरू आहे. या घटनेमुळे परिसरात तणावाचे वातावरण निर्माण झाले असून नागरिकांनी कायदा व सुव्यवस्था अबाधित ठेवण्याचे आवाहन पोलिसांनी केले आहे.
या प्रकरणी रामदास पेठ पोलीस ठाण्यात गुन्हा दाखल करण्याची प्रक्रिया सुरू असून पुढील तपास पोलीस करत आहेत. आरोपींना लवकरात लवकर अटक करण्यासाठी पोलिसांकडून युद्धपातळीवर शोधमोहीम राबविण्यात येत आहे.
