अकोला जिल्ह्यातील मूर्तिजापूर नगरपरिषद निवडणूक यंदा अत्यंत चुरशीची ठरली. भाजपने या निवडणुकीत आपला पारंपरिक गड कायम राखत पुन्हा एकदा राजकीय ताकद सिद्ध केली आहे. भाजपचे उमेदवार हर्षल साबळे यांनी तब्बल ७१८ मतांनी विजय मिळवत नगराध्यक्षपदावर आपले नाव कोरले आहे. या विजयामुळे भाजपने केवळ सत्ता टिकवली नाही, तर पक्षांतर्गत प्रतिष्ठेची लढाईही जिंकली असून “गडही आला आणि सिंहही…” अशी चर्चा राजकीय वर्तुळात रंगली आहे.
मूर्तिजापूर नगरपरिषद निवडणूक ही भाजप आमदार हरीश पिंपळे यांच्यासाठी प्रतिष्ठेची मानली जात होती. नगराध्यक्षपदाच्या या निवडणुकीत भाजपकडून उमेदवारी देण्यात आलेले हर्षल साबळे विजयी ठरल्याने आमदार पिंपळे यांची राजकीय पकड पुन्हा एकदा मजबूत झाल्याचे चित्र दिसून आले. विशेष म्हणजे, या निवडणुकीत आमदार हरीश पिंपळे यांचे भाऊ भुपेंद्र पिंपळे यांच्या गटालाही यश मिळाल्याने, भाजपने सत्तेचा गड राखण्याबरोबरच अंतर्गत राजकीय समीकरणातही बाजी मारल्याचे मानले जात आहे.
ही निवडणूक सुरुवातीपासूनच चुरशीची राहिली. मतमोजणीदरम्यान अकराव्या फेरीपर्यंत वंचित बहुजन आघाडीचे उमेदवार शेख इम्रान शेख खलील हे आघाडीवर होते. त्यामुळे शेवटपर्यंत निकालाबाबत अनिश्चितता कायम होती. वंचित बहुजन आघाडीच्या कार्यकर्त्यांमध्ये उत्साहाचे वातावरण होते आणि भाजप समर्थकांमध्येही तणाव निर्माण झाला होता. मात्र, बारावी फेरी निर्णायक ठरली. या फेरीत भाजपचे हर्षल साबळे यांनी निर्णायक आघाडी घेतली आणि अखेर विजय आपल्या नावावर केला.
Related News
अकोला काँग्रेसमध्ये मोठा नेतृत्व बदल! महेंद्र गवई महानगराध्यक्ष, प्रकाश तायडे ग्रामीण जिल्हाध्यक्ष नियुक्त
Akola Municipal Election 2026: 7 मोठे धक्कादायक ट्विस्ट! अकोल्यात सत्तासंघर्ष तीव्र, भाजपची कोंडी आणि महापौरपदावर प्रचंड सस्पेन्स
मूर्तिजापूरात वाद मिटवायला गेलेल्या बँक मॅनेजरवर प्राणघातक हल्ला; तिघांविरुद्ध गुन्हा दाखल
Mumbai Mayor Election 2026: 7 धक्कादायक घडामोडी! शिवसेना ठाकरे गटाचाच महापौर ? राऊतांचे शक्तिशाली संकेत
Akola Municipal Election Result 2026: धक्कादायक निकाल! 9 वर्षांनंतर भाजपला मोठा फटका, 10 जागांचा पराभव
अकोला महापालिका प्रभाग क्रमांक 5 मध्ये भाजपाचा दणदणीत विजय; चारही उमेदवार विजयी
अकोला महानगरपालिका प्रभाग क्रमांक ६ मध्ये भाजपाचे सर्व ४ उमेदवार विजयी झाले आहेत.
अकोला महानगरपालिका : झोन क्रमांक 5 मध्ये भाजप–वंचितची सरशी ,आशिष पवित्रकार (अपक्ष) यांनी 5918 मते मिळवत विजय मिळवला.
Shocking Dhule Municipal Election EVM Vandalism: प्रभाग 18 मध्ये थेट ईव्हीएम फोडली; मतदान प्रक्रियेला मोठा धक्का | 2026
Pimpri Chinchwad Election 2026 : मतदानाचा फोटो पडला महागात! माजी महापौरांच्या पतीवर थेट गुन्हा दाखल – मोठा धक्का
पक्षातील सात कार्यकर्त्यांची घर वापसी, महापालिका निवडणुकीच्या पार्श्वभूमीवर संघटनात्मक एकजूट
5 धक्कादायक दावे ! Prakash Ambedkar Municipal Election Statement मुळे महाराष्ट्राच्या राजकारणात खळबळ
या निकालानंतर मूर्तिजापुरात भाजप कार्यकर्त्यांनी जल्लोष साजरा केला. ढोल-ताशांच्या गजरात आणि फटाक्यांच्या आतषबाजीत विजयाचा आनंद व्यक्त करण्यात आला. दुसरीकडे, वंचित बहुजन आघाडीच्या समर्थकांमध्ये निराशा पसरली असली, तरी त्यांनीही ही लढत अत्यंत चुरशीची आणि लोकशाहीची खरी कसोटी ठरल्याचे मान्य केले आहे.
राजकीय विश्लेषकांच्या मते, हा विजय भाजपसाठी केवळ स्थानिक स्वराज्य संस्थेतील सत्ता टिकवण्यापुरता मर्यादित नाही, तर आगामी निवडणुकांच्या दृष्टीनेही महत्त्वाचा मानला जात आहे. मूर्तिजापुरात भाजपची संघटनात्मक ताकद, स्थानिक नेतृत्वावर असलेला विश्वास आणि शेवटच्या क्षणी मिळवलेली आघाडी, हे सर्व घटक या विजयामागे निर्णायक ठरले.
एकूणच, मूर्तिजापूर नगरपरिषद निवडणुकीत भाजपने आपला गड शाबूत ठेवत, प्रतिष्ठेची लढाई जिंकली असून “भाजपचा गडही आला आणि सिंहही…” ही म्हण या निकालामुळे पुन्हा एकदा चर्चेत आली आहे.
read also : https://ajinkyabharat.com/cattle-herders-are-aggressive-lumpi-and-laalya-khurkutacha/
