मूर्तिजापूर प्रतिनिधी –
शहरातील गजानन महाराज मंदिर, लहरीया प्लॉट परिसरात दोन गटांतील भांडण सोडवण्यासाठी गेलेल्या एका बँक मॅनेजरवर तिघांनी मिळून काठी व लाथाबुक्क्यांनी बेदम मारहाण केल्याची धक्कादायक घटना घडली आहे. या प्रकरणी मूर्तिजापूर शहर पोलिसांनी तीन आरोपींविरुद्ध बीएनएस (BNS) च्या विविध कलमान्वये गुन्हा दाखल केला असून, घटनेनंतर परिसरात काही काळ तणावाचे वातावरण निर्माण झाले होते.
फिर्यादी उपेंद्र गणपतसिंग खन्नाडे (वय ४८), रा. लहरीया प्लॉट, मूर्तिजापूर, हे पेशाने बँक मॅनेजर आहेत. दि. १९ जानेवारी रोजी रात्री सुमारे ११.१५ वाजताच्या सुमारास त्यांच्या मोहल्ल्यातील गजानन महाराज मंदिराजवळ मोठ्याने भांडणाचा आवाज येत असल्याचे त्यांच्या लक्षात आले. आवाज ऐकून बाहेर पडल्यावर मंदिराजवळ लोकांची गर्दी जमलेली दिसली. परिस्थिती बिघडू नये म्हणून आणि वाद शांततेने मिटवण्यासाठी खन्नाडे तिथे गेले.
मात्र, वाद सोडवण्याऐवजी त्यांनाच मारहाणीला सामोरे जावे लागले. आरोपी शेखर उर्फ सोनू यदवर याने “तुम्ही आमचा कालचा घरगुती वाद आपसात का मिटवला?” असा जाब विचारत खन्नाडे यांच्याशी वाद घातला. वादाचे रूपांतर लगेचच हाणामारीत झाले. आरोपी सोनू यदवर याने हातातील काठीने खन्नाडे यांच्या पाठीवर जोरदार प्रहार केला व अत्यंत अश्लील भाषेत शिवीगाळ केली.
Related News
मोठी फी, पण ‘पेन’ व ‘अपार’ आयडीच नाही; विद्यार्थिनीच्या प्रवेशावर संकट
स्व. रामकृष्ण कोल्हाळे गुरुजींना पुण्यतिथीनिमित्त संगीतमय आदरांजली
सोनोरीजवळ महामार्गावर भीषण अपघात: टिप्परच्या धडकेत कारचे मोठे नुकसान, 1 चालक जखमी
मूर्तिजापूर रेल्वे स्थानकावर चेन स्नॅचिंगचा छडा ;अल्पवयीनासह तिघांना अटक
संध्या डाहेलकर यांना डॉ. सिंधुताई सपकाळ नारी प्रेरणा पुरस्काराने सन्मानित
ग्रामीण भागातील विद्यार्थीही तितकेच टॅलेंटेड – ठाणेदार अजित जाधव
जुने पैसे मागण्याच्या वादातून प्राणघातक हल्ला; मूर्तिजापूर पोलिसांनी तिघांविरुद्ध गुन्हा नोंदवला
राज्यस्तरीय कराटे स्पर्धेत एम. बी. कराटे अकॅडमीच्या खेळाडूंचे घवघवीत यश
मूर्तिजापूर आगारात इंधन बचत मासिक मोहिमेचा उत्साहात शुभारंभ
मूर्तिजापूरचे सुलेखनकार विशाल वैद्य यांची राज्यस्तरीय स्पर्धेसाठी निवड
वडरपुरा येथे आढळलेल्या अज्ञात मृत व्यक्तीवर जय गजानन आपत्कालीन पथकाकडून विधीवत अंत्यसंस्कार
वाल्मिक नगरात अनोळखी इसमाचा मृतदेह आढळल्याने खळबळ; ओळख पटविण्याचे पोलिसांचे आवाहन
यावेळी तिथे उपस्थित असलेले राहुल यदवर आणि विशाल यदवर यांनीही खन्नाडे यांना पकडून त्यांच्या चेहऱ्यावर व पाठीवर चापटबुक्क्यांनी मारहाण केली. अचानक झालेल्या या हल्ल्यामुळे खन्नाडे जखमी झाले. आरडाओरड झाल्यानंतर परिसरातील नागरिकांनी धाव घेतल्याने पुढील अनर्थ टळला.
या प्रकरणी उपेंद्र खन्नाडे यांनी दिलेल्या तक्रारीवरून मूर्तिजापूर शहर पोलिसांनी आरोपी शेखर (सोनू) यदवर (वय ४५), राहुल यदवर (वय ३८) आणि विशाल यदवर (वय ३५), सर्व रा. राम मंदिर, स्टेशन विभाग, मूर्तिजापूर यांच्याविरुद्ध अपराध क्र. ७०/२०२६ नुसार कलम ११८(१), ११५(२), २९६, ३५१(३), ३(५) बीएनएस अंतर्गत गुन्हा दाखल केला आहे.
सदर गुन्हा HC मंगेश विल्हेकर (ब.नं. १४६२) यांनी दाखल केला असून, पुढील तपास HC गजानन चांभारे (ब.नं. १६५५) करीत आहेत. रात्रीच्या वेळी शहरात घडलेल्या या घटनेमुळे नागरिकांमध्ये भीतीचे वातावरण निर्माण झाले असून, पोलिसांनी आरोपींवर कडक कारवाई करण्याचे संकेत दिले आहेत.
