Baramati : बारामती-पारवडी मार्गावर काल उशिरा रात्री भीषण अपघात घडून एका चौकोनी कुटुंबावर काळाने झडप घातली. या दुर्घटनेत आई आणि पाच वर्षांच्या मुलीचा जागीच मृत्यू झाला असून पती आणि दोन वर्षांचा मुलगा गंभीर जखमी झाले आहेत. या घटनेमुळे परिसरात हळहळ व्यक्त केली जात आहे.
मिळालेल्या माहितीनुसार, मयूर कोकणे हे त्यांच्या पत्नी रूपाली कोकणे, पाच वर्षांची मुलगी सानवी आणि दोन वर्षांचा मुलगा यांच्यासह दुचाकीवरून बारामतीहून पारवडीकडे निघाले होते. खासगी काम आटोपून ते घरी परतत असताना बारामती-कटफळ-पारवडी मार्गावरील परीट वस्ती परिसरात हा भीषण अपघात झाला.दरम्यान, खडकीकडून बारामतीच्या दिशेने येणाऱ्या एका वेगाने धावणाऱ्या चारचाकी वाहनाने त्यांच्या दुचाकीला जोरदार धडक दिली. या धडकेत दुचाकीवरील सर्वजण रस्त्यावर फेकले गेले. अपघात इतका भीषण होता की रूपाली कोकणे आणि त्यांची पाच वर्षांची मुलगी सानवी यांचा जागीच मृत्यू झाला.
अपघातात मयूर कोकणे आणि त्यांचा दोन वर्षांचा मुलगा गंभीर जखमी झाले. घटनेनंतर परिसरातील ग्रामस्थांनी तातडीने घटनास्थळी धाव घेतली. त्यांनी जखमींना तातडीने रुग्णालयात दाखल केले. सध्या त्यांच्यावर उपचार सुरू असल्याची माहिती मिळत आहे.अपघातानंतर चारचाकी वाहन चालकाने आपले वाहन घटनास्थळीच सोडून पळ काढल्याची प्राथमिक माहिती समोर आली आहे. पोलिसांनी घटनास्थळी पोहोचून पंचनामा केला असून संबंधित वाहन जप्त करण्यात आले आहे. फरार चालकाचा शोध घेण्यासाठी पोलीस पथकांकडून तपास सुरू आहे.
Related News
2 Terrifying Pune Crime Incidents “सायबर फसवणूक आणि छळामुळे शहरात धक्का”
Pune Holi Event Accident: धक्कादायक अपघातात 4 तरुण जखमी – मोठी निष्काळजीपणा उघड | 2026
Pune Crime: 4 जणांच्या गँगने कोयत्याने 21 वर्षीय तरुणावर जीवघेणा हल्ला – थरारक प्रकरण!
भंडाराजजवळ भीषण अपघात; स्विफ्ट–एसटी बसमध्ये धडक, एक ठार
Chhatrapati Sambhajinagar Car Accident : धक्कादायक 3 जणांचा मृत्यू! कालव्यात कोसळलेल्या कारने घेतले जीव – Shocking Incident
Ajit Pawar Death News : भावनिक धक्का! सुनेत्रा पवारांच्या Powerful ट्विटने महाराष्ट्र पुन्हा व्यथित
Ajit Pawar Plane Crash: धक्कादायक घातपाताचा संशय, बारामतीतील गाव बंद; राज्यात प्रचंड संताप! (5 मोठे खुलासे)
3000 लोकांमध्ये चेंगराचेंगरी! शिवनेरी गडावर महिला व मुलांसह जखमी, प्रशासनाला प्रश्नचिन्ह
राज्याला 11 अतिरिक्त जिल्हाधिकारी आणि 69 तहसीलदार कार्यालयांची मोठी भेट; तुमच्या तालुक्याचा समावेश आहे का?
ट्रॅक्टरच्या धडकेत दुचाकीस्वार गंभीर जखमी; बोरगाव मंजू परिसरातील घटना
Smart Meter Maharashtra : 87.57 लाख स्मार्ट मीटरसह महाराष्ट्राचा ऐतिहासिक विक्रम, देशात प्रथम क्रमांक!
दरम्यान, या अपघातामुळे बारामती-पारवडी मार्गावरील वाहतुकीच्या सुरक्षिततेचा प्रश्न पुन्हा एकदा ऐरणीवर आला आहे. या मार्गावर वेगाने धावणारी वाहने आणि अपुऱ्या सुरक्षेच्या उपाययोजनांमुळे अपघातांचे प्रमाण वाढत असल्याची तक्रार स्थानिक नागरिकांनी केली आहे. त्यामुळे प्रशासनाने तातडीने उपाययोजना कराव्यात, अशी मागणी नागरिकांकडून होत आहे.
