पुणे शहरातील कोथरूड परिसरात एक वेगळाच आणि चर्चेचा विषय ठरलेला प्रसंग समोर आला आहे. नवनिर्वाचित नगरसेवक सुनील पांडे यांनी पदभार स्वीकारून महिना उलटूनही आपल्या जनसंपर्क कार्यालयावर ‘नगरसेवक’ असा अधिकृत बोर्ड लावला नव्हता. ही बाब केंद्रीय राज्यमंत्री मुरलीधर मोहोळ यांच्या लक्षात येताच त्यांनी स्वतः पुढाकार घेत अनोख्या पद्धतीने हा प्रश्न सोडवला.
घडलेल्या प्रकारानुसार, मोहोळ हे कोथरूड परिसरात कार्यकर्त्यांच्या भेटीगाठी घेत असताना पांडे यांच्या कार्यालयात पोहोचले. कार्यालय पाहताना त्यांच्या लक्षात आले की, पांडे यांनी अजूनही आपल्या पदाचा कोणताही फलक लावलेला नाही. आजच्या राजकारणात पद मिळताच मोठमोठे बॅनर, पोस्टर आणि फलक लावण्याची स्पर्धा असताना पांडे यांचा साधेपणा वेगळाच ठरला.
मात्र, ही बाब पाहून मोहोळ यांनी केवळ सूचना देऊन थांबणे पसंत केले नाही. त्यांनी तात्काळ फलक तयार करून घेतला आणि स्वतः पांडे यांच्या कार्यालयात जाऊन तो स्वहस्ते लावला. यावेळी त्यांनी हसत-खेळत पांडे यांना हलकाफुलका टोला लगावला. “अरे, लोक नगरसेवक व्हायच्या आधीच बोर्ड तयार करून ठेवतात आणि तू नगरसेवक होऊन महिना झाला तरी अजून बोर्ड लावला नाहीस!” असे म्हणत त्यांनी उपस्थितांमध्ये हास्याचे वातावरण निर्माण केले.
Related News
भाजपला मोठा झटका! ‘सिंघम’ के. अण्णामलाई नवा पक्ष काढणार? तामिळनाडूत राजकीय भूकंप!
दांडुके चालवा, बंदुका रोखा; आम्ही जाणारच! संजय राऊतांचा सरकारला इशारा
SIR वर फडणवीसांचा मोठा खुलासा; 9.78 कोटींवरून 7.71 कोटी मतदारांची नोंद
फडणवीस मोदींचे वारसदार? उपपंतप्रधानपदाबाबत संघात चर्चा असल्याचा राऊतांचा दावा
Parth Pawar प्रकरणावर वडेट्टीवारांचा घणाघाती सवाल; ‘गरीबांवर कारवाई, मोठे मोकाट का?’
No UPI Day Today 2 October : व्यापाऱ्यांचा डिजिटल व्यवहारांना विरोध, बाजारात जाताना कॅश ठेवा
सिंधुदुर्गात 900 कोटींच्या जमीन व्यवहाराचा आरोप; संजय राऊतांचा खळबळजनक दावा
‘पद्मभूषण कशाला? ज्ञानेश कुमारांना भारतरत्न द्या’; संजय राऊतांचा भाजपला खोचक टोला
शेतात मेटल डिटेक्टर लावल्यावरून Rohit Pawar आक्रमक; मुख्यमंत्र्यांवर साधला निशाणा
निवडणूक आयोगातील ‘14 आक्षेप’ समोर येताच Raj Thackeray आक्रमक; म्हणाले, ‘कर्ताकरविता कोण?’
पुण्यात 150 गणेश मंडळांना लक्ष्मी रस्त्यावर मिरवणुकीची परवानगी नाकारली; रवींद्र धंगेकर आक्रमक
Salian विरुद्ध ठाकरे वाद चिघळला; 7 दिवसांची मुदत, 500 कोटींच्या मानहानीची नोटीस
या घटनेनंतर परिसरात मोहोळ यांच्या साधेपणाची आणि कार्यकर्त्यांशी असलेल्या जिव्हाळ्याच्या नात्याची चर्चा रंगली आहे. दुसरीकडे, सुनील पांडे यांनीही आपल्या भावना व्यक्त करत सांगितले की, “साहेबांनी स्वतः माझ्या कार्यालयात येऊन हक्काने बोर्ड लावणे, हा माझ्यासाठी मोठा सन्मान आहे.”
या प्रसंगामुळे राजकारणातील दिखाऊपणाला एक वेगळा संदेश मिळाल्याची चर्चा सुरू असून, साधेपणा आणि कामावर लक्ष केंद्रित करण्याची गरज अधोरेखित झाली आहे. पुण्यातील या अनोख्या घटनेने नागरिकांचेही लक्ष वेधून घेतले आहे.
