बोरगाव मंजू : राष्ट्रीय महामार्गावर काटेपुर्णा बसथांब्याजवळ मंगळवारी (१७ फेब्रुवारी) सकाळच्या सुमारास ट्रॅक्टर आणि दुचाकीची जोरदार धडक होऊन दुचाकीस्वार गंभीर जखमी झाल्याची घटना घडली. ही घटना बोरगाव मंजू पोलिस ठाण्याच्या हद्दीत घडल्याने परिसरात काही काळ तणावाचे वातावरण निर्माण झाले होते.
मिळालेल्या माहितीनुसार, बोरगाव मंजूकडून मुर्तिजापूरकडे एमएच ३० बीवाय ९१३२ क्रमांकाच्या मोटारसायकलवरून एक युवक जात होता. त्याचवेळी विरुद्ध दिशेने काटेपुर्णाकडून बोरगाव मंजूकडे येणाऱ्या ट्रॅक्टर चालकाने निष्काळजीपणे वाहन चालवत अचानक समोरून येणाऱ्या दुचाकीला जोरदार धडक दिली. धडकेची तीव्रता इतकी होती की दुचाकीस्वार रस्त्यावर फेकला जाऊन गंभीर जखमी झाला.
अपघाताची माहिती मिळताच ‘वीर भगतसिंग पथका’चे प्रमुख योगेश विजयकर व त्यांच्या सहकाऱ्यांनी तात्काळ घटनास्थळी धाव घेतली. त्यांनी जखमी युवकाला रुग्णवाहिकेच्या मदतीने त्वरित शासकीय रुग्णालयात दाखल केले. सध्या जखमीवर उपचार सुरू असून त्याची प्रकृती चिंताजनक असल्याची प्राथमिक माहिती आहे.
Related News
“भीषण अपघाताची खळबळजनक घटना: पालघरमध्ये ट्रक उलटून 4 ठार, 25 हून अधिक जखमी; 100+ वर्हाडींमध्ये गोंधळ!”
भररस्त्यातील अपमानानंतर 24 वर्षीय हुशार तरुणाची धक्कादायक आत्महत्या
बच्चू कडूंचा मोठा दावा! ‘आज सर्व्हे झाला तर मुख्यमंत्रीपदासाठी एकनाथ शिंदेंनाच सर्वाधिक पसंती’; महाराष्ट्राच्या राजकारणात खळबळ
धनंजय मुंडेंची भावनिक खदखद! “मला लाथा मारून हाकलण्याचा प्रयत्न झाला”
Kalyan Crime News : 12 चोरीचे गुन्हे, मुलांना दिलं चोरीचं प्रशिक्षण; कल्याणमध्ये धक्कादायक टोळीचा पर्दाफाश
कोल्हापुरातील हृदयद्रावक घटना! पत्नी आणि दोन मुलांना गमावलेल्या व्यक्तीने त्याच घाटात संपवलं आयुष्य
पंतप्रधान आवास योजनेत मोठी झेप! पुढील वर्षी 15 लाख घरांचे वितरण
4 प्रमुख शेतकरी नेते ताब्यात, महादेव जानकरांची उचलबांगडी; आंदोलन पेटलं
शेतकऱ्यांसाठी आनंदाची बातमी! महाराष्ट्रात कांदा खरेदीला आजपासून सुरुवात
दरम्यान, या अपघातामुळे काही काळ वाहतूक विस्कळीत झाली होती. स्थानिक नागरिकांनी महामार्गावरील वाढत्या अपघातांबाबत चिंता व्यक्त करत वाहतूक नियमांचे काटेकोर पालन करण्याची मागणी केली आहे. पोलिसांनी घटनेची नोंद घेतली असून पुढील तपास सुरू आहे.
