अकोट : अकोट ते अकोला या महत्त्वाच्या मार्गावर रेल्वे पूल ते पैलवान बाबा मंदिर दरम्यान रस्त्याच्या दोन्ही बाजूंचे साईड शोल्डर न भरल्यामुळे ठिकठिकाणी मोठे खड्डे निर्माण झाले आहेत. या खड्ड्यांमुळे वाहनचालकांना मोठ्या अडचणींचा सामना करावा लागत असून अपघाताची शक्यता वाढली आहे. परिणामी नागरिकांच्या जिवितास गंभीर धोका निर्माण झाल्याची चिंता व्यक्त केली जात आहे.
दररोज शेकडो वाहनांची वर्दळ असलेल्या या मार्गाची अवस्था दिवसेंदिवस खराब होत चालली आहे. विशेषतः रात्रीच्या वेळी खड्डे लक्षात न आल्याने दुचाकीस्वार आणि चारचाकी वाहनचालकांना अचानक ब्रेक लावावे लागतात किंवा वाहन वळवावे लागते, त्यामुळे अपघाताचा धोका अधिकच वाढतो. पावसाचे पाणी साचल्याने खड्ड्यांची खोली अंदाजणे कठीण होत असून प्रवाशांमध्ये भीतीचे वातावरण आहे.
स्थानिक नागरिकांच्या मते, संबंधित विभागाकडून या समस्येकडे पूर्णपणे दुर्लक्ष होत आहे. अनेकदा तक्रारी करूनही दुरुस्तीचे कोणतेही ठोस काम हाती घेतले नसल्याचा आरोप करण्यात येत आहे. याउलट काही सुज्ञ नागरिकांनी स्वतः पुढाकार घेत जेसीबीच्या साहाय्याने खड्डे खोदून आपल्या कॉलनीकडे जाण्यासाठी तात्पुरता रस्ता तयार केल्याचे दिसून येते. मात्र अशा अनियोजित कामांमुळे रस्त्याची अवस्था आणखी बिकट होण्याची शक्यता नाकारता येत नाही.
Related News
१० वैशिष्ट्यांसह श्री संत वासुदेव महाराज पालखीचे भव्य प्रस्थान; हरिनामाच्या गजरात आकोटकरांचा अविस्मरणीय आनंदोत्सव
“भीषण उन्हात अकोट-कुटासा बस बंद! प्रवाशांचे 5 धक्कादायक हाल, एसटी प्रशासनावर संतापाचा भडका”
मुंबईतील ‘ब्लॅक स्पॉट’ ठरतेय भांडुप जंक्शन? तेलकट रस्त्यामुळे दुचाकीस्वारांमध्ये भीतीचे वातावरण
अकोल्यात मामा-भाचीने रेल्वेखाली उडी घेतली; 2 जणांचे प्राण थोडक्यात बचावले
घोडबंदर रोड नामांतरावरून ‘खळबळ’ ; 16 महिन्यांतील 27 मृत्यूंनंतर ठाण्यात वाद पेटला
कळंबोलीत थरारक हिट अँड रन! भरधाव कारने 4 जणांना चिरडले, डॉक्टर ताब्यात
“राष्ट्रीय महामार्गांवर स्ट्रीट लाईट्स नसण्यामागचा मोठा खुलासा : 7 धक्कादायक कारणे !”
1 क्षणाच्या निष्काळजीपणाने ज्येष्ठ शिवसैनिकाचा रवींद्र पाटील यांचा मृत्यू; वसईतील भीषण अपघाताने खळबळ
युरिया खरेदीसाठी आता सातबारा अनिवार्य; अकोटमध्ये रांगा ओसरल्या
जालना News: 10 कोटींच्या दिंडी महामार्गाला भल्यामोठ्या भेगा; वारीपूर्वी अपघातांचा गंभीर धोका
नागरिकांनी प्रशासनाकडे तातडीने लक्ष देण्याची मागणी केली असून रस्त्याच्या दोन्ही बाजूंचे साईड शोल्डर भरून खड्डे बुजवावेत, अशी अपेक्षा व्यक्त केली आहे. अपघात टाळण्यासाठी आणि वाहतूक सुरळीत ठेवण्यासाठी त्वरित दुरुस्ती करणे गरजेचे असल्याचे मतही पुढे येत आहे. आता या गंभीर समस्येची संबंधित विभाग कितपत दखल घेतो, याकडे अकोटकरांचे लक्ष लागले आहे.
