आकोट येथील श्री शिवाजी कला, वाणिज्य व विज्ञान महाविद्यालयाच्या खेळाडूंनी संत गाडगेबाबा अमरावती विद्यापीठाच्या आंतरमहाविद्यालयीन पॉवरलिफ्टिंग स्पर्धेत उल्लेखनीय कामगिरी करत महाविद्यालयाच्या क्रीडा परंपरेत आणखी एक सुवर्णपान जोडले आहे. या स्पर्धेत महाविद्यालयाच्या विद्यार्थ्यांनी मिळवलेल्या यशामुळे आकोट परिसरात आनंदाचे वातावरण पसरले आहे.
संत गाडगेबाबा अमरावती विद्यापीठ अंतर्गत आंतरमहाविद्यालयीन पॉवरलिफ्टिंग स्पर्धांचे आयोजन दिनांक ६ ते ८ जानेवारी २०२६ दरम्यान श्री गणेझ कला महाविद्यालय, कुंभारी (जिल्हा अकोला) येथे करण्यात आले होते. या तीन दिवसीय स्पर्धेत विद्यापीठ कार्यक्षेत्रातील विविध महाविद्यालयांतील नामांकित खेळाडूंनी सहभाग नोंदवला होता. अत्यंत चुरशीच्या आणि स्पर्धात्मक वातावरणात पार पडलेल्या या स्पर्धेत श्री शिवाजी महाविद्यालयाच्या खेळाडूंनी आपल्या ताकदीचा, मेहनतीचा आणि शिस्तबद्ध सरावाचा ठसा उमटवला.
या स्पर्धेत कु. कल्याणी अस्वार (B.A. द्वितीय वर्ष) हिने उत्कृष्ट खेळाचे प्रदर्शन करत गोल्ड मेडल पटकावले. तिच्या दमदार कामगिरीमुळे महाविद्यालयाचा नावलौकिक विद्यापीठ स्तरावर वाढला आहे. तसेच कु. ईश्वरी अरबल हिने आपली ताकद आणि तंत्र कौशल्य दाखवत सिल्वर मेडल प्राप्त केले. या दोन्ही खेळाडूंच्या यशामुळे महाविद्यालयाच्या क्रीडा विभागाचा गौरव वाढला असून विद्यार्थ्यांसाठी त्या प्रेरणादायी ठरल्या आहेत.
Related News
अकोट येथील सांस्कृतिक कलाभवनात जिल्हा ग्रंथोत्सवाचा उत्साहात शुभारंभ संपन्न झाला
पोलीस पाटील संघटनेचा स्नेहमिलन सोहळा उत्साहात संपन्न
वंचित बहुजन आघाडीची नियोजन बैठक; वाहतूक–निवास ते संचलनापर्यंत सर्व तयारी पूर्ण
सिद्धबेट मेळावा: वारकऱ्यांच्या मागण्यांवर शासनाला तातडीचे निर्णय घेण्याचे आवाहन ,9 ठराव सर्वानुमते मंजूर केले
सिद्धबेट विकासासाठी इशारा मोर्चा आणि मेळावा
अकोल्यात ग्रामसेविकेचा आत्महत्येचा प्रयत्न!
याशिवाय या स्पर्धेत गौरव धोरणे, आकाश इंजलीकर, नितीन माकोडे आणि मंथन बुंदेले या खेळाडूंनी पॉवरलिफ्टिंगच्या विविध वजन गटांत सहभाग घेतला. जरी पदक मिळाले नसले तरी त्यांनी दाखवलेली मेहनत, आत्मविश्वास आणि खेळातील चिकाटी कौतुकास्पद ठरली. या सहभागामुळे महाविद्यालयातील क्रीडा संस्कृती अधिक बळकट होत असल्याचे चित्र दिसून आले.
या यशाबद्दल श्री शिवाजी शिक्षण संस्थेचे सन्माननीय अध्यक्ष हर्षवर्धन देशमुख, उपाध्यक्ष अॅड. गजाननराव पुंडकर, उपाध्यक्ष केशवरावजी मेतकर, कार्यकारिणी सदस्य सुरेशदादा खोटरे, तसेच प्राचार्य डॉ. सुनील पांडे आणि उपप्राचार्य डॉ. संजय कोल्हे यांनी खेळाडूंचे मनापासून अभिनंदन केले. खेळाडूंनी मिळवलेले यश हे महाविद्यालयातील गुणवत्तापूर्ण क्रीडा मार्गदर्शन आणि सकारात्मक शैक्षणिक वातावरणाचे फलित असल्याचे मत त्यांनी व्यक्त केले.
खेळाडूंनी आपल्या यशाचे श्रेय प्राचार्य डॉ. सुनील पांडे, क्रीडा संचालक प्रा. प्रफुल्ल देशमुख, नयन करवते, तसेच महाविद्यालयातील सर्व शिक्षक, शिक्षकेत्तर कर्मचारी आणि आपल्या आई-वडिलांना दिले. योग्य मार्गदर्शन, सातत्यपूर्ण सराव आणि कुटुंबीयांचा पाठिंबा यामुळेच हे यश मिळाल्याची भावना खेळाडूंनी व्यक्त केली.
श्री शिवाजी महाविद्यालयाच्या या यशामुळे भविष्यातील क्रीडा स्पर्धांसाठी विद्यार्थ्यांमध्ये नवचैतन्य निर्माण झाले असून, महाविद्यालय पुढील काळातही अशाच प्रकारे क्रीडा क्षेत्रात उल्लेखनीय कामगिरी करेल, असा विश्वास व्यक्त केला जात आहे.
read also : https://ajinkyabharat.com/know-the-7-new-rules-of-sbi-to-withdraw-money-from-atm/
