डॉ. वसंतराव काळे यांना जीवन गौरव पुरस्कार
अकोट : स्काऊट-गाईड चळवळ ही देशासाठी आदर्श नागरिक घडविणारी आणि व्यक्तिमत्त्व विकासाला चालना देणारी महत्त्वपूर्ण चळवळ आहे. या चळवळीतून विद्यार्थ्यांना केवळ शैक्षणिक ज्ञानच नव्हे तर शिस्त, नेतृत्व, सामाजिक बांधिलकी आणि राष्ट्रसेवेची प्रेरणा मिळते, असे प्रतिपादन अकोट विधानसभा मतदारसंघाचे आमदार प्रकाश भारसाकळे यांनी केले. ते तालुका तेल्हारा येथील गुलालशेष महाराज संस्थान, मनब्दा येथे ४ फेब्रुवारी रोजी आयोजित भारत स्काऊट आणि गाईडच्या ३६ व्या तीन दिवसीय जिल्हा मेळाव्याच्या उद्घाटनप्रसंगी अध्यक्षीय भाषण करत होते.
शालेय शिक्षण विभाग, जिल्हा परिषद अकोला यांच्या सहकार्याने ४ ते ६ फेब्रुवारी २०२६ दरम्यान या मेळाव्याचे आयोजन करण्यात आले. विधान परिषदेचे सदस्य आमदार किरण सरनाईक यांच्या हस्ते मेळाव्याचे विधिवत उद्घाटन झाले. कार्यक्रमाला जिल्हा मुख्य आयुक्त तथा प्राथमिक शिक्षणाधिकारी रतनसिंग पवार, गटविकास अधिकारी अशोक बांबर, सहाय्यक गटविकास अधिकारी शहीद अख्तर, मनब्दा गावाच्या सरपंच सौ. सीमा पार्थीकर, उपसरपंच शेषराव पोहरकर, गटशिक्षणाधिकारी सौ. सुनीता तळोकार, गुलालशेष महाराज संस्थानचे अध्यक्ष विजय पार्थ्रीकर, उपाध्यक्ष सुभाष शिखरे, मुख्याध्यापक संघाचे अध्यक्ष विलास खुमकर यांसह अनेक मान्यवर उपस्थित होते. तसेच माजी राज्य आयुक्त (स्काऊट) डॉ. वसंतराव काळे, सामाजिक कार्यकर्ते बजरंग पार्थ्रीकर आणि विश्वासराव पार्थ्रीकर यांचीही प्रमुख उपस्थिती होती.
यावेळी स्काऊट-गाईड चळवळीत केलेल्या सातत्यपूर्ण आणि उल्लेखनीय कार्याबद्दल माजी राज्य आयुक्त डॉ. वसंतराव काळे यांना ‘पी. टी. बाळापुरे स्काऊट-गाईड जीवन गौरव पुरस्कार’ प्रदान करून सन्मानित करण्यात आले. मान्यवरांच्या हस्ते झालेल्या या सन्मानामुळे उपस्थितांनी टाळ्यांच्या गजरात त्यांचे अभिनंदन केले. आपल्या कार्यातून अनेक विद्यार्थ्यांच्या जीवनात सकारात्मक बदल घडवून आणल्याबद्दल काळे यांचे विशेष कौतुक करण्यात आले.
Related News
अकोल्यात स्वच्छतेची मोठी क्रांती! २०० गाड्यांच्या ताफ्यासह टनावर कचरा संकलन; खासगी कंत्राटदाराला मिळणार जबाबदारी
२ लाखांची फी, कोट्यवधींची उलाढाल; तरी JEE मध्ये फक्त २ ते ५% निकाल, डमी स्कूल रॅकेटवर मोठे प्रश्नचिन्ह
मोर्णा नदीतील जलपर्णीच्या प्रश्नावर संभाजी ब्रिगेडचे आंदोलन
24 जूनच्या वादळाने उडवले घराचे छप्पर; अकोल्यातील बाहेकर कुटुंब उघड्यावर
10 हजारांची लाच घेताना मुद्रांक जिल्हाधिकारी रंगेहात; ACB ची धडाकेबाज कारवाई, किरण चौधरी अटकेत
धक्कादायक! शाळा अध्यक्ष, निलंबित मुख्याध्यापक व शिक्षकाच्या मानसिक छळाला कंटाळून प्रभारी मुख्याध्यापकाची शाळेत गळफास घेऊन आत्महत्या; सुसाईट नोटमध्ये तिघांवर गंभीर आरोप
अकोल्यात गजानन महाराज पालखीसोबत रस्ता सुरक्षा जनजागृती; 5 नियमांनी हजारो भाविकांना दिला ‘सुरक्षित प्रवासाचा’ शक्तिशाली संदेश
‘आऊट ऑफ सिलॅबस’च्या टीमचा पालखीतील भाविकांसाठी सेवा उपक्रम; मोटार वाहन निरीक्षक त्रिवेणी घोलप यांचे कौतुक
महानमध्ये 3 तासांची भीषण ढगफुटी; कपाशीचे मोठे नुकसान, शेतशिवार नदीसारखे, शेतकरी संकटात
मोठा बदल 2026: P-CBDC मुळे शेतकऱ्यांना थेट डिजिटल अनुदान; अकोल्यात विशेष कार्यशाळा
मेळाव्याच्या प्रारंभी मान्यवरांचे आगमन होताच जिल्हा परिषद प्राथमिक शाळा, मांजरी येथील लेझीम पथकाने आणि कोठारी कॉन्व्हेंट, अकोला येथील स्लोमार्च पथकाने आकर्षक सलामी देत त्यांचे स्वागत केले. सैनिकी शाळा गायगाव आणि वसंतराव विद्यालय, कोराडी येथील स्काऊट-गाईड विद्यार्थ्यांनी मानवंदना देऊन कार्यक्रमाची शोभा वाढवली. जिल्हा परिषद प्राथमिक शाळा मनब्दा, श्रीनाथ विद्यालय मनब्दा आणि स्वर्गीय बाबासाहेब खोटरे विद्यालय, शिरसोली येथील विद्यार्थ्यांनी सादर केलेल्या सांस्कृतिक कार्यक्रमांनी उपस्थितांची मने जिंकली.
कार्यक्रमात डॉ. वसंतराव काळे आणि आमदार किरण सरनाईक यांनीही समयोचित मनोगते व्यक्त केली. विद्यार्थ्यांनी स्काऊट-गाईड चळवळीत सक्रिय सहभाग घेऊन समाजासाठी जबाबदार नागरिक बनावे, असे आवाहन त्यांनी केले. शिक्षणाधिकारी रतनसिंग पवार यांनी प्रास्ताविकातून मेळाव्याची पार्श्वभूमी स्पष्ट करताना अशा उपक्रमांमुळे विद्यार्थ्यांच्या सर्वांगीण विकासाला चालना मिळते, असे सांगितले.
कार्यक्रमाचे सूत्रसंचालन जिल्हा प्रशिक्षण आयुक्त (स्काऊट) श्रीकृष्ण डांबलकर यांनी केले, तर मेळावा प्रमुख राजेश पातळे यांनी आभार प्रदर्शन केले. या जिल्हा मेळाव्यात अकोला जिल्ह्यातील विविध शाळांमधील सुमारे एक हजार विद्यार्थी सहभागी झाले असून विविध प्रशिक्षण सत्रे, प्रात्यक्षिके आणि स्पर्धांचे आयोजन करण्यात आले आहे.
मेळाव्याच्या यशस्वीतेसाठी मेळावा प्रमुख (गाईड विभाग) श्रीमती सुषमा देशमुख, जिल्हा संघटक स्काऊट किरण लहाने, जिल्हा संघटक गाईड श्रीमती जयमाला जाधव, केंद्रप्रमुख विशाल घोगले, जिल्हा परिषद प्राथमिक शाळेचे मुख्याध्यापक अविनाश देशमुख तसेच जिल्हा संस्थेचे पदाधिकारी पी. जे. राठोड, उमेश तेलगोटे, पंकज देशमुख, मनोज बगले, सविता शेवतकर, स्मिता डांबलकर, ममता नेमाडे, अशोक राठोड, रमेश जाधव, राजेश सिरसाट, विजय जितकार यांच्यासह कार्यालयीन कर्मचारी संतोष भेंडेकर, ज्योती इंगळे, सुबोध शेगावकर आणि विक्रम काळे यांनी विशेष परिश्रम घेतले.
हा मेळावा विद्यार्थ्यांमध्ये संघभावना, शिस्त आणि नेतृत्वगुण विकसित करण्यास उपयुक्त ठरत असून स्काऊट-गाईड चळवळीचे महत्त्व अधोरेखित करणारा ठरला आहे.
