रांची: देशभरात लोकसभा निवडणुकीची रणधुमाळी सुरु असताना झारखंडची राजधानी रांचीमध्ये सक्तवसुली संचलनालयाचं (ईडी) धाडसत्र सुरु आहे. मंत्री आलमगीर आलम यांच्या स्वीय सचिवाच्या नोकऱ्याच्या घरावर छापा टाकण्यात आला. त्यात मोठ्या प्रमाणात रोकड हाती लागली आहे. प्राथमिक माहितीनुसार, ईडीच्या हाती जवळपास २५ कोटी रुपयांची रोख रक्कम लागली आहे. मनी लॉण्ड्रिंग प्रकरणात आलमगीर आलम यांचं नाव समोर आलं होतं. त्यानंतर ईडीनं तपास सुरु केला.
आलमगीर आलम यांच्या मंत्रालयात भ्रष्टाचार सुरु असल्याची माहिती ईडीला मिळाली होती. भ्रष्टाचाराचा पैसा नोकरांच्या घरी जात असल्याची टिप ईडीच्या अधिकाऱ्यांना मिळाली. त्यानंतर मंत्र्यांच्या स्वीय सहायकाच्या नोकराच्या घरी छापा टाकण्यात आला. या नोकराला दरमहा १५ हजार रुपये पगार मिळतो. पण त्याच्या घरी कुबेराचा खजिना सापडला. घरात सापडलेली रोकड मोजण्यासाठी नोटा मोजण्याच्या मशीन मागवण्यात आल्या.
गेल्या वर्षीच्या मे महिन्यात मुख्य अभियंत्याच्या घरावर १० हजारांच्या लाच प्रकरणी छापा टाकला होता. त्यावेळी त्याचा जबाब नोंदवण्यात आला. मंत्र्यांकडे लाचेचा पैसा कसा पोहोचवला जातो याची इंत्यभूत माहिती त्यानं दिली. त्यानंतर झारखंडचे ग्राम विकास मंत्री आलमगीर आलम यांचं नाव पहिल्यांदा भ्रष्टाचार प्रकरणात समोर आलं. या प्रकरणाचा तपास सुरु असताना आलमगीर यांचे स्वीय सचिव संजीव लाल यांचं नाव समोर आलं. संजीव लाल यांच्याकडे घरकाम करणाऱ्या नोकराच्या घरावर धाड टाकण्यात आली. तेव्हा तिथे कोट्यवधींची रोकड सापडली.
Related News
राम मंदिराचा कारभार शेगाव संस्थानकडे द्या; राष्ट्रपतींकडे माजी मंत्र्यांची मोठी मागणी , 7 धक्कादायक मुद्दे
धक्कादायक! ‘थोडा भ्रष्टाचार झालाच पाहिजे’; शिंदे शिवसेनेच्या उपनगराध्यक्षाच्या 2 वादग्रस्त वक्तव्यांनी राजकीय वाद पेटला
’20 कोटींच्या ऑफर’च्या दाव्यावर आमदार धीरज लिंगाडेंची पहिली स्पष्ट प्रतिक्रिया; संजय राऊतांच्या आरोपांवर थेट उत्तर
Parliament Monsoon Session 2026: २५ दिवसांच्या अधिवेशनात मोठा राजकीय संघर्ष; पक्षफुटी, १३१वे विधेयक आणि महत्त्वाच्या मुद्द्यांवर निर्णायक चर्चा
पंजाब काँग्रेसमध्ये खळबळ; अमित शहांच्या भेटीनंतर खासदार रंधावांबाबत चर्चांना उधाण , 5 घडामोडी
क्लास-1 अधिकारी किरण चौधरी प्रकरणाचा धक्कादायक खुलासा : 10 हजारांच्या लाचेने उघड झाला 3 कोटींचा खजिना!
10 तासांच्या ACB धाडीत दीड कोटींची रोकड, अर्धा किलो सोनं जप्त; मुद्रांक अधिकाऱ्याच्या घरातून धक्कादायक घबाड
अंबरनाथ पालिकेच्या सभेत मोठा वाद! उपनगराध्यक्षांचे ‘भ्रष्टाचार’वर धक्कादायक विधान; 5 मोठे मुद्दे
थलपती विजय सरकारविरोधातील मोठा खुलासा ; 35 कोटींची ऑफर, सरकार उलथवण्याचा धक्कादायक कट!
24 तासांत निवृत्ती! झारखंडमध्ये सरकारी नोकरी मिळताच शिक्षकांना बसला मोठा धक्का
TET पेपरफुटी : 7 लाख उमेदवारांना मोठा धक्का; सूत्रधारांवर मकोका लावण्याची एकनाथ शिंदेंची मागणी
कोण आहेत आलमगीर आलम?
आलमगीर आलम पाकुड विधानसभेचे काँग्रेसचे आमदार आहेत. ते चार टर्मचे आमदार आहेत. सध्या त्यांच्याकडे झारखंड सरकारमध्ये संसदीय कार्य आणि ग्राम विकास मंत्रालयाची जबाबदारी आहे. त्याआधी २० ऑक्टोबर २००६ ते १२ डिसेंबर २००९ या कालावधीत ते विधानसभेचे अध्यक्ष राहिले आहेत. सरपंच पदाची निवडणूक जिंकून त्यांनी राजकीय कारकिर्दीला सुरुवात केली. २००० मध्ये ते पहिल्यांदा आमदार झाले. आतापर्यंत ते चारवेळा विधानसभा निवडणूक जिंकले आहेत.
