NEET पेपरफुटी प्रकरणाचे पडसाद आता संपूर्ण राज्यभर उमटताना दिसत आहेत. या प्रकरणातील मुख्य सूत्रधाराला अटक झाल्यानंतर पोलिसांनी तपासाची व्याप्ती अधिक वाढवली असून संबंधित इतर व्यक्तींवरही कारवाईचा सपाटा सुरू केला आहे. या कारवाईच्या पार्श्वभूमीवर शिक्षण क्षेत्रात मोठी खळबळ उडाली आहे.
दरम्यान, या प्रकरणात प्राध्यापक मोटेगावकर यांना अटक करण्यात आल्यानंतर अकोल्यात महाराष्ट्र नवनिर्माण सेनेच्या कार्यकर्त्यांनी तीव्र संताप व्यक्त केला. शहरातील मोटेगावकर यांच्या क्लासेससमोर मनसेच्या कार्यकर्त्यांनी जोरदार घोषणाबाजी करत निषेध आंदोलन केले. “विद्यार्थ्यांच्या भवितव्याशी खेळ करणाऱ्यांना कठोर शिक्षा झालीच पाहिजे,” अशी भूमिका आंदोलकांनी मांडली.
आंदोलनादरम्यान संतप्त कार्यकर्त्यांनी मोटेगावकर यांच्या फोटोला काळे फासले तसेच परिसरातील बॅनर्स फाडून निषेध नोंदवला. या घटनेमुळे परिसरात काही काळ तणावपूर्ण वातावरण निर्माण झाले होते. पोलिसांनी तात्काळ घटनास्थळी धाव घेऊन परिस्थिती नियंत्रणात आणली.
Related News
गौण खनिजावरील रॉयल्टी पूर्ण माफ, 15 दिवसांत मिळणार परवानगी ! शेतकऱ्यांसाठी जबरदस्त दिलासा
₹2500 चा दमदार चार्जिंग स्टोव्ह! 3 दिवस गॅसशिवाय स्वयंपाक, पैशांची मोठी बचत
1.53 कोटींच्या शिवाई बस चोरीचा थरार संपला; 20 बस चोरी करणारा आरोपी पोलिसांच्या जाळ्यात
इंदापूरमध्ये विरोधी पक्षनेते अनिल पवार यांच्यावर थरारक हल्ला! भरदिवसा चॉपर-चाकूने वार; घटनेतील 7 मोठे अपडेट्स
काँग्रेस आमदाराला बिश्नोई गँगची धमकी; ‘बाबा सिद्दीकींसारखा गेम करू’ ; 10 कोटींच्या खंडणीची धमकी!
5 मोठे खुलासे: वसंत मोरेंना शिंदे गटाची मोठी ऑफर, ठाकरे गटासाठी धोक्याची घंटा?
मॅनहोल दुर्घटनेत मुंबईकराचा मृत्यू, BMC आयुक्त अश्विनी भिडेंवर उपमहापौरांचा गंभीर हल्लाबोल ; 2 धक्कादायक आरोप!
Airoli Woman Death: 8 महिन्यांच्या गर्भवतीचा मृत्यू, 3 तास थांबवल्याचा गंभीर आरोप | Navi Mumbai Hospital News
कोठडीतील मृत्यू प्रकरणात 9 पोलीसला जन्मठेप, 15 वर्षांनंतर न्यायालयाचा ऐतिहासिक निकाल
मुंबईकरांनो सावधान! पावसाळ्यात झाडांचा ‘सायलेंट किलर’ ठरतोय जीवघेणा; 10 वर्षांत 45 हून अधिक मृत्यू
खाशाबा Teaser: 1952 च्या ऑलिम्पिक हिरोची प्रेरणादायी कहाणी, नागराज मंजुळेंच्या दमदार भूमिकेची चर्चा
मनसेच्या पदाधिकाऱ्यांनी यावेळी आक्रमक भूमिका घेत मोटेगावकर यांना फाशीची शिक्षा द्यावी, अशी मागणी केली. तसेच विद्यार्थ्यांकडून घेतलेले पैसे तात्काळ परत करावेत, अन्यथा तीव्र आंदोलन छेडले जाईल, असा इशाराही देण्यात आला. अकोल्यात त्यांचे कोणतेही क्लासेस सुरू राहू देणार नाही, अशी ठाम भूमिका देखील कार्यकर्त्यांनी व्यक्त केली.
या संपूर्ण प्रकरणामुळे विद्यार्थी आणि पालक वर्गात मोठी चिंता निर्माण झाली आहे. नीटसारख्या राष्ट्रीय स्तरावरील परीक्षेतील कथित पेपरफुटीमुळे शिक्षण व्यवस्थेवरील विश्वासाला धक्का बसल्याची भावना व्यक्त होत आहे. पोलिसांचा तपास पुढे सरकत असताना आणखी काही धक्कादायक बाबी समोर येण्याची शक्यता वर्तवली जात आहे.
read also : https://ajinkyabharat.com/buddhist-marriage-rites-at-chondi-sohalyat/
