अमरावती: स्थानिक गुन्हे शाखेच्या (एलसीबी) पथकाने चांदूर बाजार पोलीस ठाण्याच्या हद्दीतील खरवाडी परिसरात मोठी कारवाई करत एमडी (मेफेड्रोन) या अमली पदार्थाची तस्करी करणाऱ्या तीन तरुणांना रंगेहाथ अटक केली आहे. या कारवाईत एकूण १ लाख १८ हजार ८७० रुपयांचा मुद्देमाल जप्त करण्यात आला असून त्यामध्ये अमली पदार्थ, दुचाकी आणि मोबाइल फोनचा समावेश आहे.
ही कारवाई १७ मे रोजी पहाटे सुमारे दोन वाजण्याच्या सुमारास करण्यात आली. स्थानिक गुन्हे शाखेचे उपनिरीक्षक सागर हटवार हे नियमित पेट्रोलिंग करत असताना त्यांना गुप्त माहिती मिळाली होती की चांदूर बाजार परिसरातील राजा, साद आणि अनवेज नावाचे तीन तरुण अमरावती शहरातून एमडी ड्रग्ज आणून त्याची विक्री करत आहेत. ही माहिती मिळताच पोलिसांनी तातडीने संयुक्त कारवाईची योजना आखली.
एलसीबी आणि चांदूर बाजार पोलिसांच्या संयुक्त पथकाने खरवाडी फाटा परिसरात सापळा रचला. मध्यरात्रीच्या सुमारास एकाच दुचाकीवरून तिघे संशयित तरुण त्या मार्गाने येताना दिसले. पोलिसांनी त्यांना थांबवून चौकशी केली आणि अंगझडती घेतली असता त्यांच्याकडे एमडी ड्रग्ज सापडले. प्राथमिक तपासणीत हे अमली पदार्थ मेफेड्रोन असल्याचे स्पष्ट झाले असून त्याचे प्रमाण ७.१९० ग्रॅम इतके आहे.
Related News
दिवाळीपूर्वी FDA ॲक्शन मोडमध्ये! 1,057 आस्थापनांची तपासणी, 94 परवाने निलंबित
ठाण्यात प्रदीप पूर्णेकर हत्या प्रकरणाचा भडका! राजन विचारे संतप्त, पोलिसांना विचारले ५ थेट सवाल
5 पैकी 3 जागांवर विजय हर्षदा देशमुखांचा बोगस मतदानाबाबत गंभीर आरोप
महायुतीत मोठा संशय! ‘मातोश्री प्रेमी’ कोण? नितेश राणेंच्या विधानाने राजकीय खळबळ
स्पेनमध्ये भीषण रेल्वे दुर्घटना! 2 हायस्पीड ट्रेनची धडक; 50 जणांचा मृत्यू झाल्याचे वृत्त
नव्या कारचा आनंद क्षणात मावळला! 24 तासांत गाडीवर ओरखडे, शेजाऱ्यांवर संशय
नागपूरला 2 भूकंपाचे धक्के! 15 मिनिटांत जमीन हादरली, नागरिकांमध्ये मोठी खळबळ
‘साहेब नाही, माझे वडील गेलेत!’ राम पूर्णेकर यांना अश्रू अनावर; ठाण्यातील VIDEO चर्चेत
संजय राऊतांचा राहुल नार्वेकरांवर मोठा आरोप! 3 गंभीर मुद्द्यांवरून राजकीय वाद पेटला
Israel Election 2026: नेतन्याहूंची सत्ता टिकणार की जाणार? इस्रायलच्या निकालाकडे जगाचं लक्ष!
मुंबईत ATS चा मोठा दणका! जैश-ए-मोहम्मदशी कथित संबंध, माहिममधून 33 वर्षीय तरुणाला अटक
जळगावच्या किनगावात RSS पथसंचलनाला विरोध; दगडफेकीनंतर तणाव, पोलिसांचा सौम्य लाठीचार्ज
या कारवाईदरम्यान पोलिसांनी संबंधित तरुणांकडून वापरण्यात आलेली दुचाकी तसेच मोबाइल फोनही जप्त केला आहे. या संपूर्ण मुद्देमालाची किंमत अंदाजे १ लाख १८ हजार ८७० रुपये इतकी असल्याचे पोलिसांनी सांगितले आहे.
या कारवाईत एसपी निकेतन कदम, एसडीपीओ मनीष ठाकरे, एलसीबी प्रमुख किरण वानखडे, प्रभारी अधिकारी सागर भामरे यांच्यासह अंमलदार सचिन मिश्रा, रवींद्र बावणे, बळवंत दाभणे, भूषण पेठे, पंकज फाटे, प्रशिक वानखडे आणि एपीआय विष्णू पांडे यांनी सहभाग घेतला.
या प्रकरणी चांदूर बाजार पोलीस ठाण्यात एनडीपीएस कायद्याअंतर्गत गुन्हा दाखल करण्यात आला असून पुढील तपास सुरू आहे. अमली पदार्थ तस्करीच्या वाढत्या घटनांच्या पार्श्वभूमीवर या कारवाईमुळे परिसरात मोठी खळबळ उडाली आहे.
