यात्रा चौकात भरदिवसा धक्कादायक घटना; अज्ञात चोरट्यांविरुद्ध गुन्हा दाखल
अकोट (प्रतिनिधी)
अकोट शहरातील यात्रा चौकात भरदिवसा एका माजी सैनिकाच्या दुचाकीच्या डिक्कीतून तब्बल तीन लाख रुपये रोख व महत्त्वाची
कागदपत्रे अज्ञात चोरट्यांनी लंपास केल्याची धक्कादायक घटना मंगळवारी दुपारी घडली.
Related News
Kolhapur News: 3 राऊंड गोळीबाराने कोल्हापूर हादरले! भाजप कार्यकर्ता गंभीर जखमी, हल्ल्यामागचं कारण काय?
ISRO Crisis : 120 शास्त्रज्ञांच्या राजीनाम्यांनी इस्रोमध्ये खळबळ; गगनयान मिशनवर संकट, सरकारचा मोठा निर्णय
500 हून अधिक जणांचा मृत्यू होण्याची भीषण भीती! बंगालच्या उपसागरात 2 बोटी बुडाल्या; रोहिंग्या निर्वासितांवर काळाचा घाला
1 प्रश्नाने झाला एक्सपोझ! भारतीय असल्याचा दावा करणारा तरुण निघाला पाकिस्तानी; Viral Video मुळे खळबळ
धक्कादायक! 16 वर्षांनंतर आदिनाथ-उर्मिला कोठारे यांचा घटस्फोट; संयुक्त पोस्टमधून मोठी घोषणा
30 हजारांचा मोठा दणका! एक्स्पायरी चीज विक्रीप्रकरणी रिलायन्स रिटेलला ग्राहक आयोगाचा कडक आदेश
Weather Update: पुढील 10 तास धोक्याचे! धो-धो पावसाचा इशारा, IMD कडून हाय अलर्ट
रेल्वे प्रवाशांसाठी मोठी खुशखबर! IRCTC वेबसाइट बदलणार; तत्काल तिकीट बुकिंग होणार सुपरफास्ट
लाडक्या बहिणींना मोठी खुशखबर! खात्यात जमा होऊ लागले 1500 रुपये; 3000 रुपयांबाबत मोठी अपडेट
गॅस सिलिंडरसाठी ना बुकिंगची चिंता, ना कनेक्शनची गरज; 5 मिनिटांत घरपोच मिळणार LPG
ठाकरे गटाचे नेते विनायक राऊत अडचणीत; 23 जुलैच्या सुनावणीपूर्वी मोठी घडामोड
192 देशांमध्ये गाजतोय ‘राजा शिवाजी’; रितेश देशमुखच्या चित्रपटाची जागतिक भरारी
या प्रकरणी अकोट शहर पोलिसांनी अज्ञात आरोपींविरुद्ध गुन्हा दाखल केला आहे.
अवधूत कॉलनीतील रहिवासी माजी सैनिक अशोक हरिश्चंद्र डहाके यांनी स्टेट बँकेच्या मुख्य शाखेतून
वैयक्तिक कारणासाठी तीन लाख रुपये काढले होते. त्यांनी ही रक्कम दुचाकीच्या डिक्कीत ठेवून यात्रा चौकातील एका
हॉटेलसमोर समोसे घेण्यासाठी थांबले असता, डिक्कीतून तीन लाख रुपये रोख, मोबाईल फोन, चेक बुक,
ओळखपत्र व इतर महत्त्वाची कागदपत्रे असलेली पिशवी अज्ञात चोरट्यांनी चोरून नेली.
डहाके यांनी आरडाओरड केल्यानंतर चोरटे पल्सर दुचाकीवरून पसार झाले.
त्यानंतर डहाके यांनी तत्काळ यात्रा चौक पोलिस चौकीत धाव घेतली, मात्र चौकी बंद असल्याचे दिसून आले.
त्यांनी लगेचच शहर पोलिस ठाण्यात माहिती दिली.
पोलिसांनी घटनास्थळी पोहचून तपास सुरू केला असून, डीबीचे पोलीस उपनिरीक्षक वैभव तायडे,
हेकॉं गणेश सोळंके, नरेंद्र जाधव व विपुल सोळंके यांनी परिसरातील सीसीटीव्ही फुटेजची पाहणी केली आहे.
भरवर्दळीच्या चौकात पोलिस चौकी बंद
घटना घडली त्या वेळेस यात्रा चौकातील पोलिस चौकी बंद होती.
हे ठिकाण भाजी बाजार, व्यापारी प्रतिष्ठान, वर्दळ आणि वाहतुकीचा मुख्य केंद्र आहे,
त्यामुळे पोलिस यंत्रणेच्या कार्यक्षमतेवर प्रश्नचिन्ह निर्माण झाले आहे.
पोलिसांच्या सूचनेकडे दुर्लक्ष
पोलिस वारंवार नागरिकांना “डिक्कीत पैसे किंवा मौल्यवान वस्तू ठेवू नका” असे आवाहन करतात.
मात्र, या सूचनेचे पालन न झाल्याने असे प्रकार घडत आहेत.
अशा प्रकारामुळे पोलिस आणि नागरिक यांच्यातील जबाबदारीची जाणीव पुन्हा एकदा अधोरेखित झाली आहे.
डहाके यांची प्रतिक्रिया
“दोन जण दुचाकीवर होते. त्यापैकी एकाने काळा शर्ट घातलेला होता. त्यांनी डिक्कीतून पिशवी काढून पळ काढला.
मी आरडाओरड केली, पण तोपर्यंत ते पसार झाले. पिशवीत माझे चेक बुक, मोबाईल,
बँक पासबुक, ओळखपत्र, कागदपत्रे आणि तीन लाख रुपये रोख होते.”
— अशोक डहाके, माजी सैनिक, अकोट
