मुर्तीजापूर (अकोला) –
राष्ट्रीय महामार्ग क्र. ५३ वरील बाबुळगाव जहागीर, एमआयडीसी अकोला परिसरात २९ जून रोजी दुपारी स्पेन गार्डन समोर भीषण अपघात घडला.
गुजरातहून नागपूरकडे माती घेऊन जाणारा मोठा कंटेनर (क्र. GJ-12-BZ-9965) अचानक पलटी झाला.
Related News
अमेरिका–इराण तणाव पुन्हा वाढला; युद्धाची भीती गडद
सलग 11 दिवस तेजी; वेदांताचा शेअर ऑल-टाइम हायवर
8वा वेतन आयोग: किमान वेतन थेट ₹69,000? मोठी मागणी समोर
SIP गुंतवणुकीत वाढ, पण म्युच्युअल फंड ग्रोथ स्लो; काय म्हणते आकडेवारी?
अपघात इतका भयानक व धास्तीजनक होता की दृश्य पाहून अंगावर शहारे यावेत!
समोर अचानक ऑटो व दुचाकी आल्याने चालकाने ब्रेक मारले आणि वाहनावर नियंत्रण सुटले.
कंटेनर थेट महामार्गावर उलटून पडल्याने दोन्ही बाजूची वाहतूक तासाभरासाठी पूर्ण ठप्प झाली.
कंटेनरमध्ये माती भरलेली होती. धूळ उडताच स्थानिक नागरिकांची गर्दी झाली आणि काही अफवांमुळे लुटीचा प्रयत्न केला गेला.
काही समाजकंटकांनी ट्रकमध्ये मौल्यवान माल असल्याचा गैरसमज करून
चालकावर वाद घालण्याचा प्रयत्न केला, मात्र कंटेनरमध्ये माती असल्याचे समजताच गर्दी शांत झाली.
घटनास्थळी 1033 राष्ट्रीय महामार्ग आपत्कालीन सेवा तत्काळ दाखल झाली.
एकनाथ इगळे, ओम खाडे, हर्षल गीरे, सुमित गीरे, ऋषिकेश भाकरे यांनी मदतकार्य सुरू केले.
पो.ठाणेदार वैशाली मुळे, ए.एस.आय जामनिक, पो.कॉ. इंगोले, गुजर, कांदे, आगरकर यांनी कंटेनर हटवून वाहतूक सुरळीत केली.
सुदैवाने या अपघातात कोणतीही जीवितहानी झाली नाही, तरीही घटनेमुळे संपूर्ण परिसरात भीती व संभ्रमाचे वातावरण निर्माण झाले.
वाढती वाहतूक, वेगवान वाहनांची गर्दी आणि अपुऱ्या सुरक्षायंत्रणेमुळे असे अपघात
सातत्याने घडत असल्याने प्रशासनाने वेळीच कठोर पावले उचलणे अत्यावश्यक झाले आहे.
Read Also : https://ajinkyabharat.com/lpg-darat-couple-commercial-cylinder-58-50-rupees/
