अकोला : अकोला जिल्ह्यातील बार्शीटाकळी नगरपरिषदेत काँग्रेस आणि राष्ट्रवादी काँग्रेस (अजित पवार गट) यांना मोठा राजकीय धक्का बसला आहे. बार्शीटाकळी नगरपरिषदेतील काँग्रेस, राष्ट्रवादी काँग्रेस (अजित पवार गट) तसेच चार अपक्ष अशा एकूण १० नगरसेवकांनी उपमुख्यमंत्री व शिवसेना पक्षप्रमुख एकनाथ शिंदे यांच्या उपस्थितीत शिवसेनेत जाहीर प्रवेश केला.
मुंबईतील ‘नंदनवन’ या शासकीय निवासस्थानी झालेल्या पक्षप्रवेश सोहळ्यात या नगरसेवकांनी शिवसेनेचा झेंडा हाती घेतला. विशेष म्हणजे प्रवेश करणाऱ्या नगरसेवकांमध्ये नऊ मुस्लिम नगरसेवकांचा समावेश असल्याने या घडामोडीची राजकीय वर्तुळात विशेष चर्चा सुरू झाली आहे.
या पक्षप्रवेशासाठी अकोला जिल्हा शिवसेनेचे विशेष प्रभारी ललितभाऊ वानखडे आणि जिल्हाप्रमुख चंद्रशेखर पांडे गुरुजी यांनी पुढाकार घेतला. नगरसेवकांनी उपमुख्यमंत्री एकनाथ शिंदे यांच्या नेतृत्वावर विश्वास व्यक्त करत शिवसेनेत प्रवेश करण्याचा निर्णय घेतल्याचे सांगितले.
Related News
जम्मू-काश्मीरच्या राजकारणात भूकंप! 24 आमदारांची गुप्त बैठक; उमर अब्दुल्ला सरकार अडचणीत
ठाकरे बंधू अन् CM फडणवीस यांच्यात बंद दाराआड काय शिजलं? गुलाबराव पाटलांनी एका वाक्यात सांगितलं!
नवनाथ बन यांचा रविंद्र धंगेकरांवर संतापजनक हल्लाबोल ; 12 पक्ष फिरलेला माकडछाप!
2029 पर्यंत फडणवीस मुख्यमंत्री राहणार? संजय राऊतांनी सांगितला एप्रिल-मेचा राजकीय प्लॅन!
ठाण्यात प्रदीप पूर्णेकर हत्या प्रकरणाचा भडका! राजन विचारे संतप्त, पोलिसांना विचारले ५ थेट सवाल
33 हजार मतांचा दावा, नितेश कराळे मास्तरांनी स्पष्ट केली पुढची राजकीय भूमिका ; भाजपला मोठा धक्का!
5 पैकी 3 जागांवर विजय हर्षदा देशमुखांचा बोगस मतदानाबाबत गंभीर आरोप
नागपूरमध्ये काँग्रेसचा ऐतिहासिक विजय! हर्षवर्धन सपकाळांचा भाजपवर 5 मोठे आरोप
महायुतीत मोठा संशय! ‘मातोश्री प्रेमी’ कोण? नितेश राणेंच्या विधानाने राजकीय खळबळ
“मी प्रस्थापित गिळलाय!” रविराज साबळेंचा हुंकार; 20 हजारांहून अधिक मतांनी वेधलं लक्ष
महाराष्ट्रातील भीषण दुष्काळावर शरद पवारांचा मोठा निर्णय! 85 व्या वर्षी शेतकऱ्यांच्या बांधावर जाणार
प्रदीप पूर्णेकर प्रकरण पेटलं! नरेश म्हस्केंचा ठाकरे गटाला थेट इशारा; म्हणाले, “ठाण्यातून परत जाणार नाही!”
या प्रवेशामुळे बार्शीटाकळी नगरपरिषदेतील शिवसेनेची ताकद वाढणार असल्याचे मानले जात आहे. आगामी स्थानिक स्वराज्य संस्थांच्या निवडणुकांच्या पार्श्वभूमीवर या राजकीय घडामोडीला विशेष महत्त्व प्राप्त झाले आहे. काँग्रेस आणि राष्ट्रवादी काँग्रेस (अजित पवार गट) यांच्यासाठी हा मोठा धक्का मानला जात असून, स्थानिक राजकीय समीकरणांमध्ये बदल होण्याची शक्यता व्यक्त केली जात आहे.
या पक्षप्रवेशानंतर बार्शीटाकळीतील राजकारण अधिक चुरशीचे होण्याची चिन्हे असून, आगामी निवडणुकांमध्ये शिवसेना अधिक आक्रमकपणे मैदानात उतरणार असल्याची चर्चा सुरू आहे. दुसरीकडे, विरोधी पक्षांकडूनही संघटनात्मक बांधणीवर भर दिला जाण्याची शक्यता व्यक्त होत आहे.
