Baramati : बारामती-पारवडी मार्गावर काल उशिरा रात्री भीषण अपघात घडून एका चौकोनी कुटुंबावर काळाने झडप घातली. या दुर्घटनेत आई आणि पाच वर्षांच्या मुलीचा जागीच मृत्यू झाला असून पती आणि दोन वर्षांचा मुलगा गंभीर जखमी झाले आहेत. या घटनेमुळे परिसरात हळहळ व्यक्त केली जात आहे.
मिळालेल्या माहितीनुसार, मयूर कोकणे हे त्यांच्या पत्नी रूपाली कोकणे, पाच वर्षांची मुलगी सानवी आणि दोन वर्षांचा मुलगा यांच्यासह दुचाकीवरून बारामतीहून पारवडीकडे निघाले होते. खासगी काम आटोपून ते घरी परतत असताना बारामती-कटफळ-पारवडी मार्गावरील परीट वस्ती परिसरात हा भीषण अपघात झाला.दरम्यान, खडकीकडून बारामतीच्या दिशेने येणाऱ्या एका वेगाने धावणाऱ्या चारचाकी वाहनाने त्यांच्या दुचाकीला जोरदार धडक दिली. या धडकेत दुचाकीवरील सर्वजण रस्त्यावर फेकले गेले. अपघात इतका भीषण होता की रूपाली कोकणे आणि त्यांची पाच वर्षांची मुलगी सानवी यांचा जागीच मृत्यू झाला.
अपघातात मयूर कोकणे आणि त्यांचा दोन वर्षांचा मुलगा गंभीर जखमी झाले. घटनेनंतर परिसरातील ग्रामस्थांनी तातडीने घटनास्थळी धाव घेतली. त्यांनी जखमींना तातडीने रुग्णालयात दाखल केले. सध्या त्यांच्यावर उपचार सुरू असल्याची माहिती मिळत आहे.अपघातानंतर चारचाकी वाहन चालकाने आपले वाहन घटनास्थळीच सोडून पळ काढल्याची प्राथमिक माहिती समोर आली आहे. पोलिसांनी घटनास्थळी पोहोचून पंचनामा केला असून संबंधित वाहन जप्त करण्यात आले आहे. फरार चालकाचा शोध घेण्यासाठी पोलीस पथकांकडून तपास सुरू आहे.
Related News
No UPI Day Today 2 October : व्यापाऱ्यांचा डिजिटल व्यवहारांना विरोध, बाजारात जाताना कॅश ठेवा
पुण्यात 150 गणेश मंडळांना लक्ष्मी रस्त्यावर मिरवणुकीची परवानगी नाकारली; रवींद्र धंगेकर आक्रमक
अजितदादांच्या आठवणीने सुनेत्रा पवार भावूक; भरसभेत डोळ्यांत अश्रू
पुणे पदवीधर मतदारसंघाच्या उमेदवारीवरून महायुतीत संघर्ष; राष्ट्रवादीच्या मागणीने नवा ट्विस्ट
चांदीवाल आयोगाचा अहवाल सार्वजनिक करा; रोहित पवारांचे मुख्यमंत्री फडणवीसांना थेट आव्हान
पार्थ पवारांच्या अडचणी वाढणार? मुंढवा जमीन प्रकरणात थेट आरोपी करण्याची मागणी
40 विद्यार्थ्यांना घेऊन जाणारी एसटी बस सुपे घाटात उलटली; 4 ते 5 विद्यार्थी जखमी
बारामतीत 19 वर्षीय तरुणाने डोक्यात गोळी झाडून घेतली; उपचारादरम्यान मृत्यू
गणेशोत्सवातील 10 दिवसांच्या दारूबंदीवर कोर्ट संतापले; पुणे प्रशासनाला फटकारले!
DJ विरोधी भूमिका विद्यानंद बापटांना पडली महागात; हिंदू सेवा संघाची थेट हद्दपारीची मागणी!
‘मी आयुष्यात 22 उपोषणं केली…’; Manoj Jarange Patilच्या आंदोलनावर अण्णा हजारेंचं मोठं वक्तव्य
MPSC प्रकरणावरून अभिजीत दिपके आक्रमक; राज्य सरकारला दिला मोठा इशारा!
दरम्यान, या अपघातामुळे बारामती-पारवडी मार्गावरील वाहतुकीच्या सुरक्षिततेचा प्रश्न पुन्हा एकदा ऐरणीवर आला आहे. या मार्गावर वेगाने धावणारी वाहने आणि अपुऱ्या सुरक्षेच्या उपाययोजनांमुळे अपघातांचे प्रमाण वाढत असल्याची तक्रार स्थानिक नागरिकांनी केली आहे. त्यामुळे प्रशासनाने तातडीने उपाययोजना कराव्यात, अशी मागणी नागरिकांकडून होत आहे.
