अकोला जिल्ह्यातील अवैध वाळू उत्खनन प्रकरणात मोठी कारवाई करत बोरगाव मंजू पोलिसांनी धमकी देणाऱ्या आरोपीला अखेर अटक केली आहे. सोशल मीडियावर व्हायरल झालेल्या व्हिडिओमुळे गाजलेल्या या प्रकरणात पोलिसांनी जलद हालचाल करत “मारून टाकीन” अशी धमकी देणाऱ्या गुंडाला गजाआड केले आहे.
मिळालेल्या माहितीनुसार, बोरगाव मंजू परिसरातील पूर्णा नदी पात्रात अवैध वाळू वाहतूक सुरू असताना एका पोलिस कर्मचाऱ्याने ट्रॅक्टर अडवण्याचा प्रयत्न केला होता. मात्र, संबंधित चालकाने पोलिसांच्या इशाऱ्याकडे दुर्लक्ष करत भरधाव ट्रॅक्टर पुढे नेला. याचवेळी त्याने पोलिसांना शिवीगाळ करत “मारून टाकीन” अशी उघड धमकी दिली होती. हा संपूर्ण प्रकार कॅमेऱ्यात कैद झाला आणि सोशल मीडियावर वेगाने व्हायरल झाला.
व्हिडिओ व्हायरल होताच जिल्हाभरातून संताप व्यक्त करण्यात आला. पोलिस दलाच्या सन्मानावर घाला घालणाऱ्या या घटनेची वरिष्ठ अधिकाऱ्यांनी गंभीर दखल घेतली. त्यानंतर बोरगाव मंजू पोलिसांनी तातडीने तपास सुरू करून आरोपीचा शोध घेतला.
Related News
ऑपरेशन प्रहार : अकोटजवळ जुगार अड्ड्यावर पोलिसांचा छापा, ७.८८ लाखांचा मुद्देमाल जप्त
हिदायत पटेल हत्याकांडात मोठी घडामोड; अकोट सत्र न्यायालयाकडून ४ फरार आरोपींविरुद्ध अटक वॉरंट
अकोल्यात मामा-भाचीने रेल्वेखाली उडी घेतली; 2 जणांचे प्राण थोडक्यात बचावले
अकोला पोलिसांचा 12 तासांत दमदार गेम ओव्हर; ‘स्पेशल 26’ स्टाईलने 25 लाखांची लूट
अकोल्यात भरचौकात तरुणाची निर्घृण हत्या; जुन्या वादातून धारदार शस्त्राने हल्ला
अकोला LCB ची धडाकेबाज कारवाई! ७ जणांची आंतरजिल्हा टोळी जेरबंद; ४ गुन्हे उघड, ₹2.73 लाखांचा मुद्देमाल जप्त
युरिया खरेदीसाठी आता सातबारा अनिवार्य; अकोटमध्ये रांगा ओसरल्या
धक्कादायक! एआय व्हिडीओ व्हायरलची धमकी देत महिलेचा छळ; मूर्तिजापूरातील 25 वर्षीय युवकाविरुद्ध गुन्हा
12 मृत्यूंनंतर मोठा कठोर निर्णय! अवैध धंदे आढळल्यास पोलिस अधिकाऱ्यांवर थेट कारवाई
अकोल्यातील हृदयद्रावक घटना; GNM विद्यार्थिनीने संपवलं आयुष्य, फी वाढीमागील 5 गंभीर प्रश्न
19 वर्षांच्या सेवेला धक्का! तहसीलदार विजय चव्हाण 6.40 लाखांच्या लाचप्रकरणात अटकेत; शेतकऱ्यांचा हिरो की भ्रष्टाचाराचा चेहरा?
सखोल तपास आणि शोधमोहीम राबवत पोलिसांनी अखेर आरोपीला अटक करण्यात यश मिळवले. आरोपीविरोधात सरकारी कामात अडथळा निर्माण करणे, धमकी देणे, तसेच इतर संबंधित कलमांखाली गुन्हा दाखल करण्यात आला आहे.पोलिसांच्या या कारवाईमुळे अवैध वाळू माफियांना मोठा धक्का बसला असून “कायद्यापुढे कोणीही मोठे नाही” हा स्पष्ट संदेश देण्यात आला आहे. स्थानिक नागरिकांनीही या कारवाईचे स्वागत करत अशाच कठोर पावलांची अपेक्षा व्यक्त केली आहे.
दरम्यान, पोलिस प्रशासनाने अवैध वाळू उत्खननाविरोधात आणखी कडक मोहीम हाती घेण्याचे संकेत दिले असून, अशा प्रकारच्या गुन्ह्यांना आळा घालण्यासाठी विशेष पथके सक्रिय करण्यात येणार असल्याची माहिती मिळत आहे.
या कारवाईमुळे काही काळ तरी वाळू माफियांचा बंदोबस्त होईल का, हे पाहणे महत्त्वाचे ठरणार आहे.
