Baramati : बारामती-पारवडी मार्गावर काल उशिरा रात्री भीषण अपघात घडून एका चौकोनी कुटुंबावर काळाने झडप घातली. या दुर्घटनेत आई आणि पाच वर्षांच्या मुलीचा जागीच मृत्यू झाला असून पती आणि दोन वर्षांचा मुलगा गंभीर जखमी झाले आहेत. या घटनेमुळे परिसरात हळहळ व्यक्त केली जात आहे.
मिळालेल्या माहितीनुसार, मयूर कोकणे हे त्यांच्या पत्नी रूपाली कोकणे, पाच वर्षांची मुलगी सानवी आणि दोन वर्षांचा मुलगा यांच्यासह दुचाकीवरून बारामतीहून पारवडीकडे निघाले होते. खासगी काम आटोपून ते घरी परतत असताना बारामती-कटफळ-पारवडी मार्गावरील परीट वस्ती परिसरात हा भीषण अपघात झाला.दरम्यान, खडकीकडून बारामतीच्या दिशेने येणाऱ्या एका वेगाने धावणाऱ्या चारचाकी वाहनाने त्यांच्या दुचाकीला जोरदार धडक दिली. या धडकेत दुचाकीवरील सर्वजण रस्त्यावर फेकले गेले. अपघात इतका भीषण होता की रूपाली कोकणे आणि त्यांची पाच वर्षांची मुलगी सानवी यांचा जागीच मृत्यू झाला.
अपघातात मयूर कोकणे आणि त्यांचा दोन वर्षांचा मुलगा गंभीर जखमी झाले. घटनेनंतर परिसरातील ग्रामस्थांनी तातडीने घटनास्थळी धाव घेतली. त्यांनी जखमींना तातडीने रुग्णालयात दाखल केले. सध्या त्यांच्यावर उपचार सुरू असल्याची माहिती मिळत आहे.अपघातानंतर चारचाकी वाहन चालकाने आपले वाहन घटनास्थळीच सोडून पळ काढल्याची प्राथमिक माहिती समोर आली आहे. पोलिसांनी घटनास्थळी पोहोचून पंचनामा केला असून संबंधित वाहन जप्त करण्यात आले आहे. फरार चालकाचा शोध घेण्यासाठी पोलीस पथकांकडून तपास सुरू आहे.
Related News
“ट्रॅफिक जाम वाढणार ? PMP च्या धोरणामुळे 6 परिणाम जे तुम्हाला हादरवतील
पुणे पर्वती परिसरात धक्कादायक प्रकार : मतिमंद महिलेवर अत्याचार, आरोपी फरार; शहरात संतापाची लाट
यवतमाळ: आंबेडकर जयंती मिरवणुकीत १६ वर्षीय तरुणाची हत्या; अल्पवयीन आरोपी ताब्यात, परिसरात तणाव
बारामती–करमाळा हृदयद्रावक घटना: मेंढपाळ कुटुंबावर 7 जणांचा भ्याड हल्ला, विनयभंग व POCSO अंतर्गत गुन्हा दाखल
आणखी एक भोंदू बाबा समोर; मंत्रांच्या नावाखाली आर्थिक फसवणूक, अहिल्यानगरमधील प्रकरणाने खळबळ
शोकभावना, स्मरण आणि मोठी घोषणा: हृदयनाथ मंगेशकर यांची पत्रकार परिषद; ‘लताआशा मंगेशकर इन्स्टिट्यूट’ची ऐतिहासिक घोषणा
पुणे ब्रेकिंग न्यूज: कात्रज–कोंढवा रस्ता रुंदीकरणाला मोठा दिलासा; पहिला टप्पा जून 2026 पर्यंत पूर्ण होणार
विद्यार्थिनीच्या तक्रारीचा गैरवापर करून प्राचार्यांना ब्लॅकमेल, तीन पोलिसांविरुद्ध गुन्हा दाखल
सातारा हादरला! वडिलांना भेटायला निघालेल्या कमावत्या लेकाचा अपघातात मृत्यू; दीड वर्षाच्या लेकराचं पितृछत्र हरपलं
कोल्हापूर हादरला! दारात खेळताना विजेचा धक्का ; अडीच वर्षांच्या अन्वीकचा मृत्यू , आईचा आक्रोश हृदय पिळवटणारा
कल्याणमध्ये धक्कादायक प्रकार! निवृत्त DCP ची दादागिरी; महिलांशी गैरवर्तन, सोसायटी पदाधिकाऱ्यांना मारहाण, CCTVमध्ये सर्व कैद
दरम्यान, या अपघातामुळे बारामती-पारवडी मार्गावरील वाहतुकीच्या सुरक्षिततेचा प्रश्न पुन्हा एकदा ऐरणीवर आला आहे. या मार्गावर वेगाने धावणारी वाहने आणि अपुऱ्या सुरक्षेच्या उपाययोजनांमुळे अपघातांचे प्रमाण वाढत असल्याची तक्रार स्थानिक नागरिकांनी केली आहे. त्यामुळे प्रशासनाने तातडीने उपाययोजना कराव्यात, अशी मागणी नागरिकांकडून होत आहे.
