अकोला जिल्ह्यातील तेल्हारा तालुक्यातील शेरी परिसरात दुपारी घडलेल्या भीषण अपघातात तीन अल्पवयीन मुलांचा जागीच मृत्यू झाल्याची हृदयद्रावक घटना घडली आहे. या घटनेमुळे संपूर्ण परिसरात शोककळा पसरली असून नागरिकांमध्ये हळहळ व्यक्त होत आहे.मिळालेल्या प्राथमिक माहितीनुसार, माळेगाव बाजार येथील तीन अल्पवयीन मुले दुचाकीवरून तेल्हारा शहराकडे येत होती. दुपारी सुमारे १२ वाजताच्या सुमारास तेल्हारा शहरालगत असलेल्या मुख्य रस्त्यावर, गुणवंत महाराज मंदिराजवळील शेरी कॅनॉल परिसरात हा अपघात घडला. यावेळी विरुद्ध दिशेने येणाऱ्या आयशर ट्रक (क्रमांक एमएच ३० बीडी ७१५८) आणि दुचाकी यांच्यात जोरदार धडक झाली.
धडक इतकी भीषण होती की दुचाकीवरील तिघेही मुले रस्त्यावर दूर फेकली गेली. या अपघातात गणेश आतुरकर (वय १७), साही वैष्णव (वय १३) आणि दर्शन वैष्णव (वय १६) या तिघांचा घटनास्थळीच मृत्यू झाला. अपघाताचे दृश्य अत्यंत भयावह असल्याचे प्रत्यक्षदर्शींनी सांगितले.
घटनेची माहिती मिळताच परिसरातील नागरिकांनी घटनास्थळी धाव घेत मदतकार्य सुरू केले. मात्र, अपघाताची तीव्रता लक्षात घेता तिघांचाही जागीच मृत्यू झाल्याचे स्पष्ट झाले. या घटनेनंतर आयशर ट्रक चालक घटनास्थळावरून फरार झाला असल्याची माहिती समोर आली आहे.दरम्यान, अपघाताची माहिती मिळताच तेल्हारा पोलीस स्टेशन चे पोलीस घटनास्थळी दाखल झाले. पोलिसांनी पंचनामा करून मृतदेह ताब्यात घेतले आणि पुढील प्रक्रियेसाठी शवविच्छेदनासाठी पाठवले. फरार चालकाचा शोध घेण्यासाठी पोलिसांनी विशेष पथके रवाना केली असून या प्रकरणाचा पुढील तपास सुरू आहे.
Related News
अकोला औद्योगिक परिसरात ‘घोणस’ सापाचे जोडपे आढळले ; सर्पमित्रांची धाडसी कारवाई
मुदत संपलेल्या ग्रामपंचायतींवर प्रशासकांची नियुक्ती
महिलांनी सावित्रीबाई फुलेंसारखे समाजहिताचे कार्य करावे – डॉ.श्रीकांत तिडके
अकोला ते शिमला… 8 वर्षांनंतर बेपत्ता जयेशचा शोध, गोशाळेत मजुरी करत जगत होता आयुष्य
VBA : वंचित आघाडीचा जलवा; प्रस्थापितांना दिला दणका, 3 महापालिकांत ‘निळं वादळ’
क्रांतिज्योती सावित्रीबाई फुले जयंती उत्साहात साजरी – तिक्ष्णगत मल्टीपर्पज वेल्फेअर सोसायटी व एल.एन.पी. कॉन्व्हेंटचे संयुक्त आयोजन
अकोला–बुलढाणा सीमेवर बिबट्याच्या पिल्लांचा आढळ ; व्हायरल व्हिडिओमुळे वन्यजीव सुरक्षेचा प्रश्न ऐरणीवर
अकोला जिल्ह्यात 161 police शिपाई पदे
या दुर्दैवी घटनेमुळे माळेगाव व तेल्हारा परिसरात शोककळा पसरली आहे. अल्पवयीन मुलांच्या अकाली मृत्यूमुळे त्यांच्या कुटुंबीयांवर दुःखाचा डोंगर कोसळला आहे. स्थानिक नागरिकांनीही या घटनेबद्दल तीव्र दु:ख व्यक्त करत अपघातांची वाढती संख्या आणि वाहतुकीतील बेफिकिरी याबाबत चिंता व्यक्त केली आहे.विशेष म्हणजे, अल्पवयीन मुलांकडून दुचाकी चालवण्याचे प्रमाण वाढत असल्याने अशा दुर्घटना घडत असल्याची चर्चा नागरिकांमध्ये सुरू आहे. वाहतूक नियमांचे पालन न करणे, वेगमर्यादा ओलांडणे आणि सुरक्षेच्या उपायांकडे दुर्लक्ष करणे हे अपघातांचे प्रमुख कारण ठरत असल्याचेही मत व्यक्त होत आहे.
या पार्श्वभूमीवर, पालकांनी आपल्या मुलांवर लक्ष ठेवून त्यांना योग्य वय होईपर्यंत वाहन चालवण्यास परवानगी देऊ नये, तसेच प्रशासनानेही वाहतूक नियमांची कडक अंमलबजावणी करावी, अशी मागणी नागरिकांकडून होत आहे. या दुर्दैवी घटनेने पुन्हा एकदा रस्ते सुरक्षा आणि जबाबदार वाहनचालना यांचे महत्त्व अधोरेखित केले आहे.
