पातुर नगरपरिषद निवडणुकीच्या पार्श्वभूमीवर महाराष्ट्र राज्य निवडणूक आयोगाचे निवडणूक आयुक्त दिनेश वाघमारे आणि निवडणूक सचिव सुरेश काकाणी यांनी गुरुवारी (४ जून) पातुर येथे भेट देऊन निवडणूक तयारीचा सविस्तर आढावा घेतला.
यावेळी पातुर नगरपरिषद कार्यालयातील सभागृहात आढावा बैठकीचे आयोजन करण्यात आले होते. बैठकीस अकोला जिल्हाधिकारी वर्षा मीना, जिल्हा पोलीस अधीक्षक अर्चित चांडक, निवडणूक निर्णय अधिकारी तथा बाळापूर उपविभागीय अधिकारी संतोष येवलीकर, पातुर नगरपरिषदेचे मुख्याधिकारी ए. बी. गडलिंग, तहसीलदार डॉ. राहुल वानखडे, पोलीस निरीक्षक हनुमंत डोपेवार तसेच नगरपरिषद व महसूल विभागातील अधिकारी आणि कर्मचारी उपस्थित होते.
बैठकीच्या प्रारंभी जिल्हाधिकारी वर्षा मीना यांनी निवडणूक आयुक्त दिनेश वाघमारे व सचिव सुरेश काकाणी यांचे स्वागत केले. त्यानंतर निवडणूक प्रक्रियेच्या विविध टप्प्यांबाबत, मतदान केंद्रांची तयारी, सुरक्षा व्यवस्था, मनुष्यबळ नियोजन आणि आचारसंहितेच्या अंमलबजावणीबाबत सविस्तर चर्चा करण्यात आली.
Related News
Tiger Shroff वरील हल्ल्यानंतर आरोपींचा मोठा प्लान उघड; दिल्लीमार्गे नेपाळला पळण्याची तयारी!
सर्वोच्च न्यायालयाचा निवडणूक आयोगाला दणका! रेकॉर्ड सादर करा, अन्यथा प्रतिकूल निष्कर्ष
मोठी बातमी! शेतकऱ्यांना दिवाळीपूर्वी 5 हजार रुपये; मुख्यमंत्र्यांची मोठी घोषणा
ज्ञानेश कुमार यांच्या राजीनाम्यावरून राहुल गांधी आक्रमक; मोदी सरकारला म्हणाले, “आम्हाला हेच हवंय!”
फडणवीस मोदींचे वारसदार? उपपंतप्रधानपदाबाबत संघात चर्चा असल्याचा राऊतांचा दावा
अवैध सावकारीच्या तावडीतून शेतकऱ्याची 2 हेक्टर 2 आर जमीन मुक्त; जिल्हा निबंधकांचा आदेश
सिंधुदुर्गात 900 कोटींच्या जमीन व्यवहाराचा आरोप; संजय राऊतांचा खळबळजनक दावा
विधानपरिषदेच्या 5 जागांसाठी निवडणूक जाहीर; २३ ऑक्टोबरला मतदान, २७ ऑक्टोबरला निकाल
Weather Update : देशावर पुन्हा पावसाचं संकट; महाराष्ट्रासाठीही IMDचा मोठा इशारा
हुतात्म्यांचे विचार नव्या पिढीपर्यंत पोहोचवणे गरजेचे; अमित आझाद यांचे प्रतिपादन
शेतकऱ्यांच्या पाठीशी महाराष्ट्र शासन खंबीर; ओला दुष्काळासाठी केंद्राकडे प्रस्ताव पाठवणार – कृषिमंत्री भरणे
लाडकी बहीण योजनेवरून सुप्रिया सुळे आक्रमक; 5 हजार कोटींच्या रकमेवर सरकारला थेट सवाल
यावेळी आयुक्त व सचिव यांनी पातुर शहरातील विविध मतदान केंद्रांना प्रत्यक्ष भेट देऊन तेथील सुविधांची पाहणी केली. मतदान केंद्रांवरील मूलभूत सुविधा, मतदानासाठी करण्यात आलेल्या व्यवस्था तसेच मतदारांना कोणत्याही अडचणीशिवाय मतदान करता यावे यासाठी करण्यात आलेल्या तयारीची त्यांनी माहिती घेतली.
आढावा बैठकीदरम्यान निवडणूक आयुक्त दिनेश वाघमारे आणि सचिव सुरेश काकाणी यांनी उपस्थित अधिकारी व कर्मचाऱ्यांना आदर्श आचारसंहितेचे काटेकोर पालन करण्याच्या सूचना दिल्या. तसेच मतदान प्रक्रिया पारदर्शक, निष्पक्ष आणि शांततापूर्ण वातावरणात पार पाडण्यासाठी आवश्यक दक्षता घेण्याचे आवाहन केले.या दौऱ्यामुळे पातुर नगरपरिषद निवडणुकीच्या तयारीला अधिक गती मिळाल्याचे प्रशासनाकडून सांगण्यात आले.
