अडगांव बु. – भारतीय संविधानाच्या अमृत महोत्सवानिमित्त जिल्हा परिषद विद्यालय तसेच कनिष्ठ महाविद्यालय अडगांव बु. येथे २६ नोव्हेंबर रोजी संविधान दिन मोठ्या उत्साहात साजरा करण्यात आला.
कार्यक्रमाचे अध्यक्षत्व विद्यालयाचे प्राचार्य चारुदत्त मेहरे यांनी केले, तर प्रमुख पाहुणे म्हणून शाळा व्यवस्थापन समितीचे अध्यक्ष श्री विलास किसनराव वानखडे (पत्रकार) उपस्थित होते. कार्यक्रमाच्या प्रारंभी प्राचार्य मेहरे, विलास वानखडे, प्रा. डॉ. संतोष गायकवाड, साखरे सर, मिसाळ सर, निखाडे मॅडम, महेंद्र वानखडे, अभिजित लोंखडे, मिलिंद लोंखडे, अवचार मॅडम, लबड़े मॅडम आणि निमकर्डे मॅडम यांनी भारतीय संविधानाचे शिल्पकार डॉ. बाबासाहेब आंबेडकर यांच्या प्रतिमेचे पूजन केले. यावेळी विद्यार्थ्यांनी भारतीय संविधान व बाबासाहेब आंबेडकर यांचा जयघोष केला.
प्राचार्य चारुदत्त मेहरे यांनी बोलताना सांगितले, “भारतीय संविधानाने आपल्या देशाला नवीन दिशा दिली असून सर्व भारतीय नागरिकांना समान हक्क आणि अधिकार प्राप्त झाले आहेत. समता, बंधुता आणि स्वतंत्रतेवर आधारित हे संविधान जगातील एक अनमोल संविधान आहे.“
Related News
जि.प. शाळा लोहारी खु. येथे संविधान दिन उत्साहात साजरा
2025: संविधान दिनानिमित्त अकोल्यात व्यक्तिमत्व विकास व कौशल्य शिबिर उत्साहात संपन्न
संविधान दिन 2025: अकोटखेड ग्रामपंचायतीत उपसरपंच रितेश भोरखडे यांचा प्रेरणादायी संदेश
भाऊसाहेब बिडकर विद्यालयात संविधान दिन उत्सव: प्रभातफेरी, एकांकिका आणि सांस्कृतिक कार्यक्रमांनी साजरा
निंबा केंद्रस्तरीय शालेय क्रीडा स्पर्धा 2025 : मोखा विद्यार्थ्यांचा ऐतिहासिक विजय, संपूर्ण परिसरात जल्लोष!
संविधान दिनानिमित्त चित्रकला स्पर्धा, रांगोळी स्पर्धा, निबंध स्पर्धा तसेच विविध इतर स्पर्धांचे आयोजन करण्यात आले. विद्यार्थ्यांनी संविधानावर आधारित भाषणे करून कार्यक्रमाची शोभा वाढवली. कार्यक्रमाचे प्रास्ताविक निखाडे मॅडम यांनी केले.
