पिंजर – पवित्र रमजान महिन्याचे ३० दिवसांचे रोजे पूर्ण केल्यानंतर सोमवारी
(१ एप्रिल २०२५) मुस्लिम बांधवांनी मोठ्या आनंदात आणि भक्तिभावाने रमजान ईद (ईद-उल-फितर) साजरी केली.
रविवारी सायंकाळी चंद्रदर्शन झाल्यानंतर ईदच्या तयारीला जोर आला.
Related News
तेल्हारा येथे शिवसेनेची आढावा बैठक संपन्न; स्थानिक स्वराज्य निवडणुकांची जोरदार तयारी सुरू
आठवड्यातून तीन दिवस अमरावती-मुंबई विमानसेवा सुरु
नगर परिषद शिक्षक सहकारी पत संस्था अकोटच्या अध्यक्षपदी तसलीम ताहेर पटेल यांची अविरोध निवड
शतकानुशिक परंपरेची साक्ष — आसरा माता यात्रा भक्तिभावात पार
ज्ञानेश्वर वरघट पेडगाव वार्ताहर कळंबा बोडखे येथील जनतेचा पाण्यासाठी आक्रोश
अकोला रेल्वे स्टेशन परिसरात अल्पवयीन मुलीवर अत्याचार; आरोपी जेरबंद
शेतकरी आत्महत्या ग्रस्त निराधार बालकांना शिक्षणासाठी मदतीचा हात; माजी खासदार राजू शेट्टी यांच्या हस्ते आर्थिक मदत वाटप
शेकडो तरुणांचा शिवसेनेत प्रवेश; अकोट तालुका आढावा बैठक उत्साहात पार
सुरत कलकत्ता हायवे क्रमांक त्रेपन्न वर भीषण अपघात; कार चालक गंभीर जखमी
गौण खनिज प्रकरणात पेंडींग असलेल्या दंडाची वसुली रखडली; तहसीलदारांवर टिका
परप्रांतीय कंपन्यांची मुजोरी मोडत स्थानिकांना मिळवून दिला रोजगार….
अकोटात सद्भावना आरोग्य तपासणी व उपचार शिबिराचे आयोजन
शहरातील विविध मशिदींसह ऐतिहासिक ईदगाहवर विशेष नमाज अदा करण्यात आली.
विशेष नमाज आणि सामूहिक प्रार्थना
पिंजर येथील ऐतिहासिक ईदगाहवर सकाळी ९ वाजता मौलाना हाफिज जमील
यांच्या नेतृत्वाखाली ईदची विशेष नमाज अदा करण्यात आली.
यानंतर मौलाना शेख कयूम यांनी अरबी खुतबा पठण केले आणि सामूहिक प्रार्थना करण्यात आली.
त्यानंतर मुस्लिम बांधवांनी एकमेकांना गळाभेट देत ईदच्या शुभेच्छा देवाणघेवाण केली.
हिंदू बांधवांकडून शुभेच्छांचा वर्षाव
पिंजर शहरात हिंदू समाज बांधवांनीही मुस्लिम बांधवांना ईदच्या शुभेच्छा दिल्या,
ज्यामुळे सामाजिक ऐक्याचे सुंदर उदाहरण पाहायला मिळाले.
विविध भागांमध्ये गोडधोड पदार्थांची देवाणघेवाण करण्यात आली.
कडक सुरक्षा व्यवस्था आणि शांततापूर्ण सण
सणाच्या पार्श्वभूमीवर पिंजर पोलीस ठाण्याच्या वतीने कडक सुरक्षा व्यवस्था
तैनात करण्यात आली होती. संपूर्ण शहरात शांततेत आणि उत्साहात ईद साजरी झाली.
प्रशासनाच्या वतीने शुभेच्छा
ईदनिमित्त पोलीस प्रशासनाने मुस्लिम बांधवांना शुभेच्छा दिल्या.
या वेळी पिंजर पोलीस स्टेशनचे ठाणेदार गंगाधर दराडे, पीएसआय गजानन राहटे,
सरपंच पांडुरंग ठक, प्रदीप पाटील लहाने, अशोकराव इंगळे, चंद्रशेखर ठाकरे,
तंटामुक्ती अध्यक्ष प्रदीप गावंडे यांच्यासह विविध मान्यवर उपस्थित होते.
पिंजरमध्ये शांतता आणि बंधुत्वाचा संदेश
या प्रसंगी मुस्लिम बांधवांसोबत हिंदू बांधवांनीही मोठ्या आपुलकीने सहभाग घेतला.
एकोप्याचा आणि शांततेचा संदेश देत, सर्वधर्मीय नागरिकांनी हा सण साजरा केला.
