प्रतिनिधी : देवानंद खिरकर
अकोट : अकोट तालुक्यातील डांगरखेड गावात आदिवासी संस्कृतीचे प्रतीक असलेल्या शंकर पट उत्सवाचा पारंपरिक पद्धतीने जल्लोषात उत्साह साजरा करण्यात आला. जय हनुमान क्रीडा मंडळाच्या वतीने गुरुवार, दि. १९ डिसेंबर रोजी आयोजित या भव्य शंकर पट कार्यक्रमाला कडाक्याच्या थंडीचा अडथळा ठरला नाही. परिसरातील नागरिकांनी मोठ्या संख्येने उपस्थिती लावून उत्सवाची शोभा वाढवली.
या कार्यक्रमास महाराष्ट्र प्रदेश काँग्रेस कमिटीचे प्रदेश महासचिव अॅड. महेश गणगणे हे प्रमुख पाहुणे म्हणून उपस्थित होते. त्यांनी शंकर पट उत्सवाचा मनमुराद आनंद घेत ग्रामस्थांशी संवाद साधला. “आदिवासी समाजाच्या परंपरा, लोककला आणि संस्कृती जपणारे असे उत्सव ग्रामीण जीवनाचा आत्मा आहेत. अशा उपक्रमांमुळे सांस्कृतिक वारसा पुढील पिढीपर्यंत पोहोचतो,” असे मत त्यांनी व्यक्त केले. तसेच जय हनुमान क्रीडा मंडळाच्या सामाजिक व सांस्कृतिक कार्याचे त्यांनी विशेष कौतुक केले.
कार्यक्रमाला गावचे पोलीस पाटील, सरपंच, तंटामुक्ती समितीचे अध्यक्ष तसेच गावातील अनेक प्रतिष्ठित नागरिक उपस्थित होते. पारंपरिक वेशभूषा, ढोल-ताशांचा निनाद, नृत्य व जल्लोषामुळे संपूर्ण परिसर उत्सवमय झाला होता.
Related News
अकोल्यात पाल्म संडे भक्तिभावाने साजरा, झावळ्यांची दिंडी झाली ठिकठिकाणी
अहिल्यानगरमध्ये तालुका अधिकाऱ्याला बेदम मारहाण, काँग्रेस नेत्याच्या चुलत भावाचा सहभाग
नदी घाटावरील गुप्त कारवाईची गरज – टाकळी बु.अवैध रेती राज
आदर्श ग्रामपंचायत अधिकारी मनोज गवई यांचा सत्कार – ‘माझी वसुंधरा 5.0’ मध्ये प्रथम पुरस्कारासह 50 लाखांचे पारितोषिक
राष्ट्रपतींना उपेक्षित केल्याबद्दल PM मोदींची TMC सरकारवर टीका
अडगांव बु. येथे शिवजयंती उत्सव जल्लोषात साजरा
शेत रस्त्याचे काम थातूरमातूर ; प्रशासन झोपेत ? मळसूर परिसरातील प्रकार; लाखो रुपयांच्या निधीवर प्रश्नचिन्ह
केरळ राज्याचे नाव बदलणे योग्य आहे का? केंद्राने दिली मंजुरी!
प्रभाकर मोरे म्हणाले: “शिमगा – देव आपल्या घरी येतो आणि अनुभवायला हवा”
पातुर तालुक्यातील खेट्री गावाला सचिव मिळेना ! तीन वर्षांत सात सचिव बदलल्याने कारभार ठप्प
कडाक्याच्या थंडीतही शिस्तबद्ध व यशस्वी आयोजन केल्याबद्दल जय हनुमान क्रीडा मंडळाचे ग्रामस्थांनी अभिनंदन केले. अशा सामाजिक व सांस्कृतिक उपक्रमांमुळे गावातील एकोपा वाढत असून तरुण पिढीला आपल्या परंपरेची ओळख मिळत असल्याची भावना उपस्थितांनी व्यक्त केली.
read also : https://ajinkyabharat.com/dahihanda-police-raid-42-thousand-rupees-of-banned-gutkha-seized/
