तेल्हारा – तालुक्यातील केळी उत्पादक शेतकऱ्यांनी हवामान बदलामुळे झालेले मोठे आर्थिक नुकसान लक्षात घेऊन पीक विमा भरपाई मंजूर करण्याची मागणी केली आहे. स्वराज्य पक्षाचे पदाधिकारी दि. १२ जानेवारी रोजी तालुका कृषी अधिकारी, तेल्हारा यांच्याकडे निवेदन सादर केले, ज्यावर अनेक शेतकऱ्यांच्या स्वाक्षऱ्या आहेत.
निवेदनानुसार, या हंगामात अवकाळी पाऊस, तीव्र उष्णता आणि वारा यामुळे तेल्हारा तालुक्यातील केळी पिकांचे मोठ्या प्रमाणावर नुकसान झाले आहे. फळधारणा कमी झाल्याने शेतकऱ्यांना गंभीर आर्थिक संकटाला सामोरे जावे लागत आहे. मात्र, प्रशासनाने अद्याप १००% केळी पीक विमा मंजूर केलेला नाही, असे निवेदनात नमूद केले आहे. शेतकऱ्यांचे म्हणणे आहे की, राज्य सरकारने महाराष्ट्रातील इतर भागांप्रमाणे तेल्हारा तालुक्यातील केळी उत्पादक शेतकऱ्यांना समावेश करून त्वरित निर्णय घ्यावा, अन्यथा स्वराज्य पक्ष रस्त्यावर उतरून तीव्र आंदोलन करेल.
निवेदनाची प्रत जिल्हाधिकारी अकोला, विभागीय कृषी सहसंचालक अमरावती, जिल्हा अधीक्षक कृषी अधिकारी अकोला आणि तहसीलदार तेल्हारा यांना पाठवण्यात आली आहे. शेतकऱ्यांमध्ये भरपाई न मिळाल्याने तीव्र असंतोष आहे.
Related News
दिनोडा परिसरातील मोठ्या प्रमाणावर जनावर चोरी; दहीहंडा पोलीस तात्काळ कारवाईत यशस्वी
बिबट्याचे हल्ला : कार्ला गावाजवळील शेतकऱ्याचे मोठे नुकसान
फडणवीस सरकारची कर्जमाफी योजना: दोन लाखांपर्यंतच लाभ, शेतकऱ्यांना नाराजी
शेतकऱ्यांच्या न्याय हकासाठी वाडेगावमध्ये रास्ता रोको आंदोलन
प्रशासनाच्या उदासीनतेमुळे शेतकरी आक्रमक; लोणार तहसीलसमोर आमरण उपोषण
बाळापूर तालुक्यात रोहीचा हैदोस ; अळोशी–कळोशी शिवारात ३ एकर गहू पीक उद्ध्वस्त
कृषी मंत्र्यांना खुले पत्र ! बळीराजाच्या छाताडावर मग्रुरीचे बूट दत्तामामा, तुमचा शेतकरी न्यायाच्या प्रतीक्षेत!
वन्यप्राण्यांचा ताबडतोब बंदोबस्त करा , लक्ष्मीकांत कौठकर शेतकरी संघटना विदर्भ अध्यक्ष,यांचा आंदोलनाचा इशारा
सस्ती महावितरण सबस्टेशनचा भोंगळ कारभार; शेतकऱ्यांचा उद्रेक सामाजिक कार्यकर्ते निलेश तोताराम कापकर यांचा आंदोलनाचा इशारा
अकोट रांभापुर मार्गासाठी रा.काँ.चा रास्ता रोको; मागण्या मान्य
शेतकरी उपाशी, सरकार तूपाशी! नागपूर विधिमंडळात विरोधकांचा सरकारविरोधी हल्ला
महाराष्ट्र सावकारग्रस्त शेतकरी समितीचे धरणे आंदोलन
केळी हे तेल्हारा तालुक्याचे प्रमुख फळपीक असून, हवामान आधारित पुनर्रचित पीक विमा योजनेअंतर्गत (RWBCIS) अकोला जिल्ह्यात आंबिया बहारासाठी संरक्षण उपलब्ध आहे. मात्र, उत्पादन आधारित किंवा हवामान ट्रिगर निकषांमुळे भरपाई मिळण्यास अडचणी येत असल्याचे शेतकरी सांगतात. यंदाच्या हंगामात तीव्र उष्णतेमुळे मोठा फटका बसल्याने पीक विमा मंजुरीसाठी मागणी तीव्र झाली आहे.
स्वराज्य पक्षाचे नेते कुलदीप बाजारे, रवी गवळी, अशोक भारसाकडे, शिवाजी खारोडे आणि सुनील गवारगुरु यांनी या निवेदनावर सह्या केल्या आहेत. शेतकऱ्यांचे न्याय मिळेपर्यंत आंदोलन करण्याचा इशारा स्वराज्य पक्षाने दिला आहे.
