पुणे : माढा लोकसभा मतदारसंघात राष्ट्रवादी काँग्रेसऐवजी (शरदचंद्र पवार पक्ष) महायुतीच्या उमेदवाराला पाठिंबा दिल्याच्या पार्श्वभूमीवर पंढरपुरातील श्री विठ्ठल सहकारी साखर कारखान्याला जप्तीच्या कारवाईतून मोठा दिलासा मिळाला आहे. राज्य सहकारी बँकेने थकबाकीच्या कारणावरून पंढरपुरातील श्री विठ्ठल सहकारी साखर कारखान्यावर कारवाई केली. ही कारवाई बेकायदा आणि लहरीपणाची असल्याची टिप्पणी करीत कारखान्याची गोदामे सीलमुक्त करून पाच मेपर्यंत त्यांचा ताबा पुन्हा कारखान्याकडे देण्याचे आदेश पुण्याच्या कर्ज वसुली लवादाने दिले.
माढ्यात विद्यमान खासदार आणि महायुतीचे उमेदवार रणजितसिंह नाईक-निंबाळकर यांच्याविरोधात राष्ट्रवादी काँग्रेसने (शरदचंद्र पवार पक्ष) धैर्यशील मोहिते पाटील यांना उतरवले आहे. मोहिते पाटील यांना श्री विठ्ठल सहकारी साखर कारखान्याचे अध्यक्ष अभिजित पाटील यांनी पाठिंबा जाहीर केला होता. या पार्श्वभूमीवर शिखर बँकेने चारशे कोटी रुपयांच्या थकबाकीचे कारण देऊन अभिजित पाटील यांच्या कारखान्याची तीन गोदामे सील केली. त्यामध्ये सुमारे १४ हजार क्विंटल साखर अडकून पडली होती. या कारवाईनंतर अभिजित पाटील यांनी उपमुख्यमंत्री देवेंद्र फडणवीस यांची भेट घेऊन लगेचच माढा आणि सोलापूर मतदारसंघातील महायुतीच्या उमेदवाराला पाठिंबा जाहीर केला.
या कारवाईच्या विरोधात कारखान्याने कर्ज वसुली लवादाकडे धाव घेऊन अंतरिम दिलासा देण्याची मागणी केली. त्यावर शिखर बँकेने हा अर्ज फेटाळण्याची मागणी केली. कारखान्याकडे मोठी थकबाकी असून, ती परत करण्याचे निर्देश कारखान्याला द्यावेत, अशी मागणी बँकेने केली. लवादाने दोन्ही बाजू ऐकून घेतल्या. वास्तविक, हा वाद न्यायप्रविष्ट असून, कोणतीही प्रतिबंधात्मक कारवाई केली जाणार नाही असे बँकेच्या वकिलांनी मागील तारखेला सांगितले होते. तरीही बँकेने कारखान्याचे साखर साठविलेले तीन गोदाम सील केले. ही कृती अयोग्य आणि लहरीपणाची आहे, असे नमूद करून गोदामे सीलमुक्त करून पाच मेपर्यंत त्यांचा ताबा पुन्हा कारखान्याकडे देण्याचे आदेश दिले. या राजकीय घडामोडींमुळे माढ्यातील निवडणुकीत आणखी रंगत भरली आहे.
Related News
पार्थ पवारांच्या मंत्रिपदावरून राष्ट्रवादीत मोठा वाद! पक्षातील नाराजीची 7 धक्कादायक कारणे
रोहित पवारांनी उघडले नवे पान ; 80-90 कोटी कॅश, 250 कोटी निधी अन् 6 खासदारांचे बंड
रेवती सुळेंच्या लग्नात 7 खास पाहुण्यांमध्ये काश्मिरी गर्ल कायनात धारची जबरदस्त चर्चा, पार्थ पवारांसोबतचे नाते काय?
रेवती सुळेंच्या लग्नातील 7 सर्वात चर्चित क्षण! पार्थ पवारांसोबत दिसलेली कायनात धार कोण? जाणून घ्या मोठे रहस्य
9 खास फोटो: रेवती सुळे यांच्या लग्नातील अविस्मरणीय क्षण; सुप्रिया सुळेंची हिरवी पैठणी, राहुल गांधींपासून मुकेश अंबानींपर्यंत दिग्गजांची उपस्थिती
Smart Meter Protest: 2 हजार नागरिकांचा प्रचंड संताप! स्मार्ट मीटरमुळे अवाजवी वीजबिलांचा धक्कादायक आरोप, महावितरणला इशारा
11 जागांवर विधान परिषद रणसंग्राम! ठाकरेंच्या फुटलेल्या खासदाराच्या मुलाची वाढली धाकधूक; नांदेडमध्ये मोठा राजकीय ट्विस्ट
‘मरता क्या न करता’ म्हणत भाजपचा टोला; उद्धव ठाकरे आणि शरद पवारांबाबत मोठे वक्तव्य
सारंग लखानींचा जबरदस्त डान्सचा 1 व्हिडीओ व्हायरल; बेभान होऊन नाचले सुप्रिया सुळे यांचे होणारे जावई
रोहित पवारांचा सरकारला कडक अल्टिमेटम; ‘आजारी कर्जमाफी’वर अन्नत्याग आंदोलन अधिक तीव्र : Strike Day 2
