अकोला, प्रतिनिधी :
अकोला तालुक्यातील घुसर गावात सावकारी कर्जाच्या ओझ्याला कंटाळून अल्पभूधारक शेतकऱ्याने आत्महत्या केल्याची हृदयद्रावक घटना आज सायंकाळी सहा वाजताच्या सुमारास घडली. राजू श्याम गोपनारायण (वय ५०) असे आत्महत्या केलेल्या शेतकऱ्याचे नाव आहे. या घटनेमुळे संपूर्ण गावात शोककळा पसरली आहे.
राजू गोपनारायण यांच्याकडे अवघी ७४ गुंठे शेती असून शेतीसाठी लागणाऱ्या खर्चाकरिता तसेच घरगुती गरजांसाठी त्यांनी बँक व खाजगी सावकारांकडून कर्ज घेतले होते. पीक अपयश, वाढता उत्पादन खर्च आणि सावकारांकडील कर्जाचा तगादा यामुळे त्यांच्यावर सुमारे चार लाख रुपयांचे कर्ज झाले होते. या कर्जबाजारीपणामुळे ते गेल्या काही दिवसांपासून मानसिक तणावात होते, अशी माहिती कुटुंबीयांनी दिली.
आज सायंकाळी राजू गोपनारायण घरात दिसत नसल्याने कुटुंबीयांनी त्यांचा शोध घेतला. शोधादरम्यान ते शेतात विषारी औषध प्राशन केलेल्या अवस्थेत आढळून आले. तात्काळ त्यांना उपचारासाठी हलवण्याचा प्रयत्न करण्यात आला, मात्र डॉक्टरांनी त्यांना मृत घोषित केले.
Related News
AI चा वापर करा, शेतीचा उत्पादन खर्च 25 ते 30 टक्क्यांनी कमी होईल; मुख्यमंत्री फडणवीसांचा शेतकऱ्यांना सल्ला
50 वर्षांचं स्वप्न अखेर साकार! शेतात पाणी पाहताच भाजप आमदाराच्या डोळ्यात आनंदाश्रू; VIDEO व्हायरल
7 धक्कादायक इशारे! भेसळयुक्त अन्नामुळे कॅन्सरचा धोका वाढतोय? श्रेयस तळपदे म्हणाले- आता जागे होण्याची वेळ आली
छत्रपती संभाजीनगरात ग्रामपंचायत निवडणुकीचा बिगुल; 638 गावांमध्ये रंगणार राजकीय रणसंग्राम
उचलीच्या वादातून ऊसतोड मजुराचे अपहरण; 4 दिवस अमानुष छळ, तोंडात लघुशंकेचाही गंभीर आरोप
पँटमध्ये लपलेल्या विंचूच्या दंशाने 12 वर्षीय मुलाची मृत्यूशी 3 दिवस झुंज; डॉक्टरांनी दिले जीवदान
Jalgaon News: धक्कादायक! 32 वर्षीय शेतकऱ्याचा आईच्या डोळ्यांदेखत वीज कोसळून मृत्यू; दुचाकी वाचवण्याचा प्रयत्न ठरला जीवघेणा
El Nino सक्रिय, भारतात दुष्काळाचे संकट; मॉन्सूनवर 2 गंभीर परिणाम होण्याची शक्यता
“माधुरी दीक्षितचे 5 फोटो पाहून चाहत्यांमध्ये थरारक आनंद! 58 व्या वयातही मोहक ग्लॅमरचा धमाकेदार झळाळता जलवा”
“धमाकेदार धोक्याचा इशारा: AC ब्लास्टचे 7 भयंकर संकेत, दुर्लक्ष केल्यास जीवघेणा धोका!”
लाखपुरीत धक्कादायक घटना! 2 दुचाक्या जळून खाक, लाखोंचे नुकसान; दोषींवर कठोर कारवाईची जोरदार मागणी
धक्कादायक बिबट्या हल्ला: सुनबाईच्या धाडसी झुंजीने सासूबाईंचा जीव वाचला | 2 थरारक क्षण
मृत राजू गोपनारायण यांच्या पश्चात आई, भाऊ, अविवाहित मुलगा तुषार (वय २५) आणि विवाहित मुलगी असा परिवार आहे. विशेष म्हणजे पुढील महिन्याच्या २२ तारखेला मुलगा तुषार याचे लग्न ठरले होते. लग्नाच्या आनंदाच्या उंबरठ्यावर असलेल्या कुटुंबावर अचानक आलेल्या या दुःखद घटनेने गोपनारायण कुटुंबीयांवर दुःखाचा डोंगर कोसळला आहे.
घटनेची माहिती अकोट फाईल पोलीस ठाण्यात देण्यात आली असून पोलिसांनी आकस्मिक मृत्यूची नोंद करून पुढील तपास सुरू केला आहे. शेतकऱ्यांच्या वाढत्या आत्महत्यांचा प्रश्न पुन्हा एकदा ऐरणीवर आला असून शासनाने कर्जमाफी व मदतीसाठी तातडीने ठोस उपाययोजना कराव्यात, अशी मागणी गावकऱ्यांतून होत आहे.
read also : https://ajinkyabharat.com/honorable-lady-gave-gift-to-console-the-family-of-hidayat-patel-of-mohala/
