अनेक कुटुंबांमध्ये पैशांची अचानक गरज भासल्यास सोने हा सर्वात मोठा आधार ठरतो. काही जण तातडीने निधी उभा करण्यासाठी सोने विकतात, तर काही गोल्ड लोन घेण्याचा पर्याय निवडतात. पण दोन्हीपैकी कोणता पर्याय योग्य? हे तुमच्या परिस्थितीनुसार बदलू शकतं. चला याबद्दल सविस्तर जाणून घेऊया.
सोने विकणे – कायमचा निरोप
पैशांची तातडीची गरज असताना अनेक जण घरातील दागिने विकून टाकतात. सोने विकल्यास कोणतेही व्याज किंवा अतिरिक्त शुल्क द्यावे लागत नाही. तुम्हाला मिळणारी रक्कम पूर्णपणे तुमच्या हातात येते.मात्र, दागिने एकदा विकले की ते कायमचे हातातून निघून जातात. नंतर सोने परत विकत घेणे हे महागाईमुळे अधिक खर्चिक ठरू शकते.
गोल्ड लोन – दागिने तुमचेच राहतात
बँका आणि वित्तीय संस्था सोने गहाण ठेवून कर्ज देतात. गोल्ड लोनचा सर्वात मोठा फायदा म्हणजे दागिन्यांची मालकी तुमच्याकडेच राहते. वेळेवर परतफेड केली तर तुम्हाला तुमचे सोने परत मिळते.
मात्र, या कर्जावर व्याजही भरावे लागते. कमी कालावधीसाठी कमी रक्कम हवी असेल आणि EMI वेळेवर भरू शकत असाल तर गोल्ड लोन उत्तम पर्याय ठरू शकतो.
Related News
फडणवीस मोदींचे वारसदार? उपपंतप्रधानपदाबाबत संघात चर्चा असल्याचा राऊतांचा दावा
10 ते 12 महिलांच्या तक्रारी; श्वेता महालेंचा संजय गायकवाडांना सूचक इशारा!
दिनो मोरियाची EOWकडून चौकशी; मिठी नदी गाळ उपसा प्रकरणात मोठी अपडेट
Parth Pawar प्रकरणावर वडेट्टीवारांचा घणाघाती सवाल; ‘गरीबांवर कारवाई, मोठे मोकाट का?’
मोठी बातमी! शरद पवार मुख्यमंत्र्यांची भेट घेणार; दुष्काळग्रस्त शेतकऱ्यांच्या मागण्या मांडणार
‘कसले बाळासाहेबांच्या विचारांचे वारसदार?’; प्रदीप पूर्णेकर हत्या प्रकरणावरून संजय राऊत आक्रमक
मनोज जरांगे पाटील यांचा सरकारला इशारा; ‘कितीही त्रास दिला तरी शरण येणार नाही’
सिंधुदुर्गात 900 कोटींच्या जमीन व्यवहाराचा आरोप; संजय राऊतांचा खळबळजनक दावा
बँक ग्राहकांसाठी मोठी बातमी! 28 ते 30 सप्टेंबरचा तीन दिवसीय संप अखेर रद्द
Manoj Jarange Patilची रुग्णालयातून मोठी घोषणा; ‘आता पाटोद्यापासून पुढे मुंबईत आंदोलन’
राज्यात दुष्काळ जाहीर; 265 तालुक्यांचा समावेश, पंकजा मुंडे थेट बांधावर
पेट्रोल पंपावर UPI पेमेंटचा ₹5 चार्ज हटणार? पेट्रोलियम मंत्रालयाने दिलं मोठं स्पष्टीकरण
गोल्ड लोन कधी घ्यावे?
कमी काळासाठी आणि कमी रक्कमेची गरज असल्यास
EMI वेळेवर भरण्याची क्षमता असल्यास
दागिन्यांशी भावनिक नाते असल्यास
सोने विकणे कधी योग्य?
मोठ्या रकमेची गरज असल्यास
दीर्घ काळासाठी पैशांची गरज असल्यास
कर्ज परतफेड करणे शक्य नसल्यास
व्याजाचा भार टाळायचा असल्यास
सोने विकावे की गोल्ड लोन घ्यावे, हे पूर्णपणे तुमच्या आर्थिक परिस्थितीवर अवलंबून आहे. कमी कालावधीची गरज असल्यास गोल्ड लोन फायदेशीर ठरतो. तर दीर्घकाळासाठी मोठ्या निधीची आवश्यकता असेल, तर सोने विकणे हा पर्याय अधिक योग्य ठरू शकतो.
(डिस्क्लेमर: या लेखातील माहिती सामान्य ज्ञानावर आधारित आहे. कोणताही आर्थिक निर्णय घेण्यापूर्वी तज्ज्ञांचा सल्ला घ्यावा.)
