भारतीय क्रिकेटविश्वातील लोकप्रिय लेगस्पिनर युजवेंद्र चहल पुन्हा एकदा चर्चेत आला आहे. वैयक्तिक आयुष्यातील चढ-उतारांना सामोरे गेल्यानंतर आता चहलने नवी सुरुवात करण्याचा निर्णय घेतल्याचे संकेत दिले आहेत. कोरिओग्राफर आणि डान्सर धनश्री वर्मासोबतचे वैवाहिक नाते संपुष्टात आल्यानंतर चहल दुसऱ्या लग्नास तयार असल्याची खूण स्वतः सोशल मीडियावरूनच दिली आहे.
अलीकडेच चहलने इन्स्टाग्रामवर काही नवे फोटो पोस्ट केले. या फोटोंमध्ये त्याचा डॅशिंग, स्टायलिश अंदाज दिसून येत आहे. मात्र चर्चेचा विषय ठरला तो त्याचा कॅप्शन. चहलने कॅप्शनमध्ये लिहिले – “लग्नासाठी तयार आहे, फक्त एक मुलगी पाहिजे.” यासोबत त्याने हसण्याचा इमोजीही जोडला आहे. हे कॅप्शन पाहताच नेटिझन्सनी कमेंट्सचा अक्षरशः पाऊस पाडला आहे. अनेकांनी त्याच्या पोस्टवर मजेशीर प्रतिक्रिया देत त्याचे अभिनंदन केले, तर काहींनी त्याच्या ‘नव्या सुरुवातीला’ शुभेच्छा दिल्या.
धनश्रीसोबतच्या नात्यातील मतभेदांमुळे या वर्षी या दाम्पत्याने घटस्फोट घेतला. दोघांनीही कोर्टात सांगितले होते की ते गेल्या 18 महिन्यांपासून वेगळे राहत होते. त्यांच्या विभक्त होण्याबाबत सोशल मीडियावर अनेक अफवा पसरल्या होत्या. मात्र दोघांनीही कोणत्याही वादात न पडता सभ्य पद्धतीने हा अध्याय संपवला.
Related News
Bigg Boss 20 : Salman Khanचा ट्रोलर्सवर निशाणा; सोहैलच्या वजनावर कमेंट करणाऱ्यांना फटकारलं
‘नवरा विकला की काय?’ कमेंटवर Janhavi Killekar भडकली; ट्रोलर्सना सुनावलं
शर्वरीनंतर Sunny Kaushalच्या आयुष्यात नवी अभिनेत्री? कतरिनाच्या बहिणीचं नाव चर्चेत
Samay Raina ने नवाजुद्दीन सिद्दिकीला केलं रोस्ट; ‘Sacred Games’चा संदर्भ देत नेमकं काय म्हणाला?
Tukaram Mundhe ची भूमिका साकारण्यास निलेश साबळेंचा स्पष्ट नकार; म्हणाले, ‘आदरयुक्त भीती आहे’
लालबागच्या राजाच्या चरणी Ranveer Singh नतमस्तक; 1 हजार मुलींच्या शिक्षणाचा उचलणार खर्च
सोनाक्षी-झहीरने अर्पिता खानच्या घरी केली गणपतीची आरती; कमेंट्स बंद केल्याने चर्चेला उधाण
8 मार्चला साखरपुडा, सहा महिन्यांत ब्रेकअप! पृथ्वी शॉ-आकृती अग्रवाल वेगळे
‘महाकाव्य श्री रामायण कथा’चा ट्रेलर रिलीज; सीतामाईच्या भूमिकेतील अंजली अरोरावर नेटकऱ्यांचा निशाणा
अंबानींच्या गणेशोत्सवातील खास मेन्यू व्हायरल; मिसळ पावपासून शेजवान नूडल्सपर्यंत मेजवानी
फक्त 13 पाहुण्यांच्या उपस्थितीत झालं राणी मुखर्जीचं लग्न; ड्रोन दिसताच आदित्य चोप्रा धावले!
Kapil Sharmaच्या शोचा नवा सीझन जाहीर; 26 सप्टेंबरपासून पुन्हा रंगणार ‘हंसी का त्योहार’
धनश्रीपासून वेगळे झाल्यानंतर चहलचं नाव आरजे महवश या इन्फ्लुएन्सरसह जोडले जात असल्याच्या चर्चा सुरू झाल्या होत्या. काही ठिकाणी दोघे एकत्र दिसल्याचेही म्हटले गेले. तथापि, या संबंधाबद्दल ना चहलने, ना महवशने कोणतीही पुष्टी केली. तरीसुद्धा चहलच्या नव्या पोस्टनंतर काही नेटकऱ्यांनी महवशलाही कमेंट्समध्ये टॅग करत मजेशीर प्रतिक्रिया दिल्या.
चहलची पोस्ट कुणाला उद्देशून होती की ती फक्त मजेने केलेली होती, हे मात्र अद्याप स्पष्ट झालेले नाही. मात्र या एका वाक्यामुळे क्रिकेटविश्व, सोशल मीडिया आणि चाहत्यांमध्ये मोठी चर्चा रंगली आहे. अनेक चाहते चहलच्या पोस्टला “नव्या जीवनाची सुरूवात” असा अर्थ लावू लागले आहेत.युजवेंद्र चहलने 22 डिसेंबर 2020 रोजी धनश्री वर्माशी लग्न केले होते. दोघेही सोशल मीडियावर प्रचंड लोकप्रिय होते आणि त्यांचे नाते चाहत्यांमध्ये चर्चेचा विषय बनले होते. परंतु पाच वर्षांच्या वैवाहिक आयुष्याला पूर्णविराम देत त्यांनी आपापल्या आयुष्यात पुढे जाण्याचा निर्णय घेतला.
आता चहलने दुसऱ्या लग्नाचा ‘इशारा’ दिल्यानंतर क्रिकेट चाहत्यांमध्ये उत्सुकता वाढली आहे. पुढील काळात चहल खरोखरच लग्न करतो का? कोण होणार त्याची जीवनसाथी? याबाबत सर्वांनाच उत्सुकता असून चहलच्या पुढील हालचालींकडे साऱ्यांचे लक्ष लागून राहणार आहे.
