देशातील सर्वात मोठ्या आणि प्रतिष्ठेच्या वैद्यकीय प्रवेश परीक्षांपैकी एक असलेल्या NEET UG 2026 परीक्षेभोवती निर्माण झालेल्या पेपर लीक प्रकरणाने संपूर्ण देश हादरला आहे. लाखो विद्यार्थ्यांच्या भवितव्याशी संबंधित असलेल्या या परीक्षेवर आता गंभीर प्रश्नचिन्ह उपस्थित झाले असून, अखेर नॅशनल टेस्टिंग एजन्सीने (NTA) संपूर्ण परीक्षा रद्द करण्याचा मोठा निर्णय घेतला आहे. विशेष म्हणजे, या धक्कादायक घोटाळ्याचा पर्दाफाश एखाद्या तपास यंत्रणेने नव्हे, तर राजस्थानमधील एका सामान्य हॉस्टेल मालकाच्या सतर्कतेमुळे झाला.
या प्रकरणाची सुरुवात झाली ती एका साध्या व्हॉट्सॲप मेसेजपासून. 2 मे रोजी रात्री सुमारे 11 वाजण्याच्या सुमारास केरळमध्ये एमबीबीएसचे शिक्षण घेणाऱ्या एका विद्यार्थ्याने आपल्या वडिलांना एक PDF फाईल पाठवली. त्या विद्यार्थ्याचे वडील राजस्थानमधील सीकर येथे NEET विद्यार्थ्यांसाठी हॉस्टेल चालवतात. मुलाने पाठवलेल्या मेसेजमध्ये लिहिले होते की, “जर हॉस्टेलमध्ये कोणी NEET परीक्षा देत असेल तर हा गेस पेपर उपयोगी ठरू शकतो.”
मात्र, त्या रात्री हॉस्टेल मालक झोपले असल्याने त्यांनी तो मेसेज पाहिला नाही. दुसऱ्या दिवशी सकाळी त्यांनी हॉस्टेलमधील काही विद्यार्थिनींना तो पेपर देण्याचा प्रयत्न केला, पण त्या आधीच परीक्षा केंद्रावर रवाना झाल्या होत्या. त्यानंतर त्यांनी केवळ कुतूहल म्हणून तो पेपर एका ओळखीच्या केमिस्ट्री शिक्षकाला दाखवला.
Related News
“हे सर्व खोटं आहे”; रेल्वे आंदोलन प्रकरणात राज ठाकरे यांचा कोर्टात दावा
नांदेड हादरलं! मेव्हण्याच्या लग्नात पत्नीची हत्या करून पतीची आत्महत्या; 3 चिमुकली मुलं झाली पोरकी
‘डिजिटल टोल’ प्लॅनमुळे WhatsApp, UPI आणि इंटरनेट सेवांवर मोठा परिणाम? भारतासाठी धोक्याची घंटा
CBSE Board Result 2026 : विद्यार्थ्यांसाठी मोठी आनंदाची बातमी, बारावीचा निकाल जाहीर
Petrol-Diesel Price Hike: पेट्रोल-डिझेल दरवाढीचे RBI कडून संकेत; सर्वसामान्यांच्या खिशाला बसू शकतो मोठा फटका
Prateek Yadav Death : किचनमध्ये अचानक कोसळले, पुन्हा उठलेच नाहीत; PM रिपोर्टमधून समोर आली धक्कादायक माहिती
इराणचा अमेरिकेला थेट इशारा; 90% युरेनियम संवर्धनाची धमकी, जागतिक तणाव शिगेला
Thalapathy Vijay Shocker: AIADMKमध्ये मोठी फूट, 25 बंडखोर आमदारांनी दिला विजय सरकारला दमदार पाठिंबा
NEET Paper Leak 2026 : CBIचा मोठा स्फोटक खुलासा! अहिल्यानगरातून आणखी 1 संशयित ताब्यात
NEET Paper Leak 2026: “NTAच्या चुकांना बक्षीस?” जयंत पाटीलांचा IAS सुबोध कुमार सिंहांवर धक्कादायक आरोप
याच क्षणापासून संपूर्ण प्रकरणाला धक्कादायक वळण मिळाले.
परीक्षा संपल्यानंतर शिक्षकाने मूळ प्रश्नपत्रिका आणि व्हॉट्सॲपवर आलेल्या PDF ची तुलना केली. तुलना करताच त्यांचे अक्षरशः धाबे दणाणले. केमिस्ट्री विषयातील 108 प्रश्नांपैकी तब्बल 45 प्रश्न हुबेहूब जुळत होते. त्यानंतर बायोलॉजी विषयाच्या शिक्षकांनी तपासणी केली असता, 204 पैकी जवळपास 90 प्रश्न जसेच्या तसे आढळले. एकूण 135 प्रश्न समान असल्याचे स्पष्ट झाल्यानंतर हा केवळ ‘गेस पेपर’ नसून प्रत्यक्ष प्रश्नपत्रिकाच लीक झाल्याचे निश्चित झाले.
या धक्कादायक प्रकारानंतर हॉस्टेल मालक आणि शिक्षकांनी तातडीने स्थानिक सीकर पोलिसांशी संपर्क साधला. मात्र, इथेच आणखी एक धक्कादायक बाब समोर आली. पोलिसांनी सुरुवातीला तक्रार घेण्यास नकार दिला. “परीक्षा झाल्यानंतर तक्रार का करत आहात?” असा उलट सवाल पोलिसांकडून करण्यात आल्याचे समोर आले आहे.
स्थानिक पातळीवरून मदत मिळत नसल्याचे पाहून हॉस्टेल मालकाने थेट नॅशनल टेस्टिंग एजन्सीला ईमेलद्वारे संपूर्ण माहिती पाठवली. एनटीएने या ईमेलची गंभीर दखल घेत तत्काळ इंटेलिजन्स ब्युरोला माहिती दिली. त्यानंतर 8 मे रोजी राजस्थान स्पेशल ऑपरेशन्स ग्रुप (SOG) ला तपासाचे आदेश देण्यात आले.
एसओजीने हॉस्टेल मालकाचा मोबाईल, व्हॉट्सॲप चॅट आणि संबंधित PDF फाईल तपासल्यानंतर संपूर्ण घटनाक्रम खरा असल्याचे स्पष्ट झाले. तपासाचा वेग वाढताच जयपूरजवळील जामवारामगड परिसरातून दोन भावांना अटक करण्यात आली. चौकशीत त्यांनी हा पेपर हरियाणातील एका आयुर्वेद विद्यार्थ्याकडून मिळाल्याची कबुली दिली.
यानंतर तपासाचा विस्तार देशभरात झाला. हरियाणातील विद्यार्थ्याने बिहार, जम्मू-काश्मीर, तेलंगणा आणि आंध्र प्रदेशातील अनेक विद्यार्थ्यांना पेपर विकल्याचे उघड झाले. या संपूर्ण रॅकेटचा मागोवा घेत असताना तपास यंत्रणांचे धागेदोरे थेट महाराष्ट्रातील नाशिकपर्यंत पोहोचले.
तपासात समोर आलेल्या माहितीनुसार, नाशिकमधील शुभम खैरनार याने हरियाणातील विद्यार्थ्याला हा पेपर पुरवल्याचा संशय व्यक्त करण्यात आला आहे. विशेष म्हणजे, शुभम खैरनारकडून प्रश्नपत्रिकेची प्रत्यक्ष प्रत देखील जप्त करण्यात आल्याचे सांगितले जात आहे. त्यामुळे या संपूर्ण घोटाळ्यामागे मोठे नेटवर्क कार्यरत असल्याची शक्यता तपास यंत्रणा वर्तवत आहेत.
या प्रकरणामुळे देशभरातील लाखो विद्यार्थ्यांमध्ये संताप आणि संभ्रमाचे वातावरण निर्माण झाले आहे. अनेक विद्यार्थ्यांनी वर्षभर मेहनत घेऊन परीक्षा दिली होती. मात्र, पेपर लीक झाल्याचे स्पष्ट झाल्यानंतर परीक्षा प्रक्रियेच्या पारदर्शकतेवर गंभीर प्रश्न उपस्थित झाले.
दरम्यान, या घोटाळ्याची व्याप्ती लक्षात घेता NTA ने अखेर NEET UG 2026 परीक्षा अधिकृतपणे रद्द करण्याचा निर्णय घेतला. आता ही परीक्षा पुन्हा घेतली जाणार असून, नवीन तारखा लवकरच जाहीर केल्या जाणार आहेत. विद्यार्थ्यांना पुन्हा अर्ज करण्याची किंवा अतिरिक्त शुल्क भरण्याची आवश्यकता नसल्याचेही स्पष्ट करण्यात आले आहे.
केंद्र सरकारने या प्रकरणाची गंभीर दखल घेत तपास केंद्रीय अन्वेषण विभागाकडे म्हणजेच CBI कडे सोपवला आहे. सध्या राजस्थान, हरियाणा, बिहार आणि महाराष्ट्रासह अनेक राज्यांमध्ये छापेमारी आणि चौकशी सुरू आहे.
एका साध्या व्हॉट्सॲप मेसेजपासून सुरू झालेली ही घटना आता देशातील सर्वात मोठ्या परीक्षा घोटाळ्यांपैकी एक ठरत आहे. एका जागरूक हॉस्टेल मालकाच्या सतर्कतेमुळे हा संपूर्ण प्रकार उघडकीस आला नसता, तर कदाचित लाखो विद्यार्थ्यांच्या भविष्याशी झालेला हा खेळ कधीच समोर आला नसता.
read also : https://ajinkyabharat.com/shocking-act-of-aghori-baba-in-ahilya-nagar/
