नांदेड : दिवाळी गेली तरीही मदत नाही… संतप्त शेतकऱ्याने तहसीलदारांच्या गाडीची केली तोडफोड!
नांदेड जिल्ह्यातील मुदखेड तालुक्यात एक धक्कादायक घटना घडली आहे. आनंद देऊळगावकर या तहसीलदारांच्या गाडीची साईनाथ खानसोळे या शेतकऱ्याने फावड्याने तोडफोड केली. “जय जवान जय किसान” असा घोष देत संतप्त शेतकऱ्याने तहसीलदारांच्या कारच्या काचा फोडल्या.
नांदेडचा शेतकरी संतप्त !
शेतकरी साईनाथ खानसोळे यांनी आरोप केला की, अनुदानाचे पैसे न मिळाल्याने दिवाळी साजरी करता आली नाही, तसेच अधिकारी शेतकऱ्यांच्या अडचणी जाणून घेण्यासाठी त्यांच्या बांधावर येत नाहीत. या घटनेमुळे परिसरात एकच खळबळ उडाली.
Related News
तुकाराम मुंढेंचा नोकरशाहीला आरसा; म्हणाले, ‘जर मी नाही, तर कोण?’
लाडकी बहीण योजनेत मोठी छाटणी! 92 लाख महिलांची नावे यादीतून गायब; आता इतक्यांनाच मिळणार पैसे
मुख्यमंत्र्यांनाही अटक करणाऱ्या ‘वाघीण’ IPS रूपा मौदगिल यांची धडाकेबाज कहाणी ; 20 वर्षांत 40 बदल्या!
अनुप धोत्रेंची 10 महत्त्वपूर्ण मागणी; अकोला-ढोण दुहरीकरणासह 4 नवीन सुपरफास्ट ट्रेनची मागणी
महिलांच्या खात्यात आधी 20 हजार, नंतर 30 हजार? योगी सरकारच्या ‘गेमचेंजर’ प्लॅनची जोरदार चर्चा
लग्न करणाऱ्यांना मिळणार 5 लाखांपर्यंत मदत! केंद्राची खास योजना, कोणाला मिळणार लाभ?
मोठी आनंदवार्ता! आता UPI ने काढता येणार PF, कामगार मंत्रालयाने सांगितली तारीख
EPFO चे मोठे गिफ्ट! आता जुन्या PF खात्यातील अडकलेले पैसे मिळणार झटपट
मुख्यमंत्री फडणवीसांच्या हस्ते 1000 मुलींना सुकन्या समृद्धीचे धनादेश; दरवर्षी 20 हजार, 10 वर्षे सरकार भरणार पैसे
घटनेनंतर तहसीलदार आनंद देऊळगावकर यांनी स्पष्टीकरण दिले आहे. त्यांच्या म्हणण्यानुसार, खानसोळे यांना दिवाळीपूर्वीच ₹6,290 अनुदानाचे पैसे जमा झाले होते. त्यांच्या नावावर गट क्रमांक 371 आणि 382 अशी जमीन असून ती एक हेक्टरपेक्षा कमी आहे.
तहसीलदारांनी सांगितले की, मुदखेड तालुक्यातील सुमारे 85 टक्के शेतकऱ्यांना अनुदानाचे पैसे मिळाले आहेत. या प्रकरणी संबंधित शेतकऱ्याला ताब्यात घेण्यात आले असून, पोलिसांनी पुढील तपास सुरू केला आहे.
दरम्यान, तहसीलदारांनी सर्व शेतकऱ्यांना आवाहन केले आहे की, आक्रमक होण्याऐवजी प्रशासनाशी संवाद साधावा आणि शांततेने प्रश्न मांडावेत.
