मूर्तिजापूर आगारात शुक्रवार (ता. १६) रोजी इंधन बचत मासिक मोहिमेचा शुभारंभ उत्साहपूर्ण वातावरणात पार पडला. औद्योगिक प्रशिक्षण संस्था, मूर्तिजापूरचे निदेशक श्री. श्री. निघोट सर यांच्या हस्ते या मोहिमेचे उद्घाटन करण्यात आले. यावेळी विभागीय अभियंता श्री. प्रशिक पळसपगार प्रमुख पाहुणे म्हणून उपस्थित होते.
कार्यक्रमात बोलताना श्री. निघोट सर यांनी इंधन बचत ही केवळ वैयक्तिक नव्हे तर राष्ट्रीय गरज असल्याचे नमूद केले. आर्थिक शिस्त राखण्यासाठी व राष्ट्रीय संपत्तीचे संवर्धन करण्यासाठी इंधनाचा काटकसरीने आणि शास्त्रशुद्ध वापर करणे आवश्यक असल्याचे त्यांनी चालक व वाहकांना आवाहन केले.
याप्रसंगी श्री. पळसपगार यांनी इंधन बचतीचे महत्त्व स्पष्ट करत सध्याच्या आर्थिक व सामाजिक परिस्थितीत इंधन बचत अपरिहार्य असल्याचे सांगितले.
Related News
दहिहांडा पोलिसात माती चोरीचा गुन्हा दाखल , नायब तहसीलदार सोनोने यांची धडक कारवाई
मूर्तिजापूरमध्ये अग्निशमन दलाच्या गाडीचे चाक चोरीला; तक्रार नाही, प्रशासनावर प्रश्नचिन्ह
संध्या डाहेलकर यांना डॉ. सिंधुताई सपकाळ नारी प्रेरणा पुरस्काराने सन्मानित
भातकुली रोडवरील सायत फाट्यावर भीषण अपघात; चार ठार, एक गंभीर जखमी
शेगाव तालुक्यातील मंदिरात तोडफोड; नवनाथ महाराजांच्या मूर्तींची विटंबना
मूर्तिजापूरात वाद मिटवायला गेलेल्या बँक मॅनेजरवर प्राणघातक हल्ला; तिघांविरुद्ध गुन्हा दाखल
जुने पैसे मागण्याच्या वादातून प्राणघातक हल्ला; मूर्तिजापूर पोलिसांनी तिघांविरुद्ध गुन्हा नोंदवला
आसेगाव बाजारच्या दीक्षाची CISF मध्ये भरारी; शेतमजूर कुटुंबातील लेकीने रचला यशाचा नवा इतिहास
अध्यक्षीय भाषणात आगार व्यवस्थापक श्री. हेमंत चांदुरकर यांनी जागतिक राजकारण व आंतरराष्ट्रीय बाजारातील घडामोडींचा संदर्भ देत भविष्यात इंधन दर स्थिर राहण्याची शक्यता कमी असल्याचे नमूद केले. त्यामुळे प्रत्येक स्तरावर इंधन बचतीची सवय लावणे काळाची गरज असल्याचे त्यांनी स्पष्ट केले.
या कार्यक्रमास वाहतूक निरीक्षक श्री. हिंगे साहेब यांची उपस्थिती लाभली. कार्यक्रमाचे सूत्रसंचालन श्री. सोपान विरोकर यांनी केले, तर आभार प्रदर्शन श्री. विवेक खाडे यांनी मानले.मोहिमेच्या यशस्वी आयोजनासाठी सौ. उज्वला पांडे, श्री. नितीन पांडे, स्वाती चौधरी, श्री. संतोष घोगरे तसेच पाळी प्रमुख श्री. मुन्ना लाटे, श्री. मुळे व श्री. धामणे यांनी विशेष परिश्रम घेतले.
