मूर्तिजापूर प्रतिनिधी :
मूर्तिजापूर : वूशू किंग इंटर मार्शल आर्ट असोसिएशन महाराष्ट्र यांच्या वतीने नुकतीच राज्यस्तरीय इंटर मार्शल आर्ट स्पर्धा मोठ्या उत्साहात पार पडली. या स्पर्धेचे आयोजन इंटर मार्शल क्लब वजो अकॅडमी, जिल्हा बुलढाणा येथे करण्यात आले होते. राज्यभरातील विविध जिल्ह्यांमधून नामांकित कराटे व मार्शल आर्ट खेळाडूंनी या स्पर्धेत सहभाग नोंदवला होता. तीव्र स्पर्धात्मक वातावरणात पार पडलेल्या या स्पर्धेत एम. बी. कराटे अकॅडमी, मूर्तिजापूरच्या खेळाडूंनी आपल्या उत्कृष्ट कौशल्याचे प्रदर्शन करत घवघवीत यश संपादन केले.
एम. बी. कराटे अकॅडमीच्या खेळाडूंनी काता व कुमिते या दोन्ही प्रकारांमध्ये दमदार खेळ सादर करत प्रथम व द्वितीय क्रमांक पटकावले. अचूक तंत्र, शिस्तबद्ध हालचाली, आत्मविश्वास आणि प्रतिस्पर्ध्यांवर मिळवलेले वर्चस्व यामुळे परीक्षकांचे लक्ष वेधून घेण्यात खेळाडूंना यश आले. विशेष म्हणजे, ही कामगिरी एम. बी. कराटे अकॅडमीचे अध्यक्ष व मुख्य प्रशिक्षक सेन्सई गंगाधर जाधव यांच्या मार्गदर्शनाखाली साध्य झाली असून त्यांच्या सातत्यपूर्ण प्रशिक्षणाचा व शिस्तीचा हा परिणाम असल्याचे मत उपस्थितांनी व्यक्त केले.
Related News
Uddhav Thackeray Speech: 5 स्फोटक विधानांनी उद्धव ठाकरेंचा गद्दारांवर घणाघात; ओमराजेंचं नाव घेत भावनिक झाले
IND vs AFG: 20 षटकांतच भारताने जिंकला सामना! रोहित शर्माच्या खेळीचं अफगाण कर्णधाराकडून मोठं कौतुक
IND vs AFG 2nd ODI: 2 झंझावाती शतकांनी भारताची दमदार मुसंडी; शुभमन गिल-इशान किशनचा विक्रमी सुपरशो, 400 धावांचे लक्ष्य गाठणार?
IND A vs AFG A: 320 धावांचे दमदार लक्ष्य, पण वैभव सूर्यवंशी पुन्हा फ्लॉप! ‘मोठी कमजोरी’ उघड, भारताची जबरदस्त फलंदाजी
वैभव सूर्यवंशीला 2 मोठी जीवनदानं, तरीही 38 धावांवर निराशाजनक समाप्ती
2 विकेट्स, 1 परफेक्ट यॉर्कर आणि गावस्करांची मोठी शाबासकी! नितीश रेड्डी ठरला टीम इंडियाचा ‘अमूल्य’ खेळाडू
IND A vs SL A : भारताच्या 10 धावांच्या एका चुकीमुळे सामना गेला; सुपर ओव्हरमध्ये श्रीलंकेचा थरारक विजय
दिप्ती शर्माचा घातक पंजा, पाकिस्तानवर 64 धावांनी दणदणीत विजय; वर्ल्डकपमध्ये भारताची शानदार सुरुवात
IND W vs PAK W: 1 धोकादायक पाकिस्तानी खेळाडू भारतासाठी ठरू शकते मोठं संकट, वर्ल्ड कपच्या महासंग्रामात रंगणार हायव्होल्टेज लढत
ऑस्ट्रेलियाचा मास्टरस्ट्रोक! 5 वर्षांत निखिल चौधरीचा चमत्कारिक प्रवास, कांगारू संघात दमदार एन्ट्री
स्मृती मंधानाला पाकिस्तानविरुद्ध इतिहास रचण्याची सुवर्ण संधी – नंबर 1 होणार का?”
15 वर्षीय वैभव सूर्यवंशीचा जबरदस्त कमाल; 22 चेंडूत 44 धावा, चाहत्यांमध्ये उत्साह
स्पर्धेनंतर पार पडलेल्या बक्षीस व प्रमाणपत्र वितरण सोहळ्यात कामगार कल्याण केंद्राचे प्रमुख विनोद इंगळे (मूर्तिजापूर), शिक्षक प्रशिक इंगळे व समीर जाधव हे मान्यवर उपस्थित होते. मान्यवरांच्या हस्ते विजेत्या खेळाडूंना पदके व प्रमाणपत्रे प्रदान करण्यात आली. यावेळी खेळाडूंचे कौतुक करत मान्यवरांनी कराटेसारख्या मार्शल आर्ट खेळामुळे शारीरिक तंदुरुस्तीबरोबरच मानसिक बळकटी, आत्मसंयम व शिस्त निर्माण होते, असे मत व्यक्त केले.
या स्पर्धेत चिन्मय राजुरकर, दुर्गेश वाकोडे, सूर्याश गोपकर, तन्मय ठाकरे, अर्जुन इटीवाले, वंश गोळे, पार्थ सिकची, प्रिन्स बिहानी, सान्वी कडू, अर्णव गांजाळे, दिव्या थोरात व सिद्धांश्री पेडोखरे या खेळाडूंनी उल्लेखनीय यश संपादन करत मूर्तिजापूर व जिल्ह्याचे नाव राज्यपातळीवर उज्वल केले. त्यांच्या या यशाबद्दल पालक, क्रीडाप्रेमी व स्थानिक नागरिकांकडून अभिनंदनाचा वर्षाव होत असून भविष्यात राष्ट्रीय स्तरावरही हे खेळाडू यश मिळवतील, असा विश्वास व्यक्त केला जात आहे.
