Nashik Crime News : IT कंपनीतील महिला कर्मचाऱ्यांच्या शोषणप्रकरणी तपासाला मोठे वळण
नाशिकमधील आयटी कंपनीतील महिला कर्मचाऱ्यांच्या लैंगिक शोषण, धर्मांतराचा प्रयत्न आणि विनयभंग प्रकरणाने आता अत्यंत धक्कादायक वळण घेतले आहे. या प्रकरणातील मुख्य संशयित आरोपी निदा खानला छत्रपती संभाजीनगर येथून अटक करण्यात आल्यानंतर तपास यंत्रणांनी मोठी कारवाई सुरू केली आहे. याच प्रकरणात आता एमआयएम पक्षाच्या नगरसेवक मतीन पटेल यांचे नाव समोर आले असून त्यांना सहआरोपी करण्यात आले आहे. पोलिसांनी त्यांच्याविरोधात भारतीय न्याय संहितेच्या (BNS) कलम 249 अंतर्गत गुन्हा दाखल केला आहे.
सूत्रांकडून मिळालेल्या माहितीनुसार, नाशिक गुन्हे शाखेने मतीन पटेल यांना चौकशीसाठी ताब्यात घेतले असून या प्रकरणात आणखी धक्कादायक खुलासे होण्याची शक्यता व्यक्त केली जात आहे. विशेष म्हणजे, आरोपी निदा खान फरार असताना तब्बल 42 दिवस तिला आपल्या घरात आश्रय दिल्याचा गंभीर आरोप मतीन पटेल यांच्यावर करण्यात आला आहे.
प्रकरण नेमकं काय?
नाशिकमधील एका आयटी कंपनीत काम करणाऱ्या काही महिला कर्मचाऱ्यांनी लैंगिक छळ, मानसिक त्रास आणि जबरदस्ती धर्मांतराचा प्रयत्न झाल्याची तक्रार केली होती. या तक्रारीनंतर पोलिसांनी सखोल तपास सुरू केला. तपासादरम्यान निदा खानचे नाव समोर आले. त्यानंतर ती फरार झाली होती. अखेर गुप्त माहितीच्या आधारे पोलिसांनी छत्रपती संभाजीनगर येथे छापा टाकत निदा खान आणि तिच्या कुटुंबीयांना अटक केली.
Related News
भोंदूगिरी प्रकरणाला नाट्यमय वळण! पोलिस चौकशीत खरातचा आक्रमक अवतार
CNG Rate Hike 2026: महाराष्ट्रात CNG दरवाढीचा जबरदस्त धक्का! एका रात्रीत 1.50 रुपयांनी वाढले भाव
पोलीस बंदोबस्तात वृक्षतोड? उपसरपंचाच्या इशाऱ्याने प्रशासन सतर्क
तामिळनाडूच्या राजकारणात राज्यपाल ठरणार गेमचेंजर
TCS धर्मांतरण प्रकरणात मोठा खुलासा!
नांदेडमध्ये पोलिसांची मोठी कामगिरी; 4,796 घातक शस्त्रांसह आरोपी जेरबंद
पातूर हादरलं! १० वर्षीय चिमुकलीवरील अत्याचार प्रकरणातील आरोपी अखेर जेरबंद; १०५ पोलिसांच्या जंगल सर्च ऑपरेशनला मोठं यश
8th Pay Commission: सरकारी कर्मचाऱ्यांसाठी मोठी खुशखबर! 70 वर्षांची जुनी वेतन रचना बदलणार, पगारवाढीसह पदोन्नतीलाही सुपरफास्ट गती
फास्ट ट्रॅक कोर्ट की ‘स्लो ट्रॅक’ व्यवस्था? 3 वर्षांपासून न्यायाच्या प्रतीक्षेत पीडित कुटुंब; नसरापूर घटनेनंतर जळगाव प्रकरण पुन्हा चर्चेत
१० वर्षांपासून बेपत्ता अभिनेता विशाल ठक्कर; ५०० रुपये घेऊन घराबाहेर पडला अन् कायमचाच गायब!
बीडमध्ये धक्कादायक प्रकार! मृत बाळ 22 तास आईच्या पोटातच; खासगी रुग्णालयावर गंभीर आरोप
तपासात पुढे असेही समोर आले की, फरार असताना निदा खानला स्थानिक राजकीय पाठबळ मिळत होते. याच धाग्यावरून तपास करताना एमआयएम नगरसेवक मतीन पटेल यांचे नाव समोर आले.
42 दिवस घरात ठेवून मदत केल्याचा आरोप
पोलिस सूत्रांच्या माहितीनुसार, निदा खानला फरार असताना लपवून ठेवण्यासाठी मतीन पटेल यांनी मदत केली. तब्बल 42 दिवस तिला घरात आसरा देण्यात आल्याचे प्राथमिक तपासात उघड झाल्याची माहिती समोर आली आहे. यामुळे पोलिसांनी त्यांच्याविरोधात गुन्हा दाखल करत चौकशी सुरू केली आहे.
या प्रकरणात मतीन पटेल यांची भूमिका नेमकी काय होती? त्यांनी आरोपीला पळून जाण्यास मदत केली का? याबाबत गुन्हे शाखेकडून कसून चौकशी केली जात आहे.
मुलींचे अश्लील व्हिडीओ काढून ब्लॅकमेल?
या प्रकरणातील सर्वात धक्कादायक बाब म्हणजे मतीन पटेल यांच्यावर करण्यात आलेले गंभीर आरोप. तपास यंत्रणांच्या हाती काही प्राथमिक माहिती लागल्याचे सांगितले जात आहे. त्यानुसार, अनेक मुलींना प्रेमाच्या जाळ्यात ओढून त्यांचे खासगी आणि अश्लील व्हिडीओ मोबाईलमध्ये रेकॉर्ड केले जात होते.
यानंतर हे व्हिडीओ दाखवून संबंधित मुलींना ब्लॅकमेल करण्यात येत असल्याचा संशय व्यक्त केला जात आहे. काही मुलींना मानसिक दबाव टाकून संबंध ठेवण्यास भाग पाडले जात असल्याचाही आरोप समोर येत आहे.
पोलिसांकडून या सर्व आरोपांची पडताळणी सुरू असून मोबाईल फोन, डिजिटल डेटा आणि इतर इलेक्ट्रॉनिक पुरावे तपासले जात आहेत. सायबर तज्ज्ञांची मदत घेऊन डेटा रिकव्हरीचे काम सुरू असल्याची माहिती मिळत आहे.
‘लव्ह जिहाद’चा अँगलही तपासात?
या प्रकरणात तथाकथित ‘लव्ह जिहाद’चा मुद्दाही समोर येत असल्याने वातावरण आणखी तापले आहे. काही मुलींना प्रेमसंबंधांच्या माध्यमातून फसवले जात असल्याचा दावा करण्यात येत आहे. मात्र, पोलिसांनी अद्याप अधिकृतपणे याबाबत कोणतेही स्पष्ट विधान केलेले नाही.
तपास यंत्रणा सर्व बाजूंनी तपास करत असून कोणताही निष्कर्ष काढण्यापूर्वी पुरावे गोळा करण्यावर भर दिला जात आहे. समाजात तणाव निर्माण होणार नाही यासाठी पोलिस प्रशासन सतर्क असल्याचे सांगितले जात आहे.
राजकीय वर्तुळात खळबळ
एमआयएमच्या नगरसेवकाचे नाव या प्रकरणात समोर आल्यानंतर राजकीय वर्तुळातही मोठी खळबळ उडाली आहे. विरोधी पक्षांनी या प्रकरणावरून सरकार आणि संबंधित पक्षांवर निशाणा साधण्यास सुरुवात केली आहे. दुसरीकडे, एमआयएमकडून अद्याप अधिकृत भूमिका स्पष्ट करण्यात आलेली नाही.
दरम्यान, सामाजिक संघटनांनी या प्रकरणाची निष्पक्ष चौकशी करण्याची मागणी केली आहे. महिलांच्या सुरक्षिततेच्या मुद्द्यावरून संताप व्यक्त केला जात असून दोषींवर कठोर कारवाई व्हावी अशी मागणी जोर धरत आहे.
आणखी मोठे रॅकेट उघड होण्याची शक्यता
तपास अधिकाऱ्यांच्या मते, या प्रकरणामागे मोठे नेटवर्क असण्याची शक्यता नाकारता येत नाही. काही डिजिटल पुरावे आणि संपर्कांच्या आधारे आणखी काही व्यक्तींची नावे समोर येऊ शकतात. त्यामुळे येत्या काही दिवसांत या प्रकरणात आणखी धक्कादायक खुलासे होण्याची शक्यता व्यक्त केली जात आहे.
पोलिसांनी नागरिकांना अफवांवर विश्वास न ठेवण्याचे आवाहन केले असून अधिकृत माहितीवरच विश्वास ठेवावा असे सांगितले आहे.
