नवी दिल्ली : काँग्रेस नेते आणि वायनाड लोकसभा मतदारसंघाचे खासदार राहुल गांधी हे यंदाची लोकसभा निवडणूक उत्तर प्रदेशातील रायबरेलीमधून लढवणार आहेत. नेहरु-गांधी कुटुंबाचा बालेकिल्ला मानला जाणारा हा लोकसभा मतदारसंघ राहुल यांच्या ‘मातोश्री’ सोनिया गांधी यांनी सोडला होता. त्यानंतर राहुल गांधी येथून रिंगणार उतरणार असल्याचं पक्षातर्फे तीन मे रोजी जाहीर करण्यात आले.
२०१९ च्या लोकसभा निवडणुकीत केंद्रीय मंत्री स्मृती इराणी यांच्याकडून राहुल गांधींना गमवाव्या लागलेल्या अमेठी मतदारसंघातून गांधी कुटुंबाचे निष्ठावंत किशोरी लाल शर्मा यांना उमेदवारी देण्यात आली आहे.
काँग्रेसने दोन्ही जागांसाठी अर्ज भरण्याची शेवटची तारीख असलेल्या तीन मे रोजी उमेदवारांची नावे जाहीर केली. यामुळे उमेदवारांबद्दल आठवडाभरापासून चाललेल्या चर्चांना आता पूर्णविराम मिळाला आहे.
Related News
राहुल गांधींच्या ताफ्यात भीषण अपघात; 5 गाड्या आणि रुग्णवाहिकेची धडक, राहुल गांधी सुरक्षित
अमित शाह मानहानी प्रकरणात राहुल गांधींना दिलासा; 2018 पासून सुरू होता कायदेशीर लढा
राहुल गांधी यांनी गर्भवती महिला पत्रकाराला धक्का दिला? भाजपचा गंभीर आरोप
ज्ञानेश कुमार यांच्या राजीनाम्यावरून राहुल गांधी आक्रमक; मोदी सरकारला म्हणाले, “आम्हाला हेच हवंय!”
ज्ञानेश कुमार यांच्या राजीन्याची मागणी; INDIA आघाडीचा निवडणूक आयोगावर मोर्चा
Parth Pawar प्रकरणावर वडेट्टीवारांचा घणाघाती सवाल; ‘गरीबांवर कारवाई, मोठे मोकाट का?’
INDIA आघाडीत मोठी फूट? ममता बॅनर्जींची वेगळी चूल; कनिमोळींच्या भेटीने चर्चांना उधाण
UPI पेमेंटवर आता शुल्क? 15 ऑक्टोबरपासून काय बदलणार, ग्राहकांवर किती परिणाम होणार?
BRICS परिषदेत गैरहजेरीनंतर बांग्लादेशला भारताचा ‘दणका’? उच्चायुक्तांच्या नियुक्तीवर अद्याप निर्णय नाही
परंड्यात काँग्रेसला मोठा धक्का! माजी तालुकाध्यक्षांसह शेकडो कार्यकर्ते शिवसेनेत
OBC ना खुल्या प्रवर्गात टाकण्याचा प्रयत्न? नाना पटोलेंच्या आरोपाने राजकीय वर्तुळात खळबळ
संजय राऊतांवर तुरुंगात विषप्रयोग? म्हणाले- ‘टॉक्सिक टेस्ट करणार’
रायबरेली आणि अमेठी लोकसभा मतदारसंघात निवडणुकीच्या पाचव्या टप्प्यात म्हणजेच २० मे रोजी मतदान होणार आहे. राहुल गांधी यांनी २०१९ मध्ये जिंकलेल्या केरळच्या वायनाड मतदारसंघातून आधीच निवडणूक लढली आहे. वायनाडमध्ये २६ एप्रिल रोजी दुसऱ्या टप्प्यात मतदान झाले होते.
भारतीय जनता पक्षाने दोन मे रोजी उत्तर प्रदेशातील मंत्री दिनेश प्रताप सिंग यांना रायबरेलीमधून उमेदवार घोषित केले. २०१९ च्या लोकसभा निवडणुकीत त्यांना सोनिया गांधींकडून पराभवाची धूळ चारण्यात आली होती.
१९९९ पासून २०१९ च्या लोकसभा निवडणुकीपर्यंत सलग काँग्रेस अमेठी आणि रायबरेलीची जागा जिंकत आली होती, परंतु गेल्या वेळी राहुल गांधी यांचा केंद्रीय मंत्री स्मृती इराणी यांच्याकडून अमेठीत पराभव झाला. राहुल २००४ पासून अमेठीत जिंकत होते. भाजपने पुन्हा एकदा अमेठीतून इराणी यांना उमेदवारी दिली आहे.
२००४ पासून रायबरेलीची जागा राखत आलेल्या सोनिया गांधी यांनी २०२४ मध्ये लोकसभेच्या शर्यतीतून बाहेर पडण्याचा निर्णय घेतला आहे. उत्तर प्रदेशमध्ये काँग्रेस हा समाजवादी पक्षासोबत आघाडी करून लोकसभा निवडणूक लढवत आहे. काँग्रेसला यूपीमधून ८० पैकी १७ जागा मिळाल्या आहेत तर उर्वरित जागा समाजवादी पक्ष आणि इंडिया आघाडीतील इतर मित्र पक्षांमध्ये वाटल्या गेल्या आहेत. लोकसभा निवडणुकीच्या सातपैकी शेवटचा टप्पा १ जून रोजी होणार आहे. ४ जून रोजी निकाल जाहीर होणार आहेत.
