मुंबई : प्रमोद महाजन यांच्या कन्या आणि दोन टर्म खासदार पूनम महाजन यांचा पत्ता कापून उत्तर मध्य मुंबई लोकसभा मतदारसंघातून भाजपने यंदा ज्येष्ठ कायदेतज्ज्ञ अॅड. उज्ज्वल निकम यांना उमेदवारी जाहीर केली आहे. उमेदवारी अर्ज दाखल करण्याच्या शेवटच्या दिवशी निकम फॉर्म भरणार आहेत. मी राजकारणात प्रवेश केल्याबद्दल टीका करणाऱ्या लोकांना मनसे अध्यक्ष राज ठाकरे नक्की त्यांच्या शैलीत उत्तर देतील, असा विश्वास उज्ज्वल निकम यांनी व्यक्त केला.
अॅड. उज्ज्वल निकम काय म्हणाले?
माझ्या आयुष्यातील एक महत्त्वाचं स्थित्यंतर आज घडून येत आहे. श्रीगणेशा चरणी नतमस्तक होण्याकरता जात आहे. आशीर्वाद घेण्यासाठी जातोय. राजकारणात उतरल्या बरोबर अनेकांच्या भुवया उंचावल्या. अनाप शनाप बोलण्यात आलं. माझ्यावर संस्कृतीचा पगडा आहे, त्यामुळे मी त्या भाषेत बोलणार नाही. बेछूट, बेलगाम, खोट्या आरोपांना जनता उत्तर देईल, असा विश्वास उज्ज्वल निकम यांनी व्यक्त केला.
शक्तिप्रदर्शनासाठी कोणते नेते येणार याची कल्पना नाही. मात्र आमची महायुती आहे, यात भाजप, शिवसेना, राष्ट्रवादी काँग्रेस, मनसे नेते उपस्थित राहण्याची शक्यता निकम यांनी व्यक्त केली.राज ठाकरे यांची भेट घेतल्याबद्दलही निकमांनी उत्तर दिलं. “राज साहेबांचा स्पष्ट वक्तेपणा आणि जे आहे ते जनतेला भावतं. मी राजकारणात येतो असं म्हटल्यानंतर बोलणाऱ्या लोकांना राज ठाकरे नक्कीच त्यांच्या शैलीत उत्तर देतील, असा विश्वासही अॅड. उज्ज्वल निकम यांनी यावेळी बोलून दाखवला.
Related News
राऊतांच्या बेनामी गुंतवणुकीची चौकशी? भाजपचा मोठा दावा चर्चेत
कोलकात्यात टीएमसी कार्यालयावर बुलडोझर कारवाईचा आरोप; राजकीय वातावरण तापले
ममता बॅनर्जी यांना मोठा धक्का? सोशल मीडियावर निवडणूक निकालाचा खळबळजनक दावा व्हायरल
“धक्कादायक 5 राज्यांचे निकाल 2026: पश्चिम बंगालवरून रोहित पवारांचा स्फोटक आरोप, ‘91 लाख मतदार…’ राजकीय खळबळ”
“१ मोठं राजकीय विधान: बच्चू कडूंचा भव्य संकल्प – महाराष्ट्रभर ‘शिवसेना’ वाढवण्यासाठी दमदार मोहीम”
“बच्चू कडूंचा शिवसेनेत 1 मोठा धमाकेदार प्रवेश: महाराष्ट्र राजकारणात सकारात्मक भूकंप!”
“धमाकेदार 2026: वसंत मोरेंना मोठी जबाबदारी मिळाली – उद्धव ठाकरेंचा पुण्यातील मास्टरस्ट्रोक”
