कोरपना : पंचायत समिती कोरपना अंतर्गत बारावीची परीक्षा 10 फेब्रुवारी 2026 पासून सुरू होत असून परीक्षेच्या पार्श्वभूमीवर शिक्षण विभाग पूर्णपणे सज्ज झाला आहे. तालुक्यातील एकूण सहा परीक्षा केंद्रांवर 1525 विद्यार्थी परीक्षा देणार असल्याची माहिती प्रशासनाकडून देण्यात आली आहे. परीक्षा सुरळीत, पारदर्शक आणि कॉपीमुक्त वातावरणात पार पाडण्यासाठी आवश्यक त्या सर्व उपाययोजना करण्यात आल्या आहेत.
महाराष्ट्र राज्य माध्यमिक व उच्च माध्यमिक शिक्षण मंडळ, नागपूर विभागीय मंडळाच्या निर्देशानुसार यंदा प्रथमच सर्व परीक्षा केंद्रांच्या परिसरात तसेच प्रत्येक वर्गखोलीत सीसीटीव्ही कॅमेरे बसविण्यात आले आहेत. त्यामुळे परीक्षा प्रक्रियेवर बारकाईने लक्ष ठेवणे शक्य होणार असून गैरप्रकारांना आळा बसणार आहे. तालुक्यातील सर्व केंद्रांवर सीसीटीव्ही यंत्रणा बंधनकारक करण्यात आल्याने विद्यार्थ्यांसाठी सुरक्षित आणि शिस्तबद्ध वातावरण निर्माण होणार आहे.
यासोबतच प्रत्येक परीक्षा केंद्रावर बैठे पथकाचीही नियुक्ती करण्यात आली आहे. हे पथक परीक्षा सुरू असताना पूर्ण वेळ केंद्रांवर उपस्थित राहून देखरेख करणार आहे. कोणत्याही प्रकारचा गैरप्रकार होऊ नये, तसेच परीक्षा निर्विघ्न पार पडावी यासाठी प्रशासन विशेष दक्षता घेत आहे.
Related News
३० जूनपासूनच शाळा सुरू! हायकोर्टाचा ऐतिहासिक निर्णय, शिक्षण विभागाला मोठा झटका
विदर्भातील शाळा तब्बल 7 दिवस उशीरा सुरू; शिक्षण विभागाचा महत्त्वपूर्ण आणि दिलासादायक निर्णय
4 मोठे निर्णय! महाराष्ट्र सरकारचा ऐतिहासिक मास्टरस्ट्रोक; 13 विभागांची पुनर्रचना, प्रशासन होणार अधिक वेगवान
7,500 शिक्षकांचे मानधन रखडले! बारावी निकालासाठी रात्रंदिवस मेहनत, तरीही महिनाभर प्रतीक्षा
महाराष्ट्रातील 12 मोठ्या शहरांत ज्युनिअर कॉलेजांसाठी बायोमेट्रिक हजेरी सक्तीची; ७५% उपस्थिती नसल्यास परीक्षेला बंदी
ABHA Card अनिवार्य! शिक्षकांना मिळणार ५ लाखांचे जबरदस्त विमाकवच; शिक्षण विभागाचे तातडीचे आदेश
मुंबई महापालिकेचा ८० हजार कोटींचा अर्थसंकल्प उद्या सादर!
मुर्तीजापुरात बारावी परीक्षेला सुरुवात; इंग्रजीचा पहिला पेपर कॉपीमुक्त वातावरणात पार
बालविवाह मुक्त भारत संकल्प अभियानांतर्गत अकोटमध्ये महिला शिक्षिकांसाठी कायदेविषयक प्रशिक्षण कार्यशाळा
बुलढाण्यात शिक्षण व्यवस्थेची दयनीय अवस्था; 13 पैकी 11 तालुक्यांत गट शिक्षणाधिकारी पदे रिक्त
शालेय अभ्यासक्रमात ‘साप आणि वन्यजीव’ माहितीचा समावेश करा – वनिता बोराडे यांची शासनाकडे आग्रही मागणी
नाशिक जिल्ह्यातील मालेगाव तालुक्यातअसलेल्या डोंगराळेतील आमरण उपोषण संपुष्टात; शिक्षणमंत्री दादाजी भुसे यांनी दिले लेखी आश्वासन.
कॉपीमुक्त वातावरणात परीक्षा होण्यासाठी विद्यार्थ्यांना वेळोवेळी मार्गदर्शन करण्यात आले असून नियमांचे काटेकोर पालन करण्याचे आवाहन करण्यात आले आहे. विद्यार्थ्यांनी कोणत्याही प्रकारच्या अफवा किंवा गैरप्रकारांपासून दूर राहून आत्मविश्वासाने परीक्षा द्यावी, असेही प्रशासनाने स्पष्ट केले आहे.
याबाबत माहिती देताना पंचायत समिती कोरपनाचे गटशिक्षणाधिकारी तथा परिरक्षक कल्याण जोगदंड यांनी सांगितले की, “परीक्षा सुरळीत आणि पारदर्शक पद्धतीने पार पाडण्यासाठी सर्व यंत्रणा सज्ज असून विद्यार्थ्यांनी निर्धास्तपणे परीक्षा द्यावी.”
