बाळापूर तालुक्यातील वाडेगाव येथे निगूर्णा नदी पात्रात उभारण्यात आलेल्या कोल्हापूरी बंधाऱ्याचे एक गेट अज्ञात व्यक्तींनी फोडल्याची गंभीर घटना समोर आली आहे. या प्रकारामुळे बंधाऱ्यात साठवलेले पाणी मोठ्या प्रमाणात वाहून जात असून, परिसरातील नागरिक व शेतकरी वर्गात तीव्र संताप व्यक्त केला जात आहे. संबंधितांवर तात्काळ कठोर कारवाई करण्यात यावी, अशी जोरदार मागणी ग्रामस्थांकडून करण्यात येत आहे.
वाडेगाव व परिसरासाठी पाणीपुरवठा तसेच शेतीसाठी अत्यंत महत्त्वाचा असलेला हा कोल्हापूरी बंधारा पाटबंधारे विभागाकडून नियोजित वेळेत साफसफाई करून गेट बसविण्यात आला होता. सध्या बंधाऱ्यात जवळपास ९० टक्के पाणीसाठा अडविण्यात यश आले होते. मात्र, शुक्रवार दिनांक १० जानेवारी रोजी सकाळच्या सुमारास बंधाऱ्यातील एकूण २३ गेटपैकी एका गेटमधून अचानक मोठ्या प्रमाणात पाणी वाहून जात असल्याचे नागरिकांच्या निदर्शनास आले.
ही बाब लक्षात येताच वाडेगावचे सरपंच मेजर मंगेश तायडे, उपसरपंच राजेश्वर पळसकार, माजी उपसरपंच सुनील घाटोळ, ग्रामपंचायत सदस्य सुनील मानकर, डॉ. शेख चांद तसेच ग्रामपंचायत कर्मचारी यांनी तत्काळ घटनास्थळी धाव घेतली. त्यांनी कोल्हापूरी बंधाऱ्याची प्रत्यक्ष पाहणी करून परिस्थितीची माहिती संबंधित पाटबंधारे विभागाला दिली. तसेच बंधाऱ्यातून होणारी गळती तातडीने बंद करण्यात यावी, अशी मागणीही करण्यात आली.
Related News
अकोल्यात विवाहितेचा संशयास्पद मृत्यू; धमकीच्या फोननंतर घडली धक्कादायक घटना , 5 मिनिटांत संपलं आयुष्य!
पुढील 24 तास धोक्याचे! महाराष्ट्रात मुसळधार पावसाचा इशारा, ‘या’ जिल्ह्यांना रेड अलर्ट
SC-ST शेतकऱ्यांसाठी 90% अनुदान | 31 जुलैपर्यंत MahaDBT वर अर्ज करा | सूक्ष्म सिंचन विशेष मोहीम 2026
कारंजा लाड : 5 हद्दवाढ कॉलण्यांतील गंभीर समस्यांवर नागरिक आक्रमक, मुख्याधिकाऱ्यांना निवेदन;
अकोला-वाडेगाव रोडवर भीषण अपघात; महिलेचा जागीच मृत्यू, चार जण जखमी
खामगाव रोडवर भीषण अपघात; कारंजा रमजानपूर येथील व्यावसायिकाचा जागीच मृत्यू
धक्कादायक! अकोट आठवडी बाजारात घाणीचे साम्राज्य; 15 लाखांच्या ठेक्यानंतरही व्यापाऱ्यांचा संताप
नव्याने निवडून आलेल्या दोन नगरसेवकांच्या जात वैधतेवर आक्षेप; प्रकरण जात पडताळणी समितीकडे!
मान्सूनपूर्व 11 महत्त्वाचे अधिकार तहसीलदारांच्या हाती; ‘इन्सिडंट कमांडर’ म्हणून थेट कारवाई
वादळी वाऱ्याचा भीषण तडाखा: 5 गावांतील शेकडो कुटुंबांचे मोठे नुकसान, घरांवरील टीन उडाले; अनुदानाची तीव्र मागणी
सावरगाव ग्रामसभेत 10 गंभीर मुद्द्यांवर प्रचंड संताप; अपंग निधी, घरकुल आणि 15 व्या वित्त आयोगावर धक्कादायक प्रश्न
स्फोटक आरोप: हप्तेखोरीमुळे कारवाई शून्य? अन्नपुरवठा अधिकाऱ्यांवर नागरिक संतप्त
या बंधाऱ्यावर यापूर्वीही गेट तोडण्याचे किंवा नुकसान करण्याचे प्रकार घडल्याचे ग्रामस्थांचे म्हणणे आहे. वारंवार अशा घटना घडत असल्याने हा प्रकार केवळ अपघाती नसून मुद्दाम करण्यात आल्याचा संशय व्यक्त केला जात आहे. पाण्याचा अपव्यय होणे ही गंभीर बाब असून, याचा थेट फटका शेतकऱ्यांना बसत आहे. आगामी शेती हंगामाच्या दृष्टीने हा पाणीसाठा अत्यंत महत्त्वाचा असल्याने नागरिकांमध्ये तीव्र नाराजी पसरली आहे.
वाडेगाव व परिसरातील शेतकरी बांधवांसाठी हा कोल्हापूरी बंधारा वरदान ठरला असून, त्याच्या संरक्षणाकडे दुर्लक्ष झाल्यास भविष्यात पाण्याची गंभीर टंचाई निर्माण होण्याची शक्यता नाकारता येत नाही. त्यामुळे बंधाऱ्याच्या सुरक्षेसाठी ठोस उपाययोजना करण्यात याव्यात, तसेच दोषींवर कठोर कारवाई करण्यात यावी, अशी मागणी ग्रामस्थांकडून सातत्याने केली जात आहे.
या प्रकरणी ग्रामपंचायतीच्या वतीने लवकरच संबंधित पोलिस स्टेशनमध्ये तक्रार दाखल करण्यात येणार असल्याचे सरपंच मेजर मंगेश तायडे यांनी सांगितले. पाटबंधारे विभागानेही तातडीने दुरुस्तीची कामे हाती घेऊन पाण्याचा अपव्यय थांबवावा, अशी अपेक्षा नागरिकांकडून व्यक्त करण्यात येत आहे.
