खामगाव, प्रतिनिधी – खामगाव रेल्वे धक्का परिसरातून भारतीय अन्न महामंडळ (एफसीआय)च्या गोदामात तसेच सार्वजनिक वितरण प्रणालीअंतर्गत रेशन दुकानदारांकडे थेट होणाऱ्या गव्हाच्या वाहतुकीबाबत गंभीर आरोप समोर आले आहेत. रेल्वे रॅकमधून येणारा गहू भिजलेला, कुजलेला आणि निकृष्ट दर्जाचा असल्याचा दावा करत संबंधित धान्याचे वितरण तत्काळ थांबवून संयुक्त तपासणी (जॉईंट सॅम्पलिंग) करण्याची मागणी करण्यात आली आहे.
मिळालेल्या माहितीनुसार, खामगाव रेल्वे धक्क्यावर एफसीआयच्या माध्यमातून शासकीय धान्याची साठवणूक आणि पुढील वितरण प्रक्रिया पार पडते. या कामासाठी सिल्वर रोड लाईन्स या ट्रान्सपोर्ट कंपनीला उपजिल्हा पुरवठा अधिकाऱ्यांकडून एफसीआय गोदाम तसेच रेशन दुकानदारांपर्यंत धान्य वाहतुकीची परवानगी देण्यात आली आहे. मात्र, या प्रक्रियेत गंभीर अनियमितता होत असल्याचा आरोप स्थानिक तक्रारदारांनी केला आहे.
तक्रारदारांच्या म्हणण्यानुसार, रेल्वे रॅकमधून उतरवला जाणारा काही गहू पूर्णपणे ओलसर, खराब झालेला तसेच कुजलेल्या अवस्थेत असतो. असा धान्य मानवी सेवनासाठी अयोग्य असून तो थेट रेशन दुकानांपर्यंत पोहोचल्यास नागरिकांच्या आरोग्यावर गंभीर परिणाम होऊ शकतो, असा इशाराही देण्यात आला आहे.
Related News
सावधान! ड्रायव्हिंग करताना गाणं बदलणं ठरू शकतं जीवघेणं; रिसर्चमध्ये धक्कादायक खुलासा
Pune News : बावधनमध्ये खड्ड्यांचा कहर! पाण्याने भरलेल्या रस्त्यांतून वाहनचालकांची दमछाक
तुकाराम मुंढेंच्या FDAचा ‘हॉटेल चुल मटण’ला दणका; थेट परवाना निलंबित, नेमकं काय घडलं?
Shivsena Supreme Court Hearing : ‘राजकीय पक्ष वेगळा, विधीमंडळ पक्ष वेगळा’; सिब्बलांच्या युक्तिवादाने शिंदे गटाची कोंडी?
Mumbai Mayor Ritu Tawde : महापौरांच्या प्रसिद्धीसाठी 25 लाखांचा खर्च! रितू तावडेंनी दिलं स्पष्टीकरण, म्हणाल्या…
मोदींच्या मंत्रिमंडळात मोठा भूकंप? दोन डझनहून अधिक मंत्र्यांना धक्का, नव्या चेहऱ्यांना संधी
आमदारांना कार, ड्रायव्हर, इंधनासाठी दरमहा 75 हजार; मुख्यमंत्री विजयांचा मोठा निर्णय!
Abhijeet Deepke : अभिजीत दिपकेंच्या CJPवर जखमी आंदोलकांचा गंभीर आरोप; म्हणाले, ‘साधा फोनही आला नाही’
महापौरांच्या सोशल मीडिया प्रसिद्धीवरून ठाकरेसेना आक्रमक; किशोरी पेडणेकरांचा भाजपवर थेट निशाणा
केंद्रीय मंत्रिमंडळात मोठा फेरबदल? अर्ध्याहून अधिक मंत्र्यांची खाती बदलणार; शिंदेंचीही मोठी मागणी
Junnar Crime : जुन्नरच्या चिमुकलीच्या हत्येने महाराष्ट्र हादरला; रोहित पवारांचा सरकारवर थेट हल्लाबोल
तुकाराम मुंढे पुन्हा अॅक्शन मोडवर! मुंबईतील 6 मोठ्या खाद्य आस्थापनांवर FDAची कारवाई
या पार्श्वभूमीवर संबंधित गव्हाची कोणतीही तपासणी न करता थेट गोदामात किंवा रेशन दुकानदारांकडे पाठविण्यात येत असल्याचा आरोप करण्यात आला आहे. एफसीआयचे रेल्वे प्रतिनिधी, वखार विभागाचे अधिकारी तसेच संबंधित प्रशासकीय अधिकाऱ्यांच्या उपस्थितीत संयुक्त सॅम्पलिंग करूनच धान्याची गुणवत्ता निश्चित करावी, अशी मागणी निवेदनाद्वारे करण्यात आली आहे.
सध्याची प्रक्रिया नियमबाह्य असल्याचे नमूद करत तातडीने निकृष्ट गव्हाचे वितरण थांबवण्याची मागणीही करण्यात आली आहे. तसेच गहू खाण्यास योग्य आहे की नाही, याची अधिकृत प्रयोगशाळा तपासणी करूनच पुढील वाहतूक व वितरण करावे, असेही स्पष्ट करण्यात आले आहे.
या प्रकरणासंदर्भातील फोटो, व्हिडीओ आणि निवेदन संबंधित विभागांना पाठवण्यात आल्याची माहिती समोर आली आहे. दरम्यान, या गंभीर आरोपांवर प्रशासन कोणती भूमिका घेते आणि तपासणी करून दोषींवर कारवाई होते का, याकडे संपूर्ण परिसराचे लक्ष लागले आहे.
