मोठी बातमी! शरद पवार थेट मुख्यमंत्र्यांना भेटणार; दुष्काळग्रस्त शेतकऱ्यांच्या मागण्या मांडणार
महाराष्ट्रातील काही जिल्ह्यांमध्ये निर्माण झालेल्या दुष्काळसदृश परिस्थितीच्या पार्श्वभूमीवर ज्येष्ठ नेते शरद पवार यांनी दुष्काळग्रस्त शेतकऱ्यांच्या प्रश्नांवर राज्य सरकारकडे पाठपुरावा करण्याचे आश्वासन दिले आहे. पुरंदर दौऱ्यावर असताना शरद पवार यांनी स्थानिक शेतकऱ्यांच्या समस्या जाणून घेतल्या. यावेळी त्यांनी लवकरच मुख्यमंत्री देवेंद्र फडणवीस यांची भेट घेऊन दुष्काळग्रस्त तालुक्यांचा यादीत समावेश करण्यासह शेतकऱ्यांच्या विविध मागण्या त्यांच्यासमोर मांडणार असल्याचे सांगितले.
महाराष्ट्रातील काही भागांमध्ये पावसाअभावी आणि पिकांच्या नुकसानीमुळे शेतकऱ्यांसमोर गंभीर संकट निर्माण झाले असल्याचे शरद पवार यांनी म्हटले. काही तालुक्यांमध्ये अद्याप दुष्काळ जाहीर करण्यात आलेला नाही. पुरंदर तालुक्याचाही दुष्काळग्रस्त यादीत समावेश झालेला नसल्याने येथील शेतकऱ्यांमध्ये नाराजी असल्याचे त्यांनी नमूद केले.
शेतकऱ्यांशी संवाद साधताना शरद पवार म्हणाले की, महाराष्ट्रातील काही जिल्ह्यांमध्ये दुष्काळाची परिस्थिती अत्यंत गंभीर आहे. हे संकट मोठे असल्याने आपण राज्य सरकारशी या विषयावर चर्चा करत आहोत. काही तालुके अद्याप दुष्काळाच्या यादीतून वंचित आहेत. पुरंदरसारख्या तालुक्यांचा दुष्काळग्रस्त यादीत समावेश करणे आवश्यक आहे. यासाठी आपण स्वतः मुख्यमंत्री देवेंद्र फडणवीस यांची भेट घेणार असून, शेतकऱ्यांच्या समस्या त्यांच्यासमोर मांडणार असल्याचे त्यांनी स्पष्ट केले.
Related News
मोदींचा कॅप्टन स्मित मच्छार यांच्या कुटुंबीयांशी फोनवरून संवाद; शौर्याला केला सलाम
Parth Pawar प्रकरणावर वडेट्टीवारांचा घणाघाती सवाल; ‘गरीबांवर कारवाई, मोठे मोकाट का?’
No UPI Day Today 2 October : व्यापाऱ्यांचा डिजिटल व्यवहारांना विरोध, बाजारात जाताना कॅश ठेवा
‘कसले बाळासाहेबांच्या विचारांचे वारसदार?’; प्रदीप पूर्णेकर हत्या प्रकरणावरून संजय राऊत आक्रमक
अवैध सावकारीच्या तावडीतून शेतकऱ्याची 2 हेक्टर 2 आर जमीन मुक्त; जिल्हा निबंधकांचा आदेश
Flydubai हल्ल्याला नवा ट्विस्ट; इराणचा नेतान्याहू आणि UAEवर गंभीर आरोप
मुंबईतील आंदोलनापूर्वीच अभिजीत दिपकेंना मोठा दिलासा; CJP कार्यकर्त्यांसाठी वकिलाची मोठी घोषणा
Putin यांचे मोदींबाबत मोठे विधान; म्हणाले, ‘प्रत्येक भेटीत युक्रेन युद्धाचा मुद्दा मांडतात’
मनोज जरांगे पाटील यांचा सरकारला इशारा; ‘कितीही त्रास दिला तरी शरण येणार नाही’
सिंधुदुर्गात 900 कोटींच्या जमीन व्यवहाराचा आरोप; संजय राऊतांचा खळबळजनक दावा
12 ऑक्टोबरपर्यंत मदत द्या, अन्यथा समृद्धी महामार्ग रोखणार; रोहित पवारांचा सरकारला इशारा
बँक ग्राहकांसाठी मोठी बातमी! 28 ते 30 सप्टेंबरचा तीन दिवसीय संप अखेर रद्द
शेतातील पिके वाचवण्यासाठी सरकारकडे पाठपुरावा
सध्या शेतांमध्ये उभी असलेली पिके वाचवण्यासाठी तातडीने उपाययोजना करण्याची गरज असल्याचेही शरद पवार यांनी सांगितले. दुष्काळी परिस्थितीत शेतकऱ्यांना दिलासा देण्यासाठी सरकारने आवश्यक निर्णय घ्यावेत, यासाठी मुख्यमंत्र्यांकडे आग्रह धरणार असल्याचे त्यांनी स्पष्ट केले.
शरद पवार यांनी सांगितले की, दुष्काळाच्या प्रश्नावर त्यांनी यापूर्वीच मुख्यमंत्री देवेंद्र फडणवीस यांना पत्र दिले आहे. २७ सप्टेंबर रोजी मुख्यमंत्र्यांना पत्र देऊन दुष्काळासंदर्भातील विविध मागण्या करण्यात आल्या होत्या. सरकारने काही तालुके दुष्काळग्रस्त म्हणून जाहीर केले असले तरी काही तालुके अद्याप या यादीतून वंचित आहेत. या तालुक्यांचाही दुष्काळग्रस्त यादीत समावेश करण्याची मागणी करण्यात आली आहे.
गावागावात जाऊन माहिती घेत असल्याचे पवारांचे म्हणणे
दुष्काळाच्या परिस्थितीबाबत मुख्यमंत्री फडणवीस यांच्याशी यापूर्वी झालेल्या चर्चेचाही शरद पवार यांनी उल्लेख केला. दुष्काळाबाबत निर्णय घेताना नागरिकांच्या भावना आणि प्रत्यक्ष परिस्थिती समजून घेणे आवश्यक असल्याचे मुख्यमंत्र्यांनी सांगितल्याचे पवार म्हणाले.
आपणही गावागावात जाऊन शेतकऱ्यांशी संवाद साधत असून, प्रत्यक्ष परिस्थितीची माहिती घेत असल्याचे त्यांनी सांगितले. मुख्यमंत्री फडणवीस यांची लवकरच भेट घेऊन शेतकऱ्यांनी मांडलेले प्रश्न आणि मागण्या त्यांच्यासमोर ठेवण्यात येतील. या प्रश्नांवर मार्ग काढण्यासाठी पाठपुरावा केला जाईल, अशी ग्वाही शरद पवार यांनी शेतकऱ्यांना दिली.
मुख्यमंत्र्यांकडे करण्यात आलेल्या प्रमुख मागण्या
दुष्काळग्रस्त भागातील शेतकरी आणि नागरिकांना दिलासा देण्यासाठी विविध मागण्या करण्यात आल्या आहेत. त्यामध्ये पुढील मागण्यांचा समावेश आहे.
१) वंचित तालुके दुष्काळग्रस्त घोषित करण्याची मागणी :
राज्यात दुष्काळाच्या परिस्थितीतही दुष्काळग्रस्त म्हणून घोषित होण्यापासून वंचित राहिलेल्या तालुक्यांचा दुष्काळग्रस्त यादीत समावेश करण्यात यावा.
२) जमीन महसूल माफ करावा :
दुष्काळग्रस्त भागातील शेतकऱ्यांचा संपूर्ण जमीन महसूल माफ करण्यात यावा.
३) विविध प्रकारची कृषी कर्जे माफ करावीत :
कर्जमाफी झालेल्या तारखेनंतर आजपर्यंत शेती आणि शेतीशी संबंधित व्यवसायासाठी घेतलेली कर्जे माफ करण्याची मागणी करण्यात आली आहे. यामध्ये सहकारी बँका, राष्ट्रीयीकृत बँका, सहकारी अर्बन बँका आणि पतसंस्थांकडून घेतलेल्या कर्जांचा समावेश आहे. तसेच सामाजिक न्याय, अल्पसंख्याक आणि आदिवासी विभागाशी संबंधित वैयक्तिक कर्जे, फळबागांसाठी घेतलेली कर्जे तसेच महिला बचत गटांनी घेतलेल्या कर्जांनाही कर्जमाफीचा लाभ देण्याची मागणी करण्यात आली आहे.
४) कृषी पंपांची वीजबिले माफ करावीत :
दुष्काळग्रस्त शेतकऱ्यांच्या कृषी पंपांची सर्व वीजबिले माफ करण्यात यावीत, अशी मागणी करण्यात आली आहे.
५) विद्यार्थ्यांची फी माफ करावी :
दुष्काळग्रस्त भागातील शालेय आणि महाविद्यालयीन विद्यार्थ्यांची शैक्षणिक फी तसेच वसतिगृहात राहणाऱ्या विद्यार्थ्यांची वसतिगृह आणि मेस फी माफ करण्यात यावी.
६) रोजगार हमीची कामे तातडीने सुरू करावीत :
रोजगार हमी योजनेतील सध्याचे निकष शिथिल करून, मागणी असलेल्या ठिकाणी तीन किलोमीटरच्या परिसरात तातडीने रोजगाराची कामे सुरू करण्यात यावीत.
७) पिण्याच्या पाण्यासाठी टँकर मंजुरीचे अधिकार तहसीलदारांना द्यावेत :
दुष्काळग्रस्त भागातील नागरिक आणि जनावरांसाठी पिण्याच्या पाण्याची व्यवस्था करण्यासाठी टँकर मंजूर करण्याचे अधिकार तहसीलदारांना देण्यात यावेत आणि त्यावर तातडीने कार्यवाही करावी.
८) कृषी पंपांची वीज खंडित करू नये :
टंचाईग्रस्त म्हणून जाहीर करण्यात आलेल्या गावांतील शेतकऱ्यांच्या कृषी पंपांची वीज खंडित करू नये. तसेच दुष्काळग्रस्त भागात कोणत्याही प्रकारचे लोडशेडिंग करण्यात येऊ नये, अशीही मागणी करण्यात आली आहे.
दरम्यान, पुरंदर दौऱ्यात शेतकऱ्यांच्या समस्या जाणून घेतल्यानंतर शरद पवार यांनी या प्रश्नांवर मुख्यमंत्री देवेंद्र फडणवीस यांची भेट घेऊन चर्चा करण्याचे आश्वासन दिले आहे. त्यामुळे आगामी काळात दुष्काळग्रस्त तालुक्यांचा यादीत समावेश, शेतकऱ्यांना आर्थिक मदत, कर्जमाफी, वीजबिल माफी आणि पाणीपुरवठ्यासंदर्भात सरकारकडून कोणते निर्णय घेतले जातात, याकडे शेतकऱ्यांचे लक्ष लागले आहे.
Read Also : https://ajinkyabharat.com/sanjay-raut-11/
