पुणे : बारामतीचा विकास नेमका केला कोणी हे सांगताना पवार कुटुंबात वाकयुद्ध रंगलं आहे. संस्था कोणी काढल्या, कंपन्या कोणी आणल्या ते सांगण्याचा प्रयत्न दोन्ही बाजूनं अगदी जोरकसपणे सुरू आहे. शरद पवारांच्या बाजूनं त्यांचे नातू रोहित पवार खिंड लढवत आहेत. तर अजित पवार पुतण्या रोहितला उत्तर देत शरद पवारांवर अप्रत्यक्षपणे टीका करत आहेत. रोहित पवारांचं शिक्षण कुठे झालं, याचा मुद्दा अजित पवारांनी रविवारी एका भाषणात उपस्थित केला. आता त्यावरुन काका, पुतण्यात चांगलीच जुंपली आहे. त्यामुळे बारामतीतलं वातावरण तापलं आहे.
अजित पवारांनी रोहित यांच्या शिक्षणाचा विषय रविवारच्या भाषणात काढला. ‘काहीजण वालचंदनगरला शिकत होते, कारण सरळ आहे. त्यावेळी फक्त वालचंदनगरलाच चांगलं शिक्षण मिळत होतं बारामतीत मिळत नव्हतं,’ असं म्हणत अजित पवारांनी रोहित पवारांना उत्तर दिलं. शरद पवारांनी विद्या प्रतिष्ठान काढली हा मुद्दा अजित पवारांनी खोडून काढण्याचा प्रयत्न केला.
काका अजित पवारांच्या टिकेला आता रोहित पवारांनी उत्तर दिलं आहे. ‘मी किती शिकलोय, काय शिकलोय, याच्याशी काय घेणं देणं आहे? मी बारामती, वालचंदनगर, मुंबई या ठिकाणी शिकलो. मी ग्रॅज्युएट आहे. मला डबल ग्रॅज्युएट व्हायचं होतं. मात्र मला होता आलं नाही. कारण माझ्या वडिलांच्या व्यवसायात अडचणी आल्या होत्या. वडील अडचणीत असताना वडिलांबरोबर राहणं, ही आपली परंपरा आहे,’ असं म्हणत रोहित यांनी काकांना प्रत्युत्तर दिलं.
Related News
मोठी बातमी! शरद पवार मुख्यमंत्र्यांची भेट घेणार; दुष्काळग्रस्त शेतकऱ्यांच्या मागण्या मांडणार
12 ऑक्टोबरपर्यंत मदत द्या, अन्यथा समृद्धी महामार्ग रोखणार; रोहित पवारांचा सरकारला इशारा
ज्ञानेश कुमारांमुळेच शिंदे-अजितदादा जिंकले; संजय राऊतांचा गंभीर आरोप
शेतात मेटल डिटेक्टर लावल्यावरून Rohit Pawar आक्रमक; मुख्यमंत्र्यांवर साधला निशाणा
‘कर्नाटकात जे होऊ शकतं, ते महाराष्ट्रात का नाही?’ रोहित पवारांचा सरकारला सवाल
Lalbaugcha Raja 2026 : लालबागच्या राजाच्या दर्शनासाठी तुफान गर्दी; मुखदर्शनाची रांग 10 किलोमीटरपार
Salian विरुद्ध ठाकरे वाद चिघळला; 7 दिवसांची मुदत, 500 कोटींच्या मानहानीची नोटीस
अजितदादांच्या आठवणीने सुनेत्रा पवार भावूक; भरसभेत डोळ्यांत अश्रू
135 कोटींच्या कथित बँक फसवणूक प्रकरणात ED ची मोठी कारवाई; मुंबई-छत्रपती संभाजीनगरमध्ये 6 ठिकाणी छापे
चांदीवाल आयोगाचा अहवाल सार्वजनिक करा; रोहित पवारांचे मुख्यमंत्री फडणवीसांना थेट आव्हान
INDIA आघाडीत मोठी फूट? ममता बॅनर्जींची वेगळी चूल; कनिमोळींच्या भेटीने चर्चांना उधाण
राष्ट्रवादीचं मेगा प्लॅनिंग! सुनेत्रा पवारांचं होणार ‘रिलाँचिंग’; ‘आपल्या वहिनी आहेत ना!’ कॅम्पेनची चर्चा
परदेशी जाऊन शिकण्याची माझी इच्छा होती. माझे दोन भाऊ जय आणि पार्थ हे भारताच्या बाहेर शिकले, याचा मला आनंद आहे. कितीही शिकलं, पण आपल्याला आपले विचारच जगता आले नाही तर काय उपयोग? असा सवाल करत रोहित पवारांनी काकांना टोला लगावला. मी आजी, आजोबांचा, वडिलांचा विचार जपत असल्याचं म्हणत त्यांनी अजित पवारांना सुनावलं.बारामती तालुक्यातील देऊळगाव रसाळ या ठिकाणी त्यांनी माध्यमांशी संवाद साधला. यावेळी ते बोलत होते.
