भारत-अमेरिका मोठा संरक्षण करार: नौदलाच्या MH-60R हेलिकॉप्टर ताफ्यासाठी 7,995 कोटींचा सपोर्ट डील
भारत आणि अमेरिका यांच्यात संरक्षण सहकार्याला आणखी एक मोठा बळकटी देणारा करार करण्यात आला आहे. भारतीय नौदलाच्या 24 अत्याधुनिक ‘MH-60R सीहॉक’ हेलिकॉप्टर ताफ्यासाठी पाच वर्षांच्या सतत सहाय्य व देखभाल (Follow-on Support) साठी सुमारे 7,995 कोटी रुपयांचा महत्त्वपूर्ण करार करण्यात आला आहे, अशी माहिती संरक्षण मंत्रालयाने दिली आहे.
हा करार अमेरिकेच्या Foreign Military Sales (FMS) कार्यक्रमांतर्गत Letter of Offer and Acceptance (LOA) च्या माध्यमातून करण्यात आला असून, लॉकहीड मार्टिन कंपनीद्वारे उत्पादित MH-60R हेलिकॉप्टरांसाठी आवश्यक स्पेअर पार्ट्स, उपकरणे, तांत्रिक सपोर्ट, प्रशिक्षण, दुरुस्ती व देखभाल सुविधा या सर्व बाबींचा यात समावेश आहे.
सर्व हवामानात कार्यक्षम MH-60R
MH-60R हे ‘ब्लॅकहॉक’ हेलिकॉप्टरचे समुद्री स्वरूप असून, ते सर्व हवामानात कार्य करण्यास सक्षम आहे. यामध्ये
Related News
3 देशांनी ब्रह्मोससाठी रांग लावली; मोठ्या मुस्लिम देशासोबत 200 मिलियन डॉलरचा दमदार करार
जागतिक एअर पॉवर रँकिंगमध्ये भारतीय हवाई दल 6व्या स्थानी, चीनला मागे टाकलं ; अभिमानास्पद कामगिरी!
3 व्यापारी जहाजांवरील हल्ल्यानंतर अमेरिकेचा प्रचंड पलटवार, इराणमधील 80 ठिकाणांवर बॉम्बफेक
होर्मुज खाडीत तणावाचा स्फोट; गुजरातकडे येणाऱ्या एलपीजी जहाजावर भीषण हल्ला ! 4 भारतीय सुरक्षित
धक्कादायक ७० हजारांची घरफोडी! विठ्ठलवाडीत सोन्याचे दागिने आणि दुचाकी चोरी; पोलिसांसमोर मोठे आव्हान
युद्ध संपले तरी हॉर्मुझमध्ये तेलवाहू टँकरवर हल्ला, जागतिक तणाव पुन्हा वाढला
फिजी-ऑस्ट्रेलिया संरक्षण करारामुळे चीनला मोठा धक्का ; मोदींच्या दौऱ्यापूर्वी भारतासाठी 7 मोठे फायदे!
अग्निवीरांसाठी मोठी खुशखबर! 25% पेक्षा अधिक जवान कायम होण्याची शक्यता, नवा प्रस्ताव चर्चेत
धक्कादायक! ISI च्या 4 वर्षांच्या गुप्त आर्थिक जाळ्याचा पर्दाफाश; महाराष्ट्रातून संशयित फंडिंग एजंट अटकेत
अमेरिकन नौदलाला मोठा धक्का! अरबी समुद्रात MH-60S हेलिकॉप्टर कोसळले, 1 जवान बेपत्ता
Su-57E स्टेल्थ फायटर जेटमुळे बदलू शकतात आशियातील सामरिक समीकरण ; रशियाची भारताला धडाकेबाज ऑफर!
AMCA Project संकट: GE इंजिनच्या किमतीत 200% वाढ, भारताचा 5th Gen Fighter Mega Dream अडचणीत
Anti-Submarine Warfare (ASW)
Anti-Surface Warfare (ASuW)
अशा प्रगत युद्ध क्षमतांचा समावेश आहे. शत्रूच्या पाणबुड्यांचा शोध घेणे, सागरी गस्त, लक्ष्य शोध व हल्ले करणे अशा अनेक मोहिमांमध्ये हे हेलिकॉप्टर महत्त्वाची भूमिका बजावते.
आधीही झाला होता मोठा करार
फेब्रुवारी 2020 मध्ये भारताने 24 MH-60R हेलिकॉप्टर खरेदीसाठी 15,157 कोटी रुपयांचा मूळ करार केला होता. त्यातील पहिले तीन हेलिकॉप्टर 2021 मध्ये भारतीय नौदलाकडे सुपूर्द करण्यात आले होते. संपूर्ण ताफ्याची INAS 334 स्क्वाड्रन म्हणून मार्च 2024 मध्ये कोच्ची येथील INS गरुड येथे तैनाती पूर्ण झाली.
‘आत्मनिर्भर भारत’ला चालना
संरक्षण मंत्रालयानुसार, हा नवीन सपोर्ट करार दीर्घकालीन क्षमता विकास सुनिश्चित करेल तसेच अमेरिकेवरील थेट अवलंबित्व कमी करेल. हा करार ‘आत्मनिर्भर भारत’ उपक्रमाशी सुसंगत असून, यामधून भारतीय MSME कंपन्या व देशांतर्गत उद्योगांना मोठी संधी मिळणार आहे.
भारतामध्येच मध्यम पातळीवरील सुटे भाग दुरुस्ती व कालावधी देखभाल सुविधा विकसित करण्याचा समावेश या करारात आहे. त्यामुळे स्थानिक उत्पादन, सेवा विकास व रोजगाराला चालना मिळणार आहे.
नौदलाच्या ताकदीत वाढ
या करारामुळे भारतीय नौदलाला हेलिकॉप्टर विविध ठिकाणी व नौदलाच्या जहाजांवरून अधिक प्रभावीपणे चालवण्याची क्षमता मिळणार आहे. प्राथमिक तसेच दुय्यम मोहिमांमध्ये उत्कृष्ट कामगिरी सुनिश्चित करता येणार आहे.
हा करार भारत-अमेरिका संरक्षण भागीदारी अधिक मजबूत करणारा ठरेल तसेच हिंद महासागर क्षेत्रातील सागरी सुरक्षा बळकट करण्यात महत्त्वाची भूमिका बजावेल, असा विश्वास संरक्षण मंत्रालयाने व्यक्त केला आहे.
read also : https://ajinkyabharat.com/push-urgent-update-on-airbus-a320-aircraft/
