तालुक्यात विविध शैक्षणिक व आरोग्यविषयक उपक्रमांमध्ये आघाडीवर असलेल्या पीएम श्री जि.प. वरिष्ठ प्राथमिक शाळा, वाडेगाव येथे दि. ११ व १२ फेब्रुवारी रोजी दोन दिवसीय भव्य मोफत दंतचिकित्सा शिबिराचे यशस्वी आयोजन करण्यात आले. या शिबिरात शाळेतील विद्यार्थ्यांसह शिक्षकांनी मोठ्या उत्साहाने सहभाग नोंदवून आपल्या दातांची तपासणी करून घेतली. तपासणीनंतर काही विद्यार्थ्यांना आवश्यक ती औषधेही देण्यात आली.
वाडेगाव येथील ‘एकदंत मल्टी स्पेशालिटी डेंटल क्लिनिक’च्या वतीने हे शिबिर आयोजित करण्यात आले होते. शिबिराच्या वेळी शाळेचे उच्च श्रेणी मुख्याध्यापक समाधान सोर यांच्या प्रमुख उपस्थितीत कार्यक्रम पार पडला. प्रसिद्ध दंतचिकित्सक डॉ. सायली आसोलकर यांनी नर्सरी ते इयत्ता आठवीपर्यंतच्या सर्व विद्यार्थ्यांची काळजीपूर्वक तपासणी केली. तसेच विद्यार्थ्यांना दातांची योग्य स्वच्छता कशी राखावी, नियमित ब्रश करण्याचे महत्त्व आणि दंतआरोग्याविषयी आवश्यक मार्गदर्शनही केले.
शाळेतील सर्व शिक्षकांनी आपल्या वर्गातील विद्यार्थ्यांना तपासणीसाठी प्रोत्साहित करून शिबिराला उत्कृष्ट प्रतिसाद मिळवून दिला. या उपक्रमामुळे विद्यार्थ्यांमध्ये दंतआरोग्याबाबत जागरूकता निर्माण झाली असून, भविष्यात अशा आरोग्यविषयक शिबिरांचे आयोजन करण्याची गरज व्यक्त करण्यात आली.
Related News
डॉ. राठोड महाविद्यालयात मशरूम लागवडीचे प्रशिक्षण संपन्न
मुदत संपलेल्या ग्रामपंचायतींवर प्रशासकांची नियुक्ती
गाडेगाव ग्रामपंचायतीतील विकासकामांची सीईओ अनिता मेश्राम यांच्याकडून पाहणी
लोहारी खुर्द येथे त्रिदिवसीय प्रजासत्ताक सोहळा उत्साहात संपन्न
भारत मुक्ती मोर्चाचे जिल्हाधिकारी कार्यालयासमोर धरणे आंदोलन राष्ट्रपतींना निवेदन सादर
जिल्हा परिषद प्राथमिक शाळा कळंबा खुर्द येथे आनंद मेळावा उत्साहात साजरा
जय बजरंग विद्यालय चान्नी येथे स्काऊट-गाईड मेळावा संपन्न
कोल्हापूरी बंधाऱ्याचे गेट फोडले; मोठ्या प्रमाणात पाण्याचा विसर्ग, नागरिकांमध्ये तीव्र संताप
पशुवैद्यकीय विभाग झाला जागा; त्वचा रोगग्रस्त कुत्र्यांचा प्रश्न मात्र कायम
यावेळी शाळा व्यवस्थापन समितीच्या अध्यक्षा भाग्यश्री हिराळकर तसेच समितीचे सर्व सदस्य उपस्थित होते. शिबिराच्या यशस्वी आयोजनाबद्दल पालक व ग्रामस्थांकडून समाधान व्यक्त करण्यात आले. अशा उपक्रमांमुळे विद्यार्थ्यांचे आरोग्य सुधारण्यास मदत होत असून, शाळेच्या सर्वांगीण विकासाला चालना मिळत आहे.
