बुलढाणा जिल्ह्यातील जळगाव जामोद येथे एका भीषण अपघाताच्या नावाखाली दडलेला खुनाचा कट पोलिसांनी उघडकीस आणला आहे. किरकोळ अपघात वाटणारी घटना प्रत्यक्षात १ लाख रुपयांची सुपारी देऊन घडवून आणलेला खून असल्याचे तपासात स्पष्ट झाले. जळगाव जामोद पोलिसांच्या तपासामुळे या प्रकरणातील तिन्ही आरोपींना अटक करण्यात आली आहे.
२ मार्च २०२६ रोजी सकाळी सुमारे पावणे सातच्या सुमारास कवठळ गावाजवळ पांढऱ्या रंगाच्या ‘टाटा इंट्रा’ गाडीने वृषाली प्रकाश गावंडे यांच्या दुचाकीला जोरदार धडक दिली होती. या धडकेत वृषाली गावंडे यांचा जागीच मृत्यू झाला. सुरुवातीला हा अपघात असल्याचे वाटत होते, मात्र पोलिसांनी तांत्रिक तपास सुरू केल्यानंतर या घटनेमागील धक्कादायक सत्य समोर आले.
ठाणेदार नितीन पाटील यांच्या मार्गदर्शनाखाली महिला पोलीस उपनिरीक्षक स्नेहा शेडगे यांनी या प्रकरणाचा तपास हाती घेतला. घटनास्थळाजवळील सीसीटीव्ही फुटेज आणि गोपनीय माहितीदारांच्या मदतीने तपास करताना संशयाची सुई पांढऱ्या रंगाच्या टाटा इंट्रा (MH 28 BB 5753) गाडीकडे वळली. तपासादरम्यान ही गाडी शेगाव येथील मनीष नारायणसिंग सुर्यवंशी याची असल्याचे समोर आले. पोलिसांनी त्याला ताब्यात घेऊन कसून चौकशी केली असता त्याने खुनाच्या कटाची कबुली दिली.
Related News
मोठी बातमी! संतोष देशमुख हत्या प्रकरणातील आरोपी 14 महिन्यांनंतर काही तासांसाठी जेलबाहेर
भिवंडीमध्ये दत्तक मुलीवर अमानुष अत्याचार; ‘मम्मा’ म्हटल्याच्या रागातून सावत्र आईने डोळ्यात मिरची पूड टाकली
अकोल्यातील गंभीर खून प्रकरण: महिलेचा गळा आवळून हत्या, पोलिसांनी तात्काळ आरोपीला अटक
नागपुरात भरचौकात रक्तरंजित हत्या : पती-पत्नीने लोकांसमोरच प्रियकरावर सपासप वार करून केली हत्या, नागरिक मात्र व्हिडिओ काढण्यात व्यस्त
Nagpur News : पिचकारीचा राग, आजीकडून नातवावर उकळते पाणी; नागपुरात चार वर्षांचा चिमुकला ४५ टक्के भाजला
Mumbai Police Recruitment : पोलिस होण्याऐवजी झाले चोर! भरतीतील धावण्याच्या चाचणीत उमेदवारांची चलाखी; सीसीटीव्हीमुळे भांडाफोड
Pune Crime : 1 धक्कादायक VIDEO! ‘माझ्या मुलीला त्रास का देतोस?’ संतापलेल्या वडिलांनी कॉलेजमध्ये टवाळखोराला दिला धडा
मुर्तीजापुरात मुलं पळवणारी टोळी सक्रिय? संशयित महिलेला नागरिकांनी पकडून पोलिसांच्या ताब्यात दिले
Raigad Crime : धक्कादायक उघड – 6 महिन्यांत संसाराचा अंत, बेपत्ता निकीताचा मृतदेह सापडला; पती अटकेत
Buldhana Crime : 20 वर्षीय विवाहितेची धक्कादायक आत्महत्या; हुंडा छळामुळे संपलं आयुष्य – 5 मोठे धागेदोरे
Nashik Crime : धक्कादायक प्रकरण! नोकरीच्या आमिषाने विवाहितेची विक्री, बळजबरीने लग्न – 7 मोठे खुलासे
Bhandup Crime: धक्कादायक! 8 वीतील मित्रांनीच केली निर्दयी हत्या, तलावात फेकून पुरावा लपवण्याचा प्रयत्न – 5 मोठे धक्कादायक खुलासे
तपासात समोर आले की, मृत वृषाली गावंडे यांचे पती प्रकाश अनंता गावंडे आणि त्याचा साथीदार मंगेश चुलकार (रा. पातुर्डा) यांनी मिळून हा कट रचला होता. यापूर्वी वृषाली यांना अन्नातून विष देऊन मारण्याचा तीन वेळा प्रयत्न करण्यात आला होता, मात्र तो अयशस्वी ठरला. अखेर आरोपींनी मनीष सुर्यवंशी याला १ लाख रुपयांची सुपारी देऊन गाडीने उडवून खून करण्याचा कट रचला.
ठरल्याप्रमाणे २ मार्च रोजी सकाळी मनीषने वृषाली यांच्या दुचाकीचा पाठलाग केला आणि गाडीने मागून धडक देत त्यांना खाली पाडले. या धडकेत वृषाली यांचा जागीच मृत्यू झाला.
या प्रकरणात वाहन चालक मनीष नारायणसिंग सुर्यवंशी, मध्यस्थ मंगेश चुलकार आणि मृत महिलेचे पती प्रकाश अनंता गावंडे या तिघांना पोलिसांनी अटक केली आहे. त्यांच्याविरुद्ध भारतीय न्याय संहिता (BNS) कलम १०३(१), ६१(१) आणि ३(५) अंतर्गत गुन्हा दाखल करण्यात आला असून न्यायालयाने आरोपींना तीन दिवसांची पोलीस कोठडी सुनावली आहे.
या प्रकरणाचा पुढील तपास जळगाव जामोद पोलीस करत आहेत.
