Rohit Pawar चा मुख्यमंत्र्यांवर निशाणा; ‘भाकरी पिकवणारा शेतकरी आता शेतात बॉम्बही पिकवायला लागला का?’
दुष्काळी पाहणी दौऱ्यातील सुरक्षा व्यवस्थेवरून Rohit Pawarची टीका; शेतकऱ्यांना हेक्टरी ५० हजार, तर शेतमजुरांना २५ हजार रुपयांच्या मदतीची मागणी
Rohit Pawar : राज्यातील अनेक भागांमध्ये पावसाने दडी मारल्याने खरीप हंगामातील पिकांचे मोठ्या प्रमाणात नुकसान झाले आहे. मराठवाड्यासह राज्यातील काही जिल्ह्यांमध्ये दुष्काळसदृश परिस्थिती निर्माण झाली असून शेतकरी आणि शेतमजूर आर्थिक संकटात सापडले आहेत. या पार्श्वभूमीवर मुख्यमंत्री देवेंद्र फडणवीस यांनी मराठवाड्यातील लातूर, धाराशिव आणि पश्चिम महाराष्ट्रातील सोलापूर जिल्ह्यातील परिस्थितीची पाहणी केली. मात्र, या दौऱ्यातील सुरक्षा व्यवस्था आणि स्थानिक पातळीवरील नियोजनावरून शरदचंद्र पवार राष्ट्रवादी काँग्रेस पक्षाचे आमदार रोहित पवार यांनी मुख्यमंत्र्यांवर निशाणा साधला आहे.
Rohit Pawar यांनी छत्रपती संभाजीनगर आणि जालना जिल्ह्यातील पीक परिस्थितीची पाहणी केली. त्यानंतर बीड जिल्ह्यात त्यांनी शेतकऱ्यांशी संवाद साधला. या दौऱ्यात शेतकऱ्यांच्या समस्या जाणून घेतल्यानंतर त्यांनी सरकारकडे तातडीने आर्थिक मदतीसह विविध मागण्या केल्या.
Related News
शेतकऱ्यांना मोठा दिलासा! वाशिममध्ये मुख्यमंत्र्यांची कर्जमाफीबाबत मोठी घोषणा
ज्ञानेश कुमारांमुळेच शिंदे-अजितदादा जिंकले; संजय राऊतांचा गंभीर आरोप
जिमला जायला वेळ नाही? बेली फॅट कमी करण्यासाठी रोज करा ‘या’ 5 गोष्टी
सणासुदीत मोठी खुशखबर! खाद्यतेलावरील आयात शुल्कात केंद्राची मोठी कपात
Petrol Diesel Price: कच्चे तेल 100 डॉलरपार; पेट्रोल-डिझेलच्या दरांबाबत सरकारचा मोठा निर्णय
2 ऑक्टोबरला ‘नो UPI डे’; MDR शुल्काविरोधात व्यापारी संघटना आक्रमक
ज्ञानेश कुमारांचा ‘खापर पणजोबा’ कुठून आला? संजय राऊतांचा संतप्त सवाल; महाभियोगाची घोषणा
निवडणूक आयोगातील ‘14 आक्षेप’ समोर येताच Raj Thackeray आक्रमक; म्हणाले, ‘कर्ताकरविता कोण?’
ज्याची भीती होती, तेच घडलं! भारताच्या मालवाहू जहाजावर भीषण हल्ला; 1 भारतीय खलाशाचा मृत्यू
शेतकऱ्यांसाठी मोठी बातमी! तीन दिवसांत दुष्काळाची अधिसूचना; मुख्यमंत्री फडणवीसांची मोठी घोषणा
MPSC विद्यार्थ्यांसाठी फडणवीसांची मोठी घोषणा; जुन्या ऑब्जेक्टिव्ह पॅटर्नबाबत म्हणाले…
रस्त्याच्या कडेला सहज दिसते ही वनस्पती; आयुर्वेदात मानला जातो तिचा पारंपरिक उपयोग, नाव काय?
‘शेतकरी शेतात बॉम्ब पिकवतोय का?’
मुख्यमंत्री देवेंद्र फडणवीस यांच्या दुष्काळी पाहणी दौऱ्यादरम्यान शेतांमध्ये मेटल डिटेक्टरचा वापर करण्यात आल्याचा मुद्दा उपस्थित करत रोहित पवार यांनी सरकारवर टीका केली.
“मुख्यमंत्री महोदय, भाकरी पिकवणारा शेतकरी आता शेतात बॉम्बही पिकवायला लागला का? म्हणून शेतातही मेटल डिटेक्टर लावण्याची वेळ या सरकारवर आली,” असा सवाल रोहित पवार यांनी केला.
शेतकऱ्यांच्या भेटीसाठी येताना एवढ्या मोठ्या प्रमाणात सुरक्षा व्यवस्था का करण्यात आली, असा प्रश्नही त्यांनी उपस्थित केला. “देशात प्रथमच असं चित्र महाराष्ट्रात दिसतंय. हा बळीराजाचा आणि गरीबांचा अवमान आहे,” असा आरोप रोहित पवार यांनी केला.
सरकारला सुरक्षा यंत्रणेद्वारे काही ‘डिटेक्ट’ करायचेच असेल तर अडचणीत असलेल्या शेतकरी आणि शेतमजुरांच्या भावना डिटेक्ट कराव्यात, असेही त्यांनी म्हटले. त्यासाठी शेतकऱ्यांना हेक्टरी ५० हजार रुपये, तर शेतमजुरांना प्रतिकुटुंब २५ हजार रुपये मदत देण्याची मागणी त्यांनी केली.
शेतात टेबल लावून जळालेल्या पिकांची पाहणी?
मुख्यमंत्र्यांच्या दौऱ्याच्या नियोजनावरही रोहित पवार यांनी प्रश्न उपस्थित केले. दुष्काळाची पाहणी शेतात जाऊन करणे अपेक्षित असताना काही ठिकाणी स्थानिक नेत्यांनी शेतात टेबल लावून जळालेली पिके त्यावर मांडल्याचा दावा त्यांनी केला.
“मुख्यमंत्री महोदयांनी सुरुवातीला शेतात जाऊन पाहणी केली. मात्र, एका ठिकाणी त्यांच्या स्थानिक नेत्यांनी चक्क शेतात टेबल लावून एखाद्या प्रदर्शनात मांडल्याप्रमाणे जळालेलं पीक टेबलवर पाहण्यासाठी ठेवलं,” अशी टीका रोहित पवार यांनी केली.
“आधी पोलिसांनी शेतात मेटल डिटेक्टर लावलं आणि आता टेबलावर जळालेली पिकं ठेवली. हसावं की रडावं अशा नेत्यांवर?” असा टोला त्यांनी लगावला.
‘शेतकऱ्यांनाच मुख्यमंत्र्यांना भेटण्यापासून अडवलं’
दुष्काळी पाहणी दौऱ्यादरम्यान शेतकऱ्यांना मुख्यमंत्र्यांशी थेट संवाद साधता आला नाही, असा दावाही Rohit Pawar यांनी केला. शेतकऱ्यांनी पाठवलेल्या एका व्हिडिओचा संदर्भ देत त्यांनी पोलिसांकडून शेतकऱ्यांना अडवले जात असल्याचे म्हटले.
“मुख्यमंत्री साहेब दुष्काळी पाहणीसाठी आले खरे; पण पोलिस मात्र शेतकऱ्यांनाच मुख्यमंत्र्यांच्या भेटीसाठी अडवत आहेत आणि ‘क्कडक’ खादी घातलेल्यांना मात्र लगेच सोडले जात आहे,” असा आरोप त्यांनी केला.
शेतकऱ्यांनी वस्तुस्थिती मुख्यमंत्र्यांसमोर मांडू नये म्हणून त्यांना अडवले जात आहे का, असा सवालही त्यांनी उपस्थित केला. “हा दौरा शेतकऱ्यांसाठी आहे की पुढाऱ्यांसाठी?” असा प्रश्न रोहित पवार यांनी केला.
‘संपूर्ण खरीप हंगाम वाया गेला’
गेल्या तीन-चार दिवसांमध्ये आपण मराठवाड्यातील विविध भागांचा दौरा करून शेकडो शेतकऱ्यांची भेट घेतल्याचे Rohit Pawar यांनी सांगितले. अनेक भागांमध्ये संपूर्ण खरीप हंगाम वाया गेल्याचा दावा त्यांनी केला.
काही गावांमध्ये सध्या पिण्याच्या पाण्याचीही गंभीर परिस्थिती निर्माण झाली असल्याचे त्यांनी सांगितले. या पार्श्वभूमीवर छत्रपती संभाजीनगरचे विभागीय आयुक्त जी. श्रीकांत यांची भेट घेऊन मराठवाड्यातील दुष्काळी परिस्थिती तसेच शासनाकडून करावयाच्या मदत आणि उपाययोजनांबाबत चर्चा केल्याचे त्यांनी सांगितले.
काही भागात परतीचा थोडाफार पाऊस झाल्याने काही पिके बाहेरून हिरवी दिसत असली तरी त्यातून अपेक्षित उत्पादन मिळणार नसल्याचे रोहित पवार यांनी म्हटले. त्यामुळे नुकसानग्रस्त शेतकऱ्यांना सरसकट आर्थिक मदत देण्याची मागणी त्यांनी केली.
शेतकऱ्यांसाठी ५० हजार, शेतमजुरांसाठी २५ हजारांची मागणी
दुष्काळी परिस्थितीचा सामना करणाऱ्या शेतकऱ्यांना सरसकट हेक्टरी ५० हजार रुपये आर्थिक मदत देण्यात यावी, अशी मागणी Rohit Pawar यांनी केली. त्याचबरोबर शेतमजुरांच्या कुटुंबांनाही प्रतिकुटुंब २५ हजार रुपये मदत द्यावी, अशी मागणी त्यांनी केली.
याशिवाय मागील वर्षी जाहीर करण्यात आलेल्या १७ हजार ५०० रुपये प्रतिहेक्टरी पीकविमा रकमेचा लाभ शेतकऱ्यांना तातडीने मिळावा, अशी मागणीही त्यांनी केली. मराठवाड्यातील काही जिल्ह्यांमध्ये रखडलेला पीकविमा तातडीने वितरित करण्याची मागणी त्यांनी केली.
कर्जमाफी आणि प्रोत्साहनपर अनुदानाची मागणी
शेतकऱ्यांच्या कर्जाचा प्रश्नही Rohit Pawar यांनी उपस्थित केला. कर्जमाफी योजनेच्या अंमलबजावणीला वेग देऊन पात्र सर्व शेतकऱ्यांना तातडीने कर्जमाफीचा लाभ द्यावा, अशी मागणी त्यांनी केली.
कर्जमाफीसोबतच शेतकऱ्यांना पुढील हंगामासाठी नवीन कर्ज उपलब्ध करून द्यावे, अशी मागणीही करण्यात आली आहे. नियमितपणे कर्जाची परतफेड करणाऱ्या शेतकऱ्यांना जाहीर करण्यात आलेले ५० हजार रुपयांचे प्रोत्साहनपर अनुदानही तातडीने त्यांच्या बँक खात्यावर जमा करावे, असे रोहित पवार यांनी म्हटले.
दरम्यान, मुख्यमंत्री देवेंद्र फडणवीस यांच्या दुष्काळी पाहणी दौऱ्यावरून रोहित पवार यांनी केलेल्या या टीकेमुळे राज्यातील दुष्काळ, शेतकरी मदत आणि सरकारी दौऱ्यांमधील सुरक्षा व्यवस्थेचा मुद्दा पुन्हा चर्चेत आला आहे. सरकारकडून शेतकऱ्यांना तातडीने मदत मिळावी आणि नुकसानग्रस्त भागातील परिस्थितीचा गांभीर्याने विचार करावा, अशी मागणी रोहित पवार यांनी केली आहे.
Read Also : https://ajinkyabharat.com/raj-thackeray-3/
